Powoha 4:4 - Muna Southern Dialect

⁴ Dolibu-libu kaengkohaꞌa kumalabhiano naꞌa nandoo haa fulu fato onu kaengkohaꞌa kumalabhiano sigaoꞌano, dengkohafie dohaa fulu popaa kamungkulaꞌi. Pakeando sakapu-kapute, ne fotundo defokana songkono omputo maiꞌao ne bulawa.

Powoha 4:4 Iomraidhean Croise

Matius 19:28

Ambano Yesus, “Amohatokoomu, kotu-kotuꞌu nahumato tempono dhunia buꞌou, Anano Manusia - Idimo ini - naengkoha-ngkoha ne kaengkohaꞌano omputo weo kakalabhiano. Ne naꞌa hintimiu toka mangkafi kanau, mengkohaomu dua te kaengkohaꞌa ompulu haa onuno somo mandeꞌaono ompulu haa onu sampuꞌano miendo Israel.

Lukas 22:30

Ne naꞌa hintimiu naembali momaaꞌomu mohoꞌuomu pombaliomu bhe Idi weo Kafopahintaꞌaku, bhe mengkohaomu ne kaengkohaꞌano kolaki so mandeꞌaono miendo Israel ompulu haa sampuꞌano.”

2 Timotius 4:8

Aitu nokantaa-ntaamo so idi kawaꞌao so mie fotalono hampano adadi aangkafi kapoindalono Lahataꞌala. Kawaꞌao anaꞌa namaꞌa kanaꞌe Ompu ne oleo kahatoꞌano, kapaꞌamo Anoamo Fobhitahakino umadhilino. Bhahamoa suano kaowu idi so tumahimae, tamaka kosasawindo mie mokambano lalo ne oleo kahatoꞌano.

Powoha 11:16

Kamungkula haa fulu popaano mengkohano ne wiseno Lahataꞌala te wawono kaengkohaꞌando kumalabhiano, defodapa dotaohao sombado ne Lahataꞌala.

Powoha 14:3

Andoa delagu-laguꞌao lagu buꞌou ne wiseno kaengkohaꞌa kumalabhiano bhe ne wisendo mahaluku fato uluno bhe ne wiseno kamu-kamungkulaꞌi. Bhe naseemie miina bhe membalino poguhuꞌaono lagundo, mpahinomo mie moꞌono fato fulu fato hewuno titolosino maiꞌao we dhunia.

Powoha 19:14

Anoa doangkafie kosasawindo tantarano surugaa dosawi ne adhaha kapute depake kai moꞌalusu sakapu-kapute, nonggela sepaliꞌa.

Powoha 19:4

Kamungkula haa fulu popaano bhe mahaluku fato uluno maitu defodapa dotaohao sombado ne Lahataꞌala mengkohano ne kaengkohaꞌa kumalabhiano bhe dopugau ambado, “Amin, Haleluya.”

Powoha 2:10

Koise moteꞌia ne kakadee-dee so neꞌawamiu! Tandaiꞌe, Kafeompuꞌando seetani naꞌumohofi seemie hodua ne olotamiu itu weo katohongku patudhuno nasumobakoomu, maka meꞌawaomu kasabha naompuluꞌa. Fintahakieꞌomu mpuu kaparasaeamiu mahingga mewisekiomu mate, maka amaꞌangkoomu dadi suhue dhamani mbali kawaꞌaondo fotalono.

Powoha 20:4

Pada anaꞌa awohamo nobhahi kaengkohaꞌano omputo bhe mie mengkohafie; andoa dowaꞌanda kuasa so dafobhotusiꞌao. Awohamo dua alusundo mie titompeꞌano wuꞌu hampano dosakusiiꞌao kaparasaendo ne Yesus bhe dofintahaki bhoasaono Lahataꞌala. Mie andoa ini miina dua dasumombai kadadi anaꞌa bhe patungno, bhe miina dua daetahima katandano ne kondaꞌindo bhe ne limando. Andoa ini suli dodadi bhe dopahinta peda omputo dopoowa-owa bhe Kristus sehewu taꞌu kaomponano.

