Powoha 20:2 - Muna Southern Dialect

² Malaꞌekati amaitu nohakomo naga, o ule ngkamukula, nekonando dua Kafeompuꞌando seetani bhe Kolakino rohi modai, maka nokatapue sehewu taꞌu kaomponano.

Powoha 20:2 Iomraidhean Croise

Matius 19:29

Pakade kotika humunsano lambuno, bhahitieno namoꞌane nahobhine, inano bhe amano, anaꞌino tawa kaampono mbaꞌinomo noangkafi Idi, nasumuli naeꞌawa namoꞌono lentuꞌa bhe naeꞌawa dua dadi suhue dhamani.

Matius 8:29

Andoa dopokakei-kei ambado, “Anano Lahataꞌala, mai mafaꞌi kainsami gahaꞌa? Patudhumu maimo modee-dee kainsami, mahingga paeꞌo nahumato tempono?”

Markus 4:15

O wine mondawuꞌano ne kaangkaꞌa, maꞌanano mie metingkeno bhoasaono Lahataꞌala maitu. Tamaka kaneꞌo pada dofetingkee, nomaimo Kafeompuꞌando seetani, lasao noala bhoasao kaneꞌo neꞌewi weo totono lalondo maitu.

Markus 5:7

Mie aitu nokei nofekabhala-bhala, “Yesus Anano Lahataꞌala kokuasano! O ae patudhumu ne idi ini? Weo neano Lahataꞌala, koise fodee-dee kanau!”

Yohanes 12:31

Aitu nohatomo tempono o dhunia dabhitahakiemo, aitu dua Mowano Dhunia ⸤ maꞌanano Kafeompuꞌando seetani⸥ dakumabhambie we simbali.

Yohanes 16:11

Namoꞌinsafuanda dua kabhotusino Lahataꞌala, hampano Mowano Dhunia ⸤ maꞌanano Kafeompuꞌando seetani⸥ padamo nobhotusie.

Roma 16:20

Lahataꞌala kamaiꞌaoꞌano katohopono dadi, napikifolongko Kafeompuꞌando seetani ne wawono aꞌemiu bhe namobinasae. Sio-siomo kabarakatino Yesus Ompuntoomu sadhia napobhaiangkoomu.

Ibrani 2:14

Anaꞌi nepulaoꞌaono maitu saneamo manusia kombadha kasarano, maka Yesus nopototoꞌao wutono bhe andoa, nodadi peda seemie manusia. Kahabuꞌano peda anaꞌa, neanomo noangka ne mateno, Yesus nofobinasamo mintahano kuasano mate, o Kafeompuꞌano seetani.

1 Petrus 5:8

Fewanaki totono lalomiu bhe kodhagaomu, kapaꞌamo kaewamiu, Kafeompuꞌando seetani, nolili peda o singa ngkangau-ngauno neꞌondofi kantolono.

2 Petrus 2:4

Ingka endefiꞌini malaꞌekati kodhosano miina dalumapaa ne kahukumuno Lahataꞌala, tamaka noꞌohoda we narakaa. Andoa maitu nofopesuada weo kantie mohohondono, nofekataada ampa nahumato oleo so katibhotusiꞌando.

Yudas 1:6

Feꞌulaiꞌeomu dua malaꞌekati lumimbakino kanteeno kuasando, sampe dohunsa kaeateꞌando. Malaꞌekati andoa ini nogogantuda Lahataꞌala weo kahohondo, nepakeanda hante suhue dhamani bhe notaamida ampa nahumato oleo bhalano so kafobhitahakiꞌa.

Powoha 12:13

Gahaꞌa hato nopandeꞌao lalono doꞌohoemo we dhunia, o naga naꞌa lasao noꞌamba hobhine molenteno anaꞌi moꞌane saꞌituini.

Powoha 12:15

Ule anaꞌa nefolua oe nomaiꞌao ne wobhano tapedamo umele noangkafi kundono hobhine amaitu neanomo nawowoꞌoe mawa.

Powoha 12:17

Naga anaꞌa noꞌamaha ne hobhine amaitu lasao nokala nopopahisa noewangi sampuꞌano sigaoꞌano, mie mangkafino pahintano Lahataꞌala bhe mintahakino kafohatono Yesus.

Powoha 12:3

Tanotiwohamo dua tanda timenteꞌaono sigaoꞌano te lani: seꞌulu naga bhalano nodea lalo moꞌito, fotuno fitu pongke, tanduno ompulu pele, te wawono fotuno nandoo songkono omputo fitu woka.

Powoha 12:4

Sekatolu dawuꞌa kulipopo te lani nosohopianda lensino maka noꞌohofida we dhunia. Naga anaꞌa neehe-ehe ne wiseno hobhine so koanano maitu, patudhuno salenteno anano nadumoꞌue.

Powoha 12:9

Naga bhalano maitu doꞌohoe we simbali! Anoamo itu ule ngkamukula, neano dokonae Kafeompuꞌando seetani tawa Kolakindo rohi modai, mekakolilinono kosedhuniaꞌae. Anoa doꞌohoe we dhunia dopoowa-owa bhe malaꞌekatino sabhangkaꞌino.

Powoha 13:2

Kadadi anaꞌa nokatu harimau, tamaka aꞌeno peda aꞌeno beruang, wobhano peda wobhano singa. Naga saꞌituini nowaꞌao kaꞌosano, kaengkohaꞌano bhe kuasano bhalano ne kadadi amaitu.

Powoha 13:4

Andoa dosombai naga anaꞌa hampano anoamo maꞌaono kuasa ne kadadi amaitu. Andoa dosombai dua kadadi amaitu bhe dopugau ambado, “Laꞌae bhahaa pototoꞌano bhe kadadi aini? Laꞌae bhahaa so mondoino poewangiane?”

Powoha 20:10

Kafeompuꞌando seetani mekakolilinoda daꞌumohoe weo efi ngkowaleha ne kantobha bhalano. Ne itumo dua katiꞌohoꞌando kadadi bhe mie mpahaana-anabiino, maka dasumikisaada mentae mohondo ampa suhue dhamani.

Powoha 20:7

Namalusi sehewu taꞌuno maitu, Kafeompuꞌando seetani damolapae namaiꞌao we katitohongkuꞌano.

Powoha 9:11

Kafeompuꞌa mahintangida o malaꞌekati tungguno ola pata kotompano. Neano ne wamba Ibrani dokonae Abadon, ne wamba Yunani dokonae Apolion ⸤ maꞌanano Fobinasano⸥ .