Powoha 7:1 - Muna Southern Dialect

¹ Pada aitu awohamo malaꞌekati dopopaa deehe-ehe ne kofatosikuaꞌae dhunia maka dotaami kofatohondaꞌae kawea ne dhunia, keana bhe so miuno te wite, we teꞌi bhe ne puꞌuno sau.

Powoha 7:1 Iomraidhean Croise

Matius 24:31

Duhulele bhalano nakondii. Anano Manusia natumudumo malaꞌekatino dalumimba dahumompunao umati tipilino namaiꞌao ne kofatowalaꞌae alamu, maiꞌao we tompano lani sewetano ampa we sewetano.

Markus 13:27

Natumudu malaꞌekatino damoꞌonu umatino tipilino, damaiꞌao ne kofatowalaꞌae alamu, damaiꞌao te bheteꞌano oleo ampa we sooꞌano.”

Powoha 20:8

Anoa nakumalamo toha naefekakolilino sabhaha bansano liwu ne kofatowalaꞌae dhunia, nekonando Gog bhe Magog, maka namohompuda dapopahisa. Kabhahindo mie nefohompu nadamo bhone we wiwino teꞌi.

Powoha 6:6

Tadua afetingkemo pasae suaha maiꞌao ne olotando mahaluku fato uluno maitu, ambano, “Olino sebaa pae ponambo seꞌoleo, olino tolu baa kahitela ponambo dua seꞌoleo, ampamo kaowu o mina bhe angguru koise dai-daiꞌeomua.”

Powoha 7:3

ambano, “Kadeki dai-daidaomu wite, teꞌi tawa puꞌuno sau ane palima-limano Lahataꞌalantoomu paeꞌo takumatandada ne kondaꞌindo.”

Powoha 8:7

Malaꞌekati kabhao-bhaono nobuso duhuleleno maka nosampumo use ngkobhatu, oefi noposalo bhe hea, kosasawiꞌae naꞌa doꞌohoe we dhunia. Sekatolu dawuꞌa dhunia notitawu, pedamo dua itu sekatolu dawuꞌa sabhaha puꞌuno sau nongampu, bhe sabhaha kahoku moꞌuhino nopuli notihampuni.

Powoha 9:14

Suaha anaꞌa nopugau ne malaꞌekati kanonoono meintahano duhulele maitu ambano, “Lenseda kopopaando malaꞌekati titapuno we umele bhalano Efrat.”

Powoha 9:4

Kapunda andoa ini doꞌeleꞌaanda daedai-dai kahoku tawa kantisa tawa sabhaha puꞌuno sau, ampamo kaowu damekolea-leaꞌi manusia tapa mepakeno katandano Lahataꞌala ne kondaꞌindo.