Powoha 4:6 - Muna Southern Dialect

⁶ Ne wiseno kaengkohaꞌa kumalabhiano naꞌa wohaꞌano nandoo bhe teꞌi peda paeasa bhalano, nohumaha pasae kristal. We wunta-wunta, dolibu-libu kaengkohaꞌa kumalabhiano naꞌa, bhe mahaluku dofato ulu, samata-mata te wisendo bhe we kundodo.

Powoha 4:6 Iomraidhean Croise

Powoha 14:3

Andoa delagu-laguꞌao lagu buꞌou ne wiseno kaengkohaꞌa kumalabhiano bhe ne wisendo mahaluku fato uluno bhe ne wiseno kamu-kamungkulaꞌi. Bhe naseemie miina bhe membalino poguhuꞌaono lagundo, mpahinomo mie moꞌono fato fulu fato hewuno titolosino maiꞌao we dhunia.

Powoha 15:2

Awoha dua teꞌi peda paeasa bhalano noposalo bhe efi. Ne wiwino teꞌi naꞌa deehe-ehemo mie tumalono kadadi saꞌituini, patungno bhe kaꞌeapino neano. Andoa deinta-intaha kusapi kawaꞌaono Lahataꞌala.

Powoha 15:7

Seꞌulu mahaluku maiꞌaono ne mahaluku popaano naꞌa nowaꞌao malaꞌekati pipituno maitu fitu woka mangko bulawa noponoꞌao amahano Lahataꞌala dumadino ampa suhue dhamani.

Powoha 19:4

Kamungkula haa fulu popaano bhe mahaluku fato uluno maitu defodapa dotaohao sombado ne Lahataꞌala mengkohano ne kaengkohaꞌa kumalabhiano bhe dopugau ambado, “Amin, Haleluya.”

Powoha 21:11

Kota amaitu nentaleaꞌao kakalabhiano Lahataꞌala, tilangano tapedamo kontu moinda foliuno kakesa, tapedamo kontu baidhuri nohumaha pasae kristal.

Powoha 21:18

Benteno kota amaitu dohabue maiꞌao ne kontu moinda nekonando baidhuri, puuno kotano nomaiꞌao ne bulawa mpeꞌuhi, nomoinda peda paeasa.

Powoha 21:21

Kaguali ompulu haa tibhano maitu dohabue nomaiꞌao ne ompulu haa onu muntia, setibha-setibha seꞌonu muntia. O kabhongka weo kota amaitu dohabue nomaiꞌao ne bulawa mpeꞌuhi, nomoinda tapedamo paeasa.

Powoha 22:1

Pada anaꞌa malaꞌekati amaitu nofosusu kanaumo umeleno oe meowano dadi. Umele maitu nomoinda tapedamo kristal, nomawa nomaiꞌao ne kaengkohaꞌano kumalabhiano Lahataꞌala bhe Anano Dhumba,

Powoha 4:4

Dolibu-libu kaengkohaꞌa kumalabhiano naꞌa nandoo haa fulu fato onu kaengkohaꞌa kumalabhiano sigaoꞌano, dengkohafie dohaa fulu popaa kamungkulaꞌi. Pakeando sakapu-kapute, ne fotundo defokana songkono omputo maiꞌao ne bulawa.

Powoha 5:11

Pada amaitu awoha bhe afetingkemo dua suahano kantawundo malaꞌekati dolibu-libu kaengkohaꞌa kumalabhiano, mahaluku bhe kamungkulaꞌi maitu, kabhahindo ntini lasa-lasa, ntini hewu-hewu lasa.

Powoha 5:14

Mahaluku fato uluno maitu dotobhoosi, “Amin” bhe kamungkulaꞌi defodapa dotaohao sombado.

Powoha 5:6

Palusi amaitu awohamo dua ne wunta-wuntano kaengkohaꞌa kumalabhiano, dolibu-libue mahaluku fato uluno bhe kamungkulaꞌi maitu, neehe-ehe seꞌulu Anano Dhumba pasae padamo dosumbelee. Tanduno fitu pele, matano fitu onu, andoa maitu kofitu bansaꞌae Rohino Lahataꞌala netuduno dolili ne kosekaꞌewaꞌae dhunia.

Powoha 5:8

Sanotahima kaluluno kitabi amaitu, mahaluku fato uluno bhe kamungkula haa fulu popaano maitu dolongko dotaohao sombado ne wiseno Anano Dhumba naꞌa. Andoa sanea meintahano kusapi bhe mangko bulawa noponoꞌao dupa; aituꞌaemo sambaheando umati mongkilono.

Powoha 6:1

Pada amaitu awohamo Anano Dhumba nolengka kafuluti kabhao-bhaono maiꞌao ne kafuluti fitu iseno maitu, maka notifetingke suahano seꞌulu mahaluku maiꞌao ne mahaluku fato uluno naꞌa pasae guntu, ambano, “Maimo!”

Powoha 6:6

Tadua afetingkemo pasae suaha maiꞌao ne olotando mahaluku fato uluno maitu, ambano, “Olino sebaa pae ponambo seꞌoleo, olino tolu baa kahitela ponambo dua seꞌoleo, ampamo kaowu o mina bhe angguru koise dai-daiꞌeomua.”

Powoha 7:11

Kosasawindo malaꞌekati deehe-ehe dolibu-libu kaengkohaꞌa kumalabhiano, kamungkulaꞌi, bhe mahaluku fato uluno maitu. Malaꞌekati andoa naꞌa dosudhu defodapa ne wiseno kaengkohaꞌa kumalabhiano maitu bhe dotaohao sombado ne Lahataꞌala.

Powoha 7:17

Kapaꞌamo Anano Dhumba ne wunta-wuntano kaengkohaꞌa kumalabhiano maitu nadhumaganida bhe namatoda se matano oe meowano dadi. Wutono Lahataꞌala namusuli luundo namopada-padae.”