Powoha 3:10 - Muna Southern Dialect

¹⁰ Hampano angkafiomu pahintaku so kosabahaꞌaoꞌomu potaamiomu weo kasabha, maka Idi apobenteangkoomu nahumato tempono kasabha so kumangkanaino kosedhuniaꞌae ini. Ne tempo anaꞌa kosasawindo meateno we dhunia ini daꞌumudhida.

Powoha 3:10 Iomraidhean Croise

Matius 24:14

Bhihita Metaano Kafopahintaꞌano Lahataꞌala ini damolelee ne kosekaꞌewaꞌae dhunia, neanomo sabhaha bansano liwu dametingkee. Mada anaꞌa kaneꞌomo nahumato kafetompaino dhamani.”

Matius 26:41

Mekambotoomu bhe sambaheaꞌomu, keana nokantibhakoomu kasoba. Daanumo totono lalo neangka, tamaka o mbadha nonale.”

Matius 6:13

Koise folapasa kainsami weo kasoba, tamaka dhagani kainsami ne kuasa modai. [Kapaꞌamo Hintumo mahintano, kokuasano bhe kumalabhiano ampa suhue dhamani. Amin.]’

Markus 14:9

Amohatokoomu! Kotu-kotuꞌu ne amai maka dua so katifoleleꞌano Bhihita Metaa te dhunia ini, nehabuno hobhine aini sadhia daetula-tulaane dua, somo kafeꞌulaino.”

Lukas 2:1

Wakutuu anaꞌa Omputo Kaisar Agustus nofondawu pahintano nofotudu dabuhi neando kosasawindo mie weo kafopahintaꞌano Roma so dhiwaꞌa.

Yohanes 17:6

Hintu padamo afotipandeꞌaangko ne kosasawindo mie kawaꞌaomu ne Idi maiꞌao ne dhunia ini. Andoa maitu fehebuaꞌamu, padamo waꞌa kanauda maka doangkafi wambamu.

Roma 1:8

Ametompunaꞌiane amoampe katumpuno laloku ne Lahataꞌala nesombaiku noangka ne Yesus Kristus hampano kosasawimiu itu. Ingka bhihitano kaparasaeamiu ne Yesus Kristus nokolelemo ne kosedhuniaꞌae ini.

1 Korintus 10:13

Sabhaha kasoba netompaloimiu saneamo kasoba moneaꞌano netompaloindo manusia. Lahataꞌala nokampuu-mpuu ne dhandino, paise nakumatahokoomu meꞌawaomu kasoba sampe nalumiuꞌe kaꞌosamiua. Ane metompaloiꞌomu kasoba tetewei namaꞌangkoomu dua dhala, sampe naembali potaamiomu.

Efesus 6:13

Dadiꞌanomo fokanaeꞌomu sabhaha katokano ewanga newaꞌaono Lahataꞌala, neanomo nahumato oleo modai naꞌa mooli poewangiomu. Neanomo dua sampe namalusi popahisaꞌa, hintimiu sadaa-daa naotangka koehemiu.

2 Timotius 2:12

ane dakosabahaomu dapotaamiꞌao kakadee-dee, ingka mada kaowu damahinta dua bhe Anoa; ane dagumaga miina damandeꞌaane, ingka mada kaowu nagumaga dua miina nafopandeꞌao;

Yakobus 3:12

Bhahitieꞌiku, nonandoo bhahaa puꞌuno wohaꞌa nokobhakeꞌao bhakeno ai? Nandoo bhahaa puꞌuno angguru nokobhakeꞌao bhakeno wohaꞌa? Pedamo dua ne matano oe mokaha pae bhe kapoolia nalumimba oe motembe.

1 Petrus 4:12

Bhahitieꞌiku timoasiꞌaono! Koemo menteomua ane menamisiomu kakadee-dee bhalano. Kakadee-dee aitu tapedamo hendeno efi nepakeno Lahataꞌala noꞌudhi kamatangkano kaparasaeamiu. Ampamo kaowu koe kofekihiomu kadhadhia netompaloimiu naꞌa nopontalabhi-labhimo.

2 Petrus 2:9

Bhahi-bhahiꞌae maitu nofotiwohamo putae Ompu nopandeꞌaane nofosalamati mie banara maiꞌao ne sabhaha kasabha bhe nopandeꞌaane dua nohunsa mie modai ampa nahumukumuda nahumato oleo so katibhotusiꞌando,

Powoha 1:9

Idi, Yohanes o bhahitiemiu; peda hintimiu aenamisi dua kasabha, aeala dua dawu weo Kafopahintaꞌano Lahataꞌala bhe akosabaha dua apotaami aantagi kahatoꞌano Yesus. Idi doꞌoho kanau ne liwutono Patmos, hampano aefolele bhoasaono Lahataꞌala bhe kafohatono Yesus.

