Powoha 22:2 - Muna Southern Dialect

² noangka ne wuntano kabhongkano kota amaitu. Ne kohaawetaꞌae wiwino umele notumbu puꞌuno sau meowano dadi. Sau aitu nokobhake ompulu haa paku, sepaku sewula; hoono dopakee mbali kaefekaꞌuhiꞌa sabhaha bansano liwu.

Powoha 22:2 Iomraidhean Croise

Lukas 4:18

“Rohino Ompu nokabhinti kanau, mbaꞌinomo padamo nosangke kanau so amosampeꞌao Bhihita Metaa ne mie ngkumaasi-asino. Anoa notudu kanaumo aefolele bhihita putae mie netohongku damobebasida, o kabunto sumuli dafowoha. Notudu kanau dua amobebasi mie nefompina-mpina,

1 Petrus 2:24

Mbadhano wutono Kristus notongkue bhahi-bhahiꞌae dhosantoomu, sampe dokantaiꞌe te sau salipu. Patudhuno neanomo intaodiomu dabebasiomu maiꞌao ne kuasano dhosa bhe dadintoomu naposahataa bhe kapoindalono Lahataꞌala. Ingka kakowembe-wembenomo mbadhano Kristus mekaꞌuhikoomu.

Powoha 2:7

Kotingalano naetaa nametingke wambano Rohino Lahataꞌala ne tombudo umati. Sasuka fotalono amaꞌanda daomaa bhakeno sau meowano dadi weo kaendeano Lahataꞌala nekonando kaendeano Firdaus.”

Powoha 21:21

Kaguali ompulu haa tibhano maitu dohabue nomaiꞌao ne ompulu haa onu muntia, setibha-setibha seꞌonu muntia. O kabhongka weo kota amaitu dohabue nomaiꞌao ne bulawa mpeꞌuhi, nomoinda tapedamo paeasa.

Powoha 21:24

Sabhaha bansano liwu daekala-kala weo tilangano, sabhaha omputo ne dhunia dawowoꞌo kahangkaeando weo kota amaitu.

Powoha 22:1

Pada anaꞌa malaꞌekati amaitu nofosusu kanaumo umeleno oe meowano dadi. Umele maitu nomoinda tapedamo kristal, nomawa nomaiꞌao ne kaengkohaꞌano kumalabhiano Lahataꞌala bhe Anano Dhumba,

Powoha 22:14

Dokodawua mpuu mie tumofano dhubando. Andoamo kohakuno daomaa bhakeno sau meowano dadi bhe dokohaku dua damesua damangka ne kagualino kota amaitu.

Powoha 22:19

Ane bhe mie so kumuhangino suahano anabii tibuhino weo kitabi aini, Lahataꞌala namala dawuno ne bhakeno sau meowano dadi bhe ne kota mongkilo, pedamo tibuhino weo kitabi aini.”