Powoha 19:19 - Muna Southern Dialect

¹⁹ Taꞌawohamo dua kadadi ⸤ kofotuꞌano fitu pongke⸥ naꞌa bhe sabhaha omputo ne dhunia dopoowa-owa bhe tantarando, dohompu dapopahisa damewangi mie sumawino ne adhaha kapute maitu bhe tantaraꞌino.

Powoha 19:19 Iomraidhean Croise

Powoha 11:7

Damalusi kaowu damodhala takando dembali sakusii, o kadadi maiꞌaono weo olano mate tapa kotompano napopahisa bhe andoa, natumaloda maka namongkoda.

Powoha 14:9

Noangkafie dua malaꞌekati katotoluno bhe nopugau nofekahaa-haaꞌi ambano, “Sasuka sumombaino kadadi amaitu bhe patungno, bhe tumahimano katandano ne kondaꞌino tawa ne limano,

Powoha 16:14

Andoamo maitu rohindo seetani mehabuno sabhaha tanda tapa mentela. Kototolundo dokalamo dofohompu sabhaha omputo ne dhunia so dapopahisaꞌao nahumato oleo bhalano, oleonomo Lahataꞌala Fofoliuno Kuasa.

Powoha 16:16

Sabhaha omputo anaꞌa dofohompuda ne seꞌonu liwu, weo wamba Ibrani dokonae Harmagedon.

Powoha 18:9

Sabhaha omputo ne dhunia mada pokawite-witeno bhe menamisino dadi pontalabhi-labhi bhe anoa, daoꞌae bhe daekangkoꞌae ane daoha kaowu gawuno efi humampunino ⸤ kota amaitu⸥ .

Powoha 19:21

Kosasawindo mie sigaoꞌano dopongkoanda kampue maiꞌao ne olotano wiwino mie sumawino ne adhaha maitu, maka sabhaha kaꞌuhi lumolano doweꞌi dohumaa iꞌindo.