Powoha 11:10

Mie meateno we dhunia daoꞌiaꞌao matendo bhe naowula sepaliꞌa lalondo sampe dohame-hame bhe dopopaka-pakatuꞌao kawaꞌao, mbaꞌinomo kohoduando anabii maitu dosikisaa mpuu mie meateno we dhunia.

Powoha 13:10

Mie toka nefotantu natitohongku, tetewei datumohongkue; mie toka nefotantu namateꞌao kampue, tetewei damongkoane kampue. Maraluuꞌano mpuu kakosabaha dopotaami bhe kaparasaeando umati mongkilo.

Powoha 13:14

Mie meateno we dhunia nofekakolilinoanda tanda-tanda timenteꞌaono, nefopooliꞌao ne anoa so nahumabu ne wiseno kadadi kabhao-bhaono naꞌa. Anoa notudu dua mie meateno we dhunia daehabu patung so dasumombaiꞌao kadadi mobhelaꞌaono kampue tamaka sadaa-daa nodadi.

Powoha 13:8

Kosasawindo mie meateno we dhunia dasumomba ne anoa. Miemo andoa ini, mpini pakatifokonandoono dhunia, miina natibuhia neando weo Kitabindo Mie Dumadi, fehebuaꞌano Anano Dhumba toka nesumbele.

Powoha 14:12

Maraluuꞌano ne ini kakosabahando umati mongkilo dopotaami weo kasabha, mie mangkafino pahintano Lahataꞌala bhe kumampuu-mpuuno kaparasaea ne Yesus.

Powoha 14:6

Taꞌawohamo dua malaꞌekati sigaoꞌano nelola-lola te wuntano lani. Anoa newowoꞌo Bhihita Metaa suhue dhamani so namolele ne mie meateno we dhunia, ne sabhaha bansano liwu, sabhaha sampuꞌa, sabhaha wamba bhe sabhaha siwulu.

Powoha 16:14

Andoamo maitu rohindo seetani mehabuno sabhaha tanda tapa mentela. Kototolundo dokalamo dofohompu sabhaha omputo ne dhunia so dapopahisaꞌao nahumato oleo bhalano, oleonomo Lahataꞌala Fofoliuno Kuasa.

Powoha 17:2

Sabhaha omputo ne dhunia padamo dopokawite-wite bhe anoa. Mie meateno we dhunia padamo dololanuꞌao podiu pokawite-witeno, tapedamo mohoꞌuno angguru.”

Powoha 17:8

Kadadi newohamu itu endefiꞌini nodadi, ampa aitu miinamo, tamaka mada kaowu natiumba toha namaiꞌao ne olano mate tapa kotompano naehopeki kabinasa. Mie meateno we dhunia tapa tibuhiꞌano nea weo Kitabindo Mie Dumadi mpini pakanandoono dhunia, tadamente damoha kadadi amaitu. Kapaꞌamo kadadi amaitu endefiꞌini nodadi, ampa aitu miinamo, tamaka mada kaowu natiumba toha.

Powoha 2:10

Koise moteꞌia ne kakadee-dee so neꞌawamiu! Tandaiꞌe, Kafeompuꞌando seetani naꞌumohofi seemie hodua ne olotamiu itu weo katohongku patudhuno nasumobakoomu, maka meꞌawaomu kasabha naompuluꞌa. Fintahakieꞌomu mpuu kaparasaeamiu mahingga mewisekiomu mate, maka amaꞌangkoomu dadi suhue dhamani mbali kawaꞌaondo fotalono.

Powoha 3:8

Apandeꞌaane sabhaha kahadhaamiu. Ondo itu, ingka aelengkaangkomo fointo bhe naseemie pae bhe so mondoiꞌe dasumongkoe. Apandeꞌaangkoomu seendai kaowu kaꞌosamiu, tamaka angkafieꞌomu bhoasaoku bhe miina gumagaiꞌeomu neaku.

Powoha 6:10

Andoa maitu dokei dofekahaa-haaꞌi ambado, “Hintu kafeompuꞌa mongkilono bhe banarano, tana seꞌae bhahaa kaomponano maka bhitahaki bhe bhoosiꞌao hea mani ne mie meateno we dhunia?”

Powoha 8:13

Taꞌawohamo dua bhe afetingke seꞌulu bhoa nelola-lola te wuntano lani bhe nokotanga nohaaꞌi sepaliꞌa ambano, “Balaamoomu! Balaamoomu! Balaamo mpuu mie meateno we dhunia, ane natifetingkemo ndiino duhulelendo malaꞌekati totoluno tapaꞌo mebusono.”