Powoha 6:2 - Muna Southern Dialect

² Taꞌawohamo seꞌulu adhaha kapute, mie sumawikie neintaha pana maka dowaꞌane songkono omputo. Anoa nokala peda seemie fotalono neꞌondofi kafotalo.

Powoha 6:2 Iomraidhean Croise

Matius 28:18

Yesus nomaꞌotidamo bhe nopugau ambano, “Sabhaha kuasa te surugaa bhe we dhunia ini nowaꞌa kanaꞌe Amaku.

1 Korintus 15:25

Kapaꞌamo Kristus tetewei namahinta kansuhu nada omputo ampa kosasawindo kaewano namolongkoda Lahataꞌala te wawono aꞌeno.

Powoha 11:15

Pada aitu malaꞌekati kapipituno nobusomo duhuleleno maka notifetingkemo suaha-suaha mohaaꞌi sepaliꞌa weo surugaa, ambado, “Kuasa kafopahintaꞌano dhunia nointahaemo Ompuntoomu bhe Mesias Omputo Fosalamatino, Anoa namahinta nada omputo ampa suhue dhamani.”

Powoha 11:18

Sabhaha bansando liwu doꞌamaha, tamaka nohatomo amahamu. Aitu nohatomo tempono mie mate dabhotusida, temponomo dua palima-limamu damaꞌanda ponambodo, pedamo dua ne ana-anabii, mie mongkilo, mie moteꞌino neamu, mie mohobu bhe mie bhalano. Temponomo dua damobinasa mie mohansuruno dhunia.”

Powoha 14:14

Awohamo dua gahaꞌa bhe olu ngkapute, te wawono nengkoha-ngkoha seemie pasae Anano Manusia nefokana songkono omputo maiꞌao ne bulawa. Neintaha semata kapulu kokanggai so katobheꞌa, nohoko sepaliꞌa.

Powoha 15:2

Awoha dua teꞌi peda paeasa bhalano noposalo bhe efi. Ne wiwino teꞌi naꞌa deehe-ehemo mie tumalono kadadi saꞌituini, patungno bhe kaꞌeapino neano. Andoa deinta-intaha kusapi kawaꞌaono Lahataꞌala.

Powoha 17:14

Andoa dapopahisa bhe Anano Dhumba, tamaka Anano Dhumba natumaloda hampano Anoa Kafeompuꞌandomo sabhaha kafeompuꞌa bhe Omputo sabhaha omputo. Anano Dhumba naꞌa daposabhangkaane mie nesaliꞌino, nepilino bhe tiparasaeano.”

Powoha 19:14

Anoa doangkafie kosasawindo tantarano surugaa dosawi ne adhaha kapute depake kai moꞌalusu sakapu-kapute, nonggela sepaliꞌa.

Powoha 3:21

Sasuka fotalono amongkohae te kaengkohaꞌaku kumalabhiano ⸤ so damahintaꞌao⸥ dapoowa bhe Idi, pedamo dua Idi padamo afotalo maka aengkoha apoowa-owa bhe Amaku te kaengkohaꞌano kumalabhiano.

Powoha 9:7

Katundo kapunda andoa naꞌa pasaꞌida adhaha nefontaa-ntaa so popahisaꞌa. Te fotundo bhe songkondo, wohaꞌano peda songko bulawano omputo, ulando nokatu manusia.