Powoha 2:14 - Muna Southern Dialect

¹⁴ Tamaka nandoo sehonda haa honda pata nepoindaloku ne hintimiua: ne olotamiu itu nandoo mangkafino kafoinaꞌuno Bileam. Anoa ini notangahi Balak namekakolilino totono lalondo miendo Israel daomaa oti kapopanga so barahala bhe dapokawite-wite.

Powoha 2:14 Iomraidhean Croise

Matius 18:7

Nobalaamo mieno dhunia mehabuno tingkuno dhosa. Daanumo tingkuno dhosa sadhia nonandoo, tamaka nobalaamo mie humabue.

Tula-tulando rasulu 15:29

koemo humaaꞌomua oti nepopanga ne barahala, koe humaaꞌomu hea, koe humaaꞌomua kamateno kadadi pata nesumbele bhe koemo monsuleomua. Dhumaganiomu kaowu wutomiu ne anaꞌa, ingka habu metaamoomu. Pedamo kaowu anaꞌa, notumpu lalo mani.”

Tula-tulando rasulu 21:25

Tamaka mbali mie suano Yahudi toka marasaeano, padamo tabuhiandae tubho-tubhonoa: koe dohumaa oti nepopanga ne barahala, koe dohumaa hea, koe dohumaa kamateno kadadi pata nesumbele bhe koe dua domonsulea.”

Roma 11:9

Daud nokowamba dua ambano, “Heruane ae hame-hamendo nembaliꞌao tando bhe kampepe so wutondo, somo dua katiloleꞌando bhe katihukumuꞌando.

Roma 14:13

Dadiꞌanomo koemo dopofoꞌa-foꞌalaomu! Tamaka fekaꞌonu lalomiu koise mehabuomu so katitunoꞌa tawa so kaondawuꞌando bhahitieꞌimiu weo dhosa.

Roma 14:21

Naetaa koemo humaa dagi bhe fohoꞌu angguru tawa sigaoꞌano dua, ane habumu naꞌa naembali kakodhosaꞌano bhahitieꞌimu.

Roma 9:32

Noafa bhahaa pata katosampeꞌano? Ingka mbaꞌinomo dohabu bhahi-bhahiꞌae maitu miina dasumahunaꞌao kaparasaeando, tamaka dotangkaꞌao kaꞌosando doꞌulei sampe dotilole dotituno ne kontu, ⸤ maꞌanano wutono Kristus⸥ .

1 Korintus 1:23

Tamaka insaodi ini taefolele bhihitano Kristus mateno te sau salipu. Bhihita aini nodaiane lalondo miendo Yahudi, mie suano Yahudi dokonae tula-tula bhohe.

1 Korintus 7:2

Ampamo kaowu hampano dolentu balaano dopokawite-wite, naetaa seemie moꞌane bhe hobhineno wutono, seemie hobhine bhe moꞌaneno wutono.

Ibrani 13:4

Kosasawiꞌamiu fosibhalaeꞌomu o kakawi, koise pokadengoꞌao kaodoꞌamiu, kapaꞌamo mie pokawite-witeno bhe monsuleno nabhitahakida Lahataꞌala.

1 Petrus 2:8

Notibuhi dua, “Kontu aini somo katitunoꞌa, somo dua katifolongkoꞌando mie.” Katitunoꞌando hampano miina daeangka ne bhoasaono Lahataꞌala, pedamo toka nefotantuno Lahataꞌala.

2 Petrus 2:15

Andoa dokolilinomo mbaꞌinomo miina damangkafi kaangkaꞌa melaaꞌano, tamaka doangkafimo kaangkaꞌano Bileam anano Beor endefiꞌini. Bileam naꞌa noasiane sepaliꞌa neala ponambo ne habu modai.

Yudas 1:11

Dobalaamo andoa maitu! Andoa doangkafimo kaangkaꞌano Kain ⸤ mongkono aino⸥ . Sumanomo daeꞌawa dhoi, nokolilinomo totono lalondo tadoꞌoho wutondo ne modaiꞌano, tapedamo Bileam. Andoa dabinasa mbaꞌinomo dopoewangi bhe mintahano kuasa tapedamo Korah.

Powoha 2:20

Tamaka nandoo pata nepoindaloku: hintimiu taꞌokatahoomu hobhine koneaꞌano Isebel, nokona wutono anabii. Ingka nofoinaꞌu bhe nofokolilino palima-limaku sampe dopokawite-wite bhe dohumaa oti kapopanga so barahala.

Powoha 2:4

Tamaka nandoo dua pata nepoindaloku: hintimiu hunsamoomu kanini kaasimiu peda kabhao-bhaono.

Powoha 21:8

Tamaka mie katehe, mie tapa marasaeano, mie timolampi, mie fopongkono, pokawite-witeno, kowuhakeno, mesombaino barahala bhe sabhaha mie kopahano, andoa maitu daꞌumawa dawundo weo efi ngkowaleha ngkalai-laino ne kantobha bhalano. Anoamo ini mate kahaa pakuno.”

Powoha 22:15

Tamaka sabhaha daꞌu, kowuhakeno, mie pokawite-witeno, mie fopongkono, mesombaino barahala bhe mie moindalono paha bhe kopahano, kosasawindo naꞌa daeate-ate we simbalino kota.