Powoha 3:14 - Muna Southern Dialect

¹⁴ “Buhie dua so malaꞌekatino umati we Laodikia: pedamo aini kaowili maiꞌaono ne koneaꞌano Amin, sakusii tiparasaeano bhe banarano, kamaiꞌaoꞌano sabhaha nefokonandoono Lahataꞌala.

Powoha 3:14 Iomraidhean Croise

Yohanes 1:3

Sabhaha ndumandoono nofokonandooꞌe Lahataꞌala noangka ne Anoa. O ae maka dua nefokonandoo, kanandooꞌano noangka ne Anoa.

Yohanes 8:14

Yesus notobhoosidamo ambano, “Mahinggamo aembali sakusiino Wutoku, wambaku ini nokotuꞌu, hampano apandeꞌaane kamaiꞌaoꞌaku bhe so kakalaꞌaku. Tamaka hintimiu ini miina mandeꞌaaneomua kamaiꞌaoꞌaku bhe so kakalaꞌaku.

2 Korintus 1:20

Kapaꞌamo noangka ne Kristus, Lahataꞌala nofokoꞌuumbemo ne sabhaha nedhandiꞌaono. Dadiꞌanomo hampano Kristus intaodiomu sadhia dotobhoosiomu “Amin!” ⸤ maꞌanano nokotuꞌu⸥ , mbali kakalabhiano Lahataꞌala.

Kolose 1:15

Lahataꞌala miina natiwohaa, tamaka Kristus ulanomo Lahataꞌala tiwohaꞌano. Anoamo kabhao-bhaono, koeateno nofoliuda bhahi-bhahiꞌae nefokonandoono Lahataꞌala.

Kolose 1:18

Anoamo mefotuꞌaono mbadha, maꞌanano umati marasaeano. Anoamo kabhao-bhaono manuno maiꞌao ne mate, neanomo nofewawomo ne bhahi-bhahiꞌae ndumandoono.

Kolose 2:1

Gaoku mpuu mandeꞌaaneomu kabhieno apoewangi weo totono laloku so hintimiu bhe umati we Laodikia bhe kosasawindo mie tapaꞌo mohano ulaku.

Kolose 4:16

Mada dabasaangkoomu suha aini, aesalo pakatueꞌomu ne umati we Laodikia dobasaeꞌao dua. Pedamo dua suha ⸤ nebuhiku⸥ so umati we Laodikia, basaeꞌomu dua bhe hintimiu.

Powoha 1:11

Ambano suaha anaꞌa, “Newohamu ini buhie weo kitabi maka pakatuandae ne kofitu tombuꞌae umati ini: umati we Efesus, we Smirna, we Pergamus, we Tiatira, we Sardis, we Filadelfia bhe we Laodikia.”

Powoha 1:5

bhe nomaiꞌao dua ne Yesus Kristus, sakusii tiparasaeano, kabhao-bhaono manuno maiꞌao ne mate bhe kokuasano ne sabhaha omputo ne dhunia ini. Yesusmo ini moasi kaitaomu bhe noangka ne tuhuno heano padamo nofolapa kaita maiꞌao ne dhosa.

Powoha 19:11

Pada aitu awohamo surugaa notilengka, maka nandoo seꞌulu adhaha kapute. Mie sumawikie dokonae “Mie Tiparasaeano bhe Banarano”. Anoa noꞌadhili nofobhotusi bhe nopopahisa.

Powoha 2:1

“Buhie so malaꞌekatino umati we Efesus: pedamo aini kaowili maiꞌao ne Anoa meintahano kulipopo fitu uluno ne suanano bhe mekala-kalano ne wunta-wuntando kaengkohaꞌano kantalea bulawa fitu peleno.

Powoha 21:6

Nopugaumo dua ne idi, “Nopalusimo. Idimo ini Alfa bhe Omega, kabhao-bhaono bhe kafetompaino. Mie mokekeleno wuꞌu amefohoꞌutida maiꞌao ne matano oe meowano dadi, pae nakoꞌolia.

Powoha 22:13

Idimo ini Alfa bhe Omega, Maꞌinduluno bhe Mbuhumaino, Kabhao-bhaono bhe Kafetompaino.

Powoha 22:6

Pada anaꞌa nopugaumo malaꞌekati amaitu ambano, “Sabhaha bhoasao aini notiparasaea bhe nobanara. Ompu Lahataꞌala maꞌaono Rohino ne ana-anabii, notudumo malaꞌekatino namotiwoha ne palima-limaꞌino o ae tetewei so kumadhadhiaꞌano mehimba.”

Powoha 3:7

“Buhie dua so malaꞌekatino umati we Filadelfia: pedamo aini kaowili maiꞌao ne Mie Mongkilo, Mie Banara, mintahano kunsino Daud. Ane nelengka fointo, pae bhe so mooliea daꞌumontoe; pedamo dua ane neꞌonto fointo, pae bhe so mooliea dalumengkae.