Powoha 5:5 - Muna Southern Dialect

⁵ Pada anaꞌa nopugaumo seemie nomaiꞌao ne kamungkulaꞌi maitu ne idi, “Koise moꞌaea! Ondo itu! O singa maiꞌaono ne sampuꞌano Yehuda, tunasi bhalano omputo Daud, nofotalomo sampe nopooli nolengka kaluluno kitabi amaitu bhe kofitu iseꞌae kafulutino.”

Powoha 5:5 Iomraidhean Croise

Lukas 23:28

Gahaꞌa Yesus tanodolikida bhe nopugau ambano, “Alee hobhineꞌino Yerusalem, koise moꞌaefiomu Idi, tamaka moꞌaefi wutomiu bhe anaꞌimiu.

Lukas 7:13

Nowoha bhihinanda aitu, Ompu Yesus nobhelaanemo lalono maka nopugau ambano, “Koise moꞌaea.”

Lukas 8:52

Kosasawindo mie dekangkoꞌae doꞌaefimo anaꞌi aitu. Tamaka Yesus tanopugau ambano, “Koise moꞌaeꞌomua, anaꞌi aini miina namatea tamaka noodo.”

Yohanes 20:13

Dofeenaemo malaꞌekati naꞌa ambado, “Waꞌina noafa gahaꞌa moꞌaeꞌao?” Notobhoosimo Maria ambano, “Ompuku doalae mie, miina amandeꞌaanea bhahaꞌi doowae ne amai.”

Roma 1:3

Bhihita Metaa aini nopulaoꞌao Anano Lahataꞌala, Yesus Kristus Ompuntoomu. Peda seemie manusia, nolente maiꞌao ne sampuꞌano omputo Daud.

Roma 15:12

Peda dua ini nekosuahaꞌaono anabii Yesaya, “Namaiꞌao ne sampuꞌano Isai natiumba tunasino, tunasi aini namehe namintaha pahinta ne sabhaha bansano liwu. Anoamo dua so tumpuꞌano posahunaꞌaondo sabhaha bansano liwu.”

Ibrani 7:14

Kosasawindo mie dopandeꞌaane putae Ompuntoomu nomaiꞌao ne sampuꞌano Yehuda, maka anabii Musa miina sepaliꞌa nasumambili sampuꞌano Yehuda so membalino imamu.

Powoha 1:1

Kitabi aini nokowambaꞌao kafohatono Yesus Kristus nopulaoꞌao so kumadhadhiaꞌano namada kaowu. Kafohato aini nowaꞌane Lahataꞌala namotiwohae ne palima-limaꞌino Lahataꞌala o ae so tetewei kumadhadhiaꞌano mehimba. Kristus netudu malaꞌekatino ne Yohanes, o palima-limano, namosampeane sabhaha kadhadhia anaꞌa.

Powoha 22:16

Idi Yesus, padamo atudu malaꞌekatiku ne hintimiu namohatoangkoomu kaowili aini so tombu-tombudo umati marasaeano. Idi ini tunasi bhalano omputo Daud, Kowine mentaleano.”

Powoha 3:21

Sasuka fotalono amongkohae te kaengkohaꞌaku kumalabhiano ⸤ so damahintaꞌao⸥ dapoowa bhe Idi, pedamo dua Idi padamo afotalo maka aengkoha apoowa-owa bhe Amaku te kaengkohaꞌano kumalabhiano.

Powoha 4:10

maka kamungkula haa fulu popaano naꞌa dosudhu defodapa ne wiseno Mengkohano te kaengkohaꞌa kumalabhiano maitu. Andoa dotaohao sombado ne Anoa dumadino ampa suhue dhamani naꞌa poowa dohunsa songko bulawando ne wiseno bhe dopugau ambado,

Powoha 4:4

Dolibu-libu kaengkohaꞌa kumalabhiano naꞌa nandoo haa fulu fato onu kaengkohaꞌa kumalabhiano sigaoꞌano, dengkohafie dohaa fulu popaa kamungkulaꞌi. Pakeando sakapu-kapute, ne fotundo defokana songkono omputo maiꞌao ne bulawa.

Powoha 5:4

Aoꞌae kaꞌosano kapeano laloku hampano miina bhe mantasino dalumengka kaluluno kitabi amaitu tawa daꞌumondo weta we lalo.

Powoha 6:1

Pada amaitu awohamo Anano Dhumba nolengka kafuluti kabhao-bhaono maiꞌao ne kafuluti fitu iseno maitu, maka notifetingke suahano seꞌulu mahaluku maiꞌao ne mahaluku fato uluno naꞌa pasae guntu, ambano, “Maimo!”

Powoha 7:13

Seemie maiꞌao ne olotando kamungkulaꞌi maitu nofeena kanau ambano, “Ndo laꞌae bhahaa mepakeno dhuba kapute maitu bhe domaiꞌao ne amai?”