Powoha 19:14 - Muna Southern Dialect

¹⁴ Anoa doangkafie kosasawindo tantarano surugaa dosawi ne adhaha kapute depake kai moꞌalusu sakapu-kapute, nonggela sepaliꞌa.

Powoha 19:14 Iomraidhean Croise

Matius 21:5

“Fohatodaomu mieno kotano Sion, ‘Ondoeꞌomu! Omputomiu nomaiꞌikoomu. Nomalu lalono, nosawi ne keledai, anano keledai meangkuno wowoꞌo.’ ”

Matius 26:53

Ingka naembali aetondala ne Amaku naetudu malaꞌekati datumulumi kanau, mahingga nakolabhi naompulu haa tagua.

Matius 28:3

Ulano nokotilanga pasae bhibhito, pakeano nopute peda kambano kapa.

2 Tesalonika 1:7

Hintimiu kumadee-deeno ampa aini namaꞌangkoomu kalalesa meeneiꞌomu, pedamo dua ne insaodi. Anaꞌa nakumadhadhia ne oleono Ompu Yesus namotiwoha Wutono maiꞌao te surugaa, weo efi ngkalai-lai napoowa-owa bhe malaꞌekatino kokuasano.

Yudas 1:14

Henok, sampuꞌa kafitu pulangano maiꞌao ne Adam, nokosuahamo dua peda anabii nopulaoꞌao andoa itu. Ambano, “Ondo itu, Ompu Lahataꞌala namai napoowa bhe malaꞌekatino mongkilono dantini hewu-hewu.

Powoha 14:1

Pada aitu awohamo dua Anano Dhumba neehe-ehe te kabhawono Sion. Anoa nopoowa-owa bhe mie domoꞌono fato fulu fato hewu, sanea bhe kabuhino neano Anano Dhumba bhe neano Amano ne kondaꞌindo.

Powoha 14:20

Bhakendo angguru maitu dofeoda we simbalino kota, maka nomaiꞌao ne kantobha kaefeoꞌa naꞌa nomawamo hea, kalangkeno ampa te kasamano adhaha ⸤ napehaa metere⸥ , kakodoꞌono nomawa napetolu moꞌono kilo.

Powoha 17:14

Andoa dapopahisa bhe Anano Dhumba, tamaka Anano Dhumba natumaloda hampano Anoa Kafeompuꞌandomo sabhaha kafeompuꞌa bhe Omputo sabhaha omputo. Anano Dhumba naꞌa daposabhangkaane mie nesaliꞌino, nepilino bhe tiparasaeano.”

Powoha 19:11

Pada aitu awohamo surugaa notilengka, maka nandoo seꞌulu adhaha kapute. Mie sumawikie dokonae “Mie Tiparasaeano bhe Banarano”. Anoa noꞌadhili nofobhotusi bhe nopopahisa.

Powoha 19:8

So pakeano dowaꞌane kai kapute moꞌalusu, nonggela bhe nokosilo.” (Kai alusu maitu kaꞌibahatino sabhaha habu metaando umati mongkilono).

Powoha 3:4

Tamaka we Sardis itu nandoo seemie hodua tapa pokahakuꞌaono pakeano; andoa ini daekala-kala dapoowa bhe Idi daepake pakea kapute, hampano andoa ini dopantasimo nada maitu.

Powoha 4:4

Dolibu-libu kaengkohaꞌa kumalabhiano naꞌa nandoo haa fulu fato onu kaengkohaꞌa kumalabhiano sigaoꞌano, dengkohafie dohaa fulu popaa kamungkulaꞌi. Pakeando sakapu-kapute, ne fotundo defokana songkono omputo maiꞌao ne bulawa.

Powoha 7:9

Pada amaitu awohamo kantawundo mie, miina natilentua kabhahindo. Andoa domaiꞌao ne sabhaha liwu, sabhaha sampuꞌa, sabhaha siwulu, bhe sabhaha wamba, deehe-ehe ne wiseno kaengkohaꞌa kumalabhiano bhe ne wiseno Anano Dhumba, depake dhuba kapute deintaha hoono potubu.