Powoha 3:18

Dadiꞌanomo atangahikoomu meꞌoli bulawa toka nefekangkilo ne efi maiꞌao ne Idi neanomo humangkaeaꞌomu. Meꞌoli dua pakea kapute neanomo naembali makee keana notiwoha katilembimiu timoambanoꞌaono itu. Meꞌoli dua kaago so tumei ne matamiu neanomo fowohaomu.

Powoha 4:10

maka kamungkula haa fulu popaano naꞌa dosudhu defodapa ne wiseno Mengkohano te kaengkohaꞌa kumalabhiano maitu. Andoa dotaohao sombado ne Anoa dumadino ampa suhue dhamani naꞌa poowa dohunsa songko bulawando ne wiseno bhe dopugau ambado,

Powoha 4:6

Ne wiseno kaengkohaꞌa kumalabhiano naꞌa wohaꞌano nandoo bhe teꞌi peda paeasa bhalano, nohumaha pasae kristal. We wunta-wunta, dolibu-libu kaengkohaꞌa kumalabhiano naꞌa, bhe mahaluku dofato ulu, samata-mata te wisendo bhe we kundodo.

Powoha 5:11

Pada amaitu awoha bhe afetingkemo dua suahano kantawundo malaꞌekati dolibu-libu kaengkohaꞌa kumalabhiano, mahaluku bhe kamungkulaꞌi maitu, kabhahindo ntini lasa-lasa, ntini hewu-hewu lasa.

Powoha 5:14

Mahaluku fato uluno maitu dotobhoosi, “Amin” bhe kamungkulaꞌi defodapa dotaohao sombado.

Powoha 5:6

Palusi amaitu awohamo dua ne wunta-wuntano kaengkohaꞌa kumalabhiano, dolibu-libue mahaluku fato uluno bhe kamungkulaꞌi maitu, neehe-ehe seꞌulu Anano Dhumba pasae padamo dosumbelee. Tanduno fitu pele, matano fitu onu, andoa maitu kofitu bansaꞌae Rohino Lahataꞌala netuduno dolili ne kosekaꞌewaꞌae dhunia.

Powoha 5:8

Sanotahima kaluluno kitabi amaitu, mahaluku fato uluno bhe kamungkula haa fulu popaano maitu dolongko dotaohao sombado ne wiseno Anano Dhumba naꞌa. Andoa sanea meintahano kusapi bhe mangko bulawa noponoꞌao dupa; aituꞌaemo sambaheando umati mongkilono.

Powoha 6:11

Andoa dowaꞌanda dhuba kapute setuwu seemie maka dopugauanda damewule tana sebantaha, ampa nakumapo kabhahino sabhangkaꞌindo weo kaꞌondofao bhe kabhahino bhahitieꞌindo, so nepongko peda dua andoa.

Powoha 7:11

Kosasawindo malaꞌekati deehe-ehe dolibu-libu kaengkohaꞌa kumalabhiano, kamungkulaꞌi, bhe mahaluku fato uluno maitu. Malaꞌekati andoa naꞌa dosudhu defodapa ne wiseno kaengkohaꞌa kumalabhiano maitu bhe dotaohao sombado ne Lahataꞌala.

Powoha 7:9

Pada amaitu awohamo kantawundo mie, miina natilentua kabhahindo. Andoa domaiꞌao ne sabhaha liwu, sabhaha sampuꞌa, sabhaha siwulu, bhe sabhaha wamba, deehe-ehe ne wiseno kaengkohaꞌa kumalabhiano bhe ne wiseno Anano Dhumba, depake dhuba kapute deintaha hoono potubu.

Powoha 9:7

Katundo kapunda andoa naꞌa pasaꞌida adhaha nefontaa-ntaa so popahisaꞌa. Te fotundo bhe songkondo, wohaꞌano peda songko bulawano omputo, ulando nokatu manusia.