Powoha 3:4 - Muna Southern Dialect

⁴ Tamaka we Sardis itu nandoo seemie hodua tapa pokahakuꞌaono pakeano; andoa ini daekala-kala dapoowa bhe Idi daepake pakea kapute, hampano andoa ini dopantasimo nada maitu.

Powoha 3:4 Iomraidhean Croise

Matius 10:11

Ane mesuaꞌomu ne kota tawa ne liwu, meꞌondoomu mie mantasino so kabutuꞌamiu, meate-ateomu ne itu ampa kumalaomu toha.

Markus 16:5

Nelaa dopesua weo liano kobuhu naꞌa, dowohamo seemie anaꞌi moꞌane nepake dhuba kapute, nengkoha-ngkoha humanda we suana. Andoa dokohedu sepaliꞌa.

Lukas 20:35

tamaka nahumato oleo kawanuꞌando mie mate, mie mantasino so mesuano we dhunia buꞌou naꞌa pae dagumaa, pae dua damogaada.

Lukas 21:36

Kodha-kodhagaomu bhe sadhia sambaheaꞌomu, neanomo meꞌawaomu kaꞌosa lumapaꞌaoꞌomu ne sabhaha so kumadhadhiaꞌano naꞌa bhe naembali meehe-eheomu te wiseno Anano Manusia.”

Tula-tulando rasulu 1:15

Sewakutuu mie marasaeano dopohompu-hompu, dapemoꞌono haa fulu kabhahindo. Noehemo Petrus ne wunta-wuntando maka nopugau ambano,

2 Tesalonika 1:5

Kosasawiꞌae ini katandainomo noꞌadhili kabhitahakino Lahataꞌala. Hintimiu noabhikoomu Lahataꞌala mantasiomu mesuaꞌomu Kafopahintaꞌano. Ingka mbaꞌinomo Kafopahintaꞌano maitu menamisiomu kakadee-dee.

Yudas 1:23

Agoidaomu mie maiꞌao weo efi, so dosalamatiꞌao. Fotiwohaeꞌomu kabhelano lalomiu ne mie sigaoꞌano dua, tamaka poangka bhe moteꞌiomu. Bansieꞌomu mahingga pakea kapokahakuꞌando dohabu sabhaha modaiꞌano, ⸤ bhahasaa notaihikoomu⸥ .

Powoha 1:11

Ambano suaha anaꞌa, “Newohamu ini buhie weo kitabi maka pakatuandae ne kofitu tombuꞌae umati ini: umati we Efesus, we Smirna, we Pergamus, we Tiatira, we Sardis, we Filadelfia bhe we Laodikia.”

Powoha 11:13

Wakutuu aitu dua tambaꞌomo nandoo luali bhalano, sekaompulu dawuꞌa kota nosansamo. Dofitu hewu mateno mbaꞌinomo luali anaꞌa; mie sigaoꞌano doteꞌi sepaliꞌa sampe dofekakalabhia Lahataꞌala te surugaa.

Powoha 14:4

Andoa ini mie pata pokadengoꞌaono wutondo bhe hobhine, dongkilo peda kalambe. Ne amai maka kahopeꞌano Anano Dhumba, sadhia doangkafie. Andoa ini notolosida maiꞌao ne manusia daembali kapopanga kabhao-bhaono so Lahataꞌala bhe so Anano Dhumba maitu.

Powoha 19:14

Anoa doangkafie kosasawindo tantarano surugaa dosawi ne adhaha kapute depake kai moꞌalusu sakapu-kapute, nonggela sepaliꞌa.

Powoha 19:8

So pakeano dowaꞌane kai kapute moꞌalusu, nonggela bhe nokosilo.” (Kai alusu maitu kaꞌibahatino sabhaha habu metaando umati mongkilono).

Powoha 3:18

Dadiꞌanomo atangahikoomu meꞌoli bulawa toka nefekangkilo ne efi maiꞌao ne Idi neanomo humangkaeaꞌomu. Meꞌoli dua pakea kapute neanomo naembali makee keana notiwoha katilembimiu timoambanoꞌaono itu. Meꞌoli dua kaago so tumei ne matamiu neanomo fowohaomu.

Powoha 3:5

Sasuka fotalono damopakeane pakea kapute pedando naꞌa; neando tibuhino weo Kitabino Mie Dumadi paemo amosaliea. Ne wiseno Amaku bhe ne wisendo dua malaꞌekatino, aꞌumakuida putae andoa maitu fehebuaꞌaku.

Powoha 4:4

Dolibu-libu kaengkohaꞌa kumalabhiano naꞌa nandoo haa fulu fato onu kaengkohaꞌa kumalabhiano sigaoꞌano, dengkohafie dohaa fulu popaa kamungkulaꞌi. Pakeando sakapu-kapute, ne fotundo defokana songkono omputo maiꞌao ne bulawa.

Powoha 6:11

Andoa dowaꞌanda dhuba kapute setuwu seemie maka dopugauanda damewule tana sebantaha, ampa nakumapo kabhahino sabhangkaꞌindo weo kaꞌondofao bhe kabhahino bhahitieꞌindo, so nepongko peda dua andoa.

Powoha 7:9

Pada amaitu awohamo kantawundo mie, miina natilentua kabhahindo. Andoa domaiꞌao ne sabhaha liwu, sabhaha sampuꞌa, sabhaha siwulu, bhe sabhaha wamba, deehe-ehe ne wiseno kaengkohaꞌa kumalabhiano bhe ne wiseno Anano Dhumba, depake dhuba kapute deintaha hoono potubu.