Powoha 6:1 - Muna Southern Dialect

¹ Pada amaitu awohamo Anano Dhumba nolengka kafuluti kabhao-bhaono maiꞌao ne kafuluti fitu iseno maitu, maka notifetingke suahano seꞌulu mahaluku maiꞌao ne mahaluku fato uluno naꞌa pasae guntu, ambano, “Maimo!”

Powoha 6:1 Iomraidhean Croise

Yohanes 1:29

Nomentae Yohanes nowohamo Yesus nomaiꞌie. Nopugaumo ambano, “Ondoeꞌomu Anano Dhumbano Lahataꞌala, tumolosino dhosano dhunia.

Tula-tulando rasulu 4:20

Kapaꞌamo insaodi ini pae bhe kapoolia tatumiehe tafofohatoꞌao newoha mani bhe nefetingke mani.”

Powoha 11:19

Tanotilengkamo dua Lambuno Lahataꞌala te surugaa, notiwohamo dua sohongano podhandiꞌa weo Lambuno Lahataꞌala naꞌa. Gahaꞌa wakutuu aitu dua nokobhibhito, nokopisibhela, nokoguntu, nokoluali, bhe nosampu use ngkobhatu nobhie sepaliꞌa.

Powoha 13:8

Kosasawindo mie meateno we dhunia dasumomba ne anoa. Miemo andoa ini, mpini pakatifokonandoono dhunia, miina natibuhia neando weo Kitabindo Mie Dumadi, fehebuaꞌano Anano Dhumba toka nesumbele.

Powoha 14:2

Taꞌafetingkemo dua suaha nomaiꞌao te lani pedamo guhuntumano luano oe bhalano bhe nduuno pisibhela timoteꞌiꞌano. Suaha nefetingkeku naꞌa pedamo dua kantawundo mie mekusapino dobhesi-bhesi kusapindo.

Powoha 19:6

Pada amaitu afetingkemo kanggetu suahando kantawundo mie bhahi, pedamo guhuntumano luano oe bhalano, pedamo dua nduuno guntu mobhibhiisano ambado, “Haleluya! Ompu Lahataꞌalantoomu Fofoliuno Kuasa nembalimo omputo.

Powoha 4:8

Mahaluku fato uluno maitu sanea kopanino nomo pani seꞌulu, panindo samata-mata weta we lalo bhe we simbali. Ole-oleono koho-kohondoꞌano miina bhe kafeontoa delagu, “Nongkilo, nongkilo, nongkilo mpuu Ompu Lahataꞌala Fofoliuno Kuasa, toka ndumandoono, ndumandoono bhe so humatono.”

Powoha 5:1

Pada anaꞌa awohamo selulu kitabi nointahaane suanano Mengkohano ne kaengkohaꞌa kumalabhiano maitu. Kaluluno kitabi anaꞌa nokokabuhi kohaawetaꞌae bhe dofulutiane bhindahi fitu kafuluti.

Powoha 5:12

Suahando nohaaꞌi sepaliꞌa ambado, “Anano Dhumba nesumbele maitu nopantasi mpuu notahima kuasa, kahangkaea, kapande, kaꞌosa, kafosibhala, kakalabhia, bhe sabhaha kapudhi!”

Powoha 5:8

Sanotahima kaluluno kitabi amaitu, mahaluku fato uluno bhe kamungkula haa fulu popaano maitu dolongko dotaohao sombado ne wiseno Anano Dhumba naꞌa. Andoa sanea meintahano kusapi bhe mangko bulawa noponoꞌao dupa; aituꞌaemo sambaheando umati mongkilono.

Powoha 6:3

Wakutuuno Anano Dhumba nolengka kafuluti kahaa iseno, afetingkemo dua mahaluku kahaa uluno nopugau, ambano, “Maimo!”

Powoha 6:5

Wakutuu Anano Dhumba nolengka kafuluti katolu iseno, afetingkemo mahaluku katolu uluno nopugau, ambano, “Maimo!” Taꞌawohamo toha seꞌulu adhaha, o bholo, mie sumawikie neintaha kilo kaetimbangiꞌa.

Powoha 6:7

Wakutuuno Anano Dhumba nolengka kafuluti kafato iseno afetingkemo suahano mahaluku kafato uluno nopugau, ambano, “Maimo!”

Powoha 8:1

Wakutuuno Anano Dhumba nolengka kafuluti kafitu iseno, tanosimolinoꞌamo te surugaa napesetanga dhamu kaomponano.