Powoha 3:17 - Muna Southern Dialect

¹⁷ Ambamiu, ‘Idi ini ahangkaea, padamo afekahangkaea wutoku, miinamo akonikaea.’ Gahaꞌaitu miina mandeꞌaanea hintimiu itu mie ngkaasi-asi, mie timobhelaꞌaono lalo, mie mokae, mobuntono bhe melembino.

Powoha 3:17 Iomraidhean Croise

Matius 5:3

“Dokodawua mpuu mie ngkumaasi-asino masandeno ne Ompu, kapaꞌamo andoamo so mehapino Kafopahintaꞌano Lahataꞌala.

Matius 9:12

Yesus nofetingkeda, maka ambano, “Suano mie metaano namisi mefaraluuno foagono, mpahinomo mie mosaki.

Lukas 1:53

Mie moꞌaho nofekaweꞌianda sabhaha metaaꞌano, tamaka mie hangkaea notududa dakumala haa mbali limando.

Lukas 6:24

Tamaka balaamoomu, hintimiu mohangkaeano, hampano weo kahangkaeamiu itu poꞌawaanemoomu kalawesino lalomiu.

Roma 11:20

Uumbe, anoamo dua. Tamaka katilobhiꞌando mbaꞌinomo miina damarasaea, hintimiu kanandooꞌanomo pikaomu ne itu hampano kaparasaeamiu. Dadiꞌanomo koise nelangke diumiu, tamaka moteꞌiomu!

Roma 11:25

Bhahitieꞌiku! Gaoku mpuu mandeꞌaaneomu patudhuno Lahataꞌala pataꞌo tipandeꞌaoꞌano, keana abhi wutomiu mie mande. Patudhuno Lahataꞌala peda aini: miendo Yahudi sigaꞌa dekatuꞌa fotu, tamaka katuꞌano fotu maitu nalumagi kaowu ampa kabhahindo mie suano Yahudi so maino ne Lahataꞌala nasumangkamo.

Roma 12:3

Hampano kadawu neꞌawaku ne Lahataꞌala, amohatokoomu kosasawimiu itu: weo fekihimiu koise abhi wutomiu nalumiuꞌe bhe mantasiꞌano, tamaka fekihiomu saetaaꞌano, noposahataa bhe kabhalano kaparasaea nedawuꞌaono Lahataꞌala ne hintimiu seemie-seemie.

Roma 7:24

Kadaino maka kolauku idi ini! Laꞌae bhahaa so mosalamati kanau maiꞌao ne mbadha meowano mate ini?

2 Petrus 1:9

Tamaka o mie tapa makesino podiu anaꞌa tapedamo mie mohawuno mata tawa kabunto, nolimpuꞌaanemo ingka dhosano endefiꞌini padamo dofekanggelaꞌiane.

Powoha 16:15

⸤ Ambano Ompu⸥ “Tandaiꞌeomu! Ahumato nada kasoꞌo. Nokodawua mpuu mie kodhagano bhe mohilalono pakeano, keana nokala kalembi-lembi bhe natiwoha kaambanoꞌano ne wisendo mie bhahi.”

Powoha 2:9

Apandeꞌaane kasabha bhe kakaemiu, tamaka sakotuꞌuno hangkaeaꞌomu. Apandeꞌaane dua kaꞌumbundo mie kumonano wutondo miendo Yahudi, gahaꞌaitumo suano, andoa maitu umatino Kafeompuꞌando seetani.

Powoha 3:16

Mbaꞌinomo sapanangkukuꞌamiu, miina mohindiomu miina mosodoomu, tetewei alumuakoomu.