Powoha 21:21 - Muna Southern Dialect

²¹ Kaguali ompulu haa tibhano maitu dohabue nomaiꞌao ne ompulu haa onu muntia, setibha-setibha seꞌonu muntia. O kabhongka weo kota amaitu dohabue nomaiꞌao ne bulawa mpeꞌuhi, nomoinda tapedamo paeasa.

Powoha 21:21 Iomraidhean Croise

Powoha 17:4

Pakeano hobhine anaꞌa o wungo bhe kadea lalo moꞌito, wutono dolegasiane bulawa, kontu moinda bhe muntia. Ne limano neinta-intaha sewoka kampohoꞌuꞌa bulawa noponoꞌao sabhaha giu timolampi bhe pokahaku, pehapino dadi pokawite-witeno.

Powoha 18:16

Andoa dapugau ambado, “Balaamo, balaamo hintu kota bhalano mepakeno kai kapute moꞌalusu, kai wungo bhe kai kadea lalo moꞌito, nelegasiꞌao bulawa, kontu moinda bhe muntia,

Powoha 21:15

Malaꞌekati pugauno bhe idi maitu bhe katuko kaesukaꞌa maiꞌao ne bulawa mbali nosukapiꞌao kota amaitu, kagualino bhe benteno.

Powoha 21:18

Benteno kota amaitu dohabue maiꞌao ne kontu moinda nekonando baidhuri, puuno kotano nomaiꞌao ne bulawa mpeꞌuhi, nomoinda peda paeasa.

Powoha 22:2

noangka ne wuntano kabhongkano kota amaitu. Ne kohaawetaꞌae wiwino umele notumbu puꞌuno sau meowano dadi. Sau aitu nokobhake ompulu haa paku, sepaku sewula; hoono dopakee mbali kaefekaꞌuhiꞌa sabhaha bansano liwu.

Powoha 4:6

Ne wiseno kaengkohaꞌa kumalabhiano naꞌa wohaꞌano nandoo bhe teꞌi peda paeasa bhalano, nohumaha pasae kristal. We wunta-wunta, dolibu-libu kaengkohaꞌa kumalabhiano naꞌa, bhe mahaluku dofato ulu, samata-mata te wisendo bhe we kundodo.