Powoha 4:2 - Muna Southern Dialect

² Lasao nokabhinti kanau Rohino Lahataꞌala, gahaꞌa awohamo nandoo seꞌonu kaengkohaꞌano omputo kumalabhiano te surugaa. Kaengkohaꞌa maitu bhe Mengkohafie.

Powoha 4:2 Iomraidhean Croise

Matius 22:43

Ambano Yesus, “Ane peda naꞌa noafa gahaꞌa Daud weo kuasano Rohino Lahataꞌala, nokona Omputo Fosalamatino maitu Ompuno? Ingka nopugau peda aini,

Ibrani 8:1

Puuno bhahi-bhahiꞌae nepuga-pugauꞌaontoomu ini: intaodiomu bhe Imamuntoomu Bhalano medano anaꞌa, mengkohano ne suanano kaengkohaꞌano Lahataꞌala fofoliuno kakalabhia te surugaa.

Powoha 1:10

Ne oleono Ompu nokabhinti kanau Rohino Lahataꞌala maka nomaiꞌao we kundoku afetingke suaha nondii sepaliꞌa tapedamo duhulele bhalano.

Powoha 12:5

Hobhine amaitu nokoanaꞌao seemie moꞌane somo mahintangino sabhaha bansano liwu naepake katuko uti. Tambaꞌomo anano maitu doagoiꞌe maka doowae ne Lahataꞌala, ne kaengkohaꞌano kumalabhiano.

Powoha 17:3

Pada anaꞌa nokabhinti kanaumo Rohino Lahataꞌala maka nowowoꞌo kanau we pandaso bhalano. Ne itu awohamo seemie hobhine nengkoha-ngkoha te wawono seꞌulu kadadi, waranaano o kadea lalo moꞌito. Uluno kadadi anaꞌa noponoꞌao nea mekaꞌaebuno Lahataꞌala; fotuno fitu pongke, tanduno ompulu pele.

Powoha 19:4

Kamungkula haa fulu popaano bhe mahaluku fato uluno maitu defodapa dotaohao sombado ne Lahataꞌala mengkohano ne kaengkohaꞌa kumalabhiano bhe dopugau ambado, “Amin, Haleluya.”

Powoha 20:11

Pada aitu awohamo dua kaengkohaꞌa kumalabhiano nopute bhe nobhala bhe Mengkohafie. O lani bhe dhunia tanosimiinaeꞌamo ne wiseno kao-kaomo dofileiane, miinamo natiwohaa.

Powoha 21:10

Pada anaꞌa nokabhinti kanau Rohino Lahataꞌala maka malaꞌekati maitu noowa kanau te wawono kabhawo bhalano bhe melangkeno. Ne itu nofotiwoha kanaumo kota mongkilo, kotano Yerusalem, sumampuꞌano maiꞌao te surugaa, maiꞌaono ne Lahataꞌala.

Powoha 21:5

Mengkohano te kaengkohaꞌano omputo nopugau ambano, “Kosasawiꞌae apahabuꞌounie!” Ambano dua, “Buhie, kapaꞌamo sabhaha bhoasao aini notiparasaea bhe nobanara!”

Powoha 3:21

Sasuka fotalono amongkohae te kaengkohaꞌaku kumalabhiano ⸤ so damahintaꞌao⸥ dapoowa bhe Idi, pedamo dua Idi padamo afotalo maka aengkoha apoowa-owa bhe Amaku te kaengkohaꞌano kumalabhiano.

Powoha 4:10

maka kamungkula haa fulu popaano naꞌa dosudhu defodapa ne wiseno Mengkohano te kaengkohaꞌa kumalabhiano maitu. Andoa dotaohao sombado ne Anoa dumadino ampa suhue dhamani naꞌa poowa dohunsa songko bulawando ne wiseno bhe dopugau ambado,

Powoha 4:5

Nomaiꞌao ne kaengkohaꞌa kumalabhiano naꞌa nokosilakamo bhibhito, pisibhela bhe guntu. Ne wiseno kaengkohaꞌa naꞌa nandoo fitu pele kaꞌula bhalano hende-hendeꞌano, andoamo maitu kofitu bansaꞌae Rohino Lahataꞌala.

Powoha 4:9

Taenomo mahaluku maitu defoampe lagu kapudhi, kafosibhala bhe katumpuno lalo ne Mengkohano te wawono kaengkohaꞌa kumalabhiano, dumadino ampa suhue dhamani naꞌa,

Powoha 5:1

Pada anaꞌa awohamo selulu kitabi nointahaane suanano Mengkohano ne kaengkohaꞌa kumalabhiano maitu. Kaluluno kitabi anaꞌa nokokabuhi kohaawetaꞌae bhe dofulutiane bhindahi fitu kafuluti.

Powoha 5:13

Afetingkemo dua kosasawindo mahaluku te surugaa, we dhunia, we pandano dhunia bhe we teꞌi, tangkanomo sabhaha ndumandooꞌano weo alamu bhalano ini, delagu ambado, “Sabhaha kapudhi, kafosibhala, kakalabhia bhe kuasa ampa suhue dhamani so Mengkohano ne kaengkohaꞌa kumalabhiano bhe so Anano Dhumba!”

Powoha 6:16

Andoa dopugau ne kabhawo bhe ne kontu maitu ambado, “Tabuhiki kainsami! Febuni kainsami maiꞌao ne Mengkohano ne kaengkohaꞌa kumalabhiano bhe amahano Anano Dhumba maitu.