Powoha 20:3 - Muna Southern Dialect

³ Pada anaꞌa noꞌohoemo weo olano mate pata kotompano maka nokunsi kasongkono bhe nokatandae ⸤ keana dolengkae⸥ . Katipedaꞌano amaitu neanomo paemo namekakolilino sabhaha bansano liwu ampa namalusi tempono sehewu taꞌuno naꞌa. Namada amaitu tabeano damolapae toha nasebantaha.

Powoha 20:3 Iomraidhean Croise

Matius 24:24

Kapaꞌamo dabhahimo mabhino wutono Mesias, gahaꞌaitu suano. Dabhahi dua mpahaana-anabiino. Andoa naꞌa daehabu tanda-tanda tapa mentela bhe giu timenteꞌaono, patudhundo ane naembali damokolilino dua totono lalondo umati tipilino.

Matius 27:66

Pada peda naꞌa dokalamo dotandai kasongkono kobuhu naꞌa keana dodiu-diuꞌe, maka detudu tantara dodhaganie.

Markus 4:15

O wine mondawuꞌano ne kaangkaꞌa, maꞌanano mie metingkeno bhoasaono Lahataꞌala maitu. Tamaka kaneꞌo pada dofetingkee, nomaimo Kafeompuꞌando seetani, lasao noala bhoasao kaneꞌo neꞌewi weo totono lalondo maitu.

Lukas 8:31

Pada peda naꞌa seetani maitu desalomo ne Yesus koise natumududa damesua weo ola tapa kotompa.

2 Korintus 11:3

Ampamo kaowu nomihi laloku bhahasaa dofekakolilino fekihimiu sampe paemo nakumampuu-mpuu kataino lalomiu ne Kristus, peda endefiꞌini Hawa nobhohe-bhoheꞌie akalano ule.

2 Petrus 3:8

Ampamo kaowu bhahitieꞌiku, koise molimpuꞌaaneomu dua sehondano ini: ne pomatano Lahataꞌala seꞌoleo tanopototomo bhe sehewu taꞌu, sehewu taꞌu tanopototomo bhe seꞌoleo.

Powoha 12:9

Naga bhalano maitu doꞌohoe we simbali! Anoamo itu ule ngkamukula, neano dokonae Kafeompuꞌando seetani tawa Kolakindo rohi modai, mekakolilinono kosedhuniaꞌae. Anoa doꞌohoe we dhunia dopoowa-owa bhe malaꞌekatino sabhangkaꞌino.

Powoha 13:14

Mie meateno we dhunia nofekakolilinoanda tanda-tanda timenteꞌaono, nefopooliꞌao ne anoa so nahumabu ne wiseno kadadi kabhao-bhaono naꞌa. Anoa notudu dua mie meateno we dhunia daehabu patung so dasumombaiꞌao kadadi mobhelaꞌaono kampue tamaka sadaa-daa nodadi.

Powoha 17:2

Sabhaha omputo ne dhunia padamo dopokawite-wite bhe anoa. Mie meateno we dhunia padamo dololanuꞌao podiu pokawite-witeno, tapedamo mohoꞌuno angguru.”

Powoha 17:8

Kadadi newohamu itu endefiꞌini nodadi, ampa aitu miinamo, tamaka mada kaowu natiumba toha namaiꞌao ne olano mate tapa kotompano naehopeki kabinasa. Mie meateno we dhunia tapa tibuhiꞌano nea weo Kitabindo Mie Dumadi mpini pakanandoono dhunia, tadamente damoha kadadi amaitu. Kapaꞌamo kadadi amaitu endefiꞌini nodadi, ampa aitu miinamo, tamaka mada kaowu natiumba toha.

Powoha 20:1

Pada amaitu awohamo seemie malaꞌekati nosampu nomaiꞌao te surugaa, neinta-intaha kunsino olano mate pata kotompano, ne limano nandoo dua sehonda hante bhalano.