Powoha 19:10 - Muna Southern Dialect

¹⁰ Idi lasao aefodapa ne aꞌeno ataohao sombaku tamaka tanopugau ambano, “Koise nada itua! Idi ini palima-lima dua nopototo bhe hintu bhe bhahitieꞌimu marasaeano mintahakino kafohatono Yesus. Taohao sombamu ne Lahataꞌala, kapaꞌamo o Rohi mekabhintino mie sampe dokosuaha peda anabii, nomaiꞌao ne kafohatono Yesus.”

Powoha 19:10 Iomraidhean Croise

Matius 4:10

Yesus tanotobhoosi ambano, “Gampimo, seetani! Kapaꞌamo notibuhi, ‘Taohao sombamu ne Ompu Lahataꞌalamu, ampamo kaowu Anoa so nefeompuniꞌimua!’ ”

Markus 5:22

gahaꞌa nohatomo seemie mandeꞌaono lambu kasambaheaꞌa weo liwu aitu, neano Yairus. Sanowoha Yesus, nolongkomo ne aꞌeno

Markus 7:25

Ne itu nandoo seemie hobhine, anano nopesuakie seetani. Anano ini o hobhine dua. Sanofetingke Yesus nohato, hobhine aitu lasao nokala nosudhu ne wiseno.

Lukas 1:19

Notobhoosimo malaꞌekati anaꞌa ambano, “Idimo ini Gabriel, palima-limano Lahataꞌala, notudu kanau apotula-tulaangko, amohatoangko bhihita metaa ini.

Lukas 24:44

Ambano dua, “Pedamo ini patudhuno pugauku wakutuuno apobhaiangkoomu endefiꞌini. Ingka afohatokoomu kosasawiꞌae tibuhino weo Kitabino Musa, Kitabindo ana-anabii bhe Kitabino Laguno Daud tetewei nakoꞌula.”

Yohanes 5:39

Hintimiu poguhuꞌaoꞌomu Kitabindo anabii, kunaꞌemiu peda aitu so kaeꞌawaꞌamiu dadi suhue dhamani. Gahaꞌaitu Kitabi andoa naꞌa nosakusiiꞌao Idi.

Tula-tulando rasulu 10:43

Anoamo ini nepulaoꞌaondo kosasawindo anabii putae ane damarasaea ne Anoa natiꞌamponi dhosando hampano kuasano neano.”

Tula-tulando rasulu 13:27

Miendo Israel bhe neangkaꞌindo miina damandeꞌaane putae Yesus maitu fofosalamatinomo. Miina dua dalumosangie pugaundo ana-anabii nebasando seꞌo-seꞌoleono Sabat, sampe dobhotusiemo damongkoe. Tamaka habundo naꞌa nofekakoꞌulamo pugaundo ana-anabii maitu.

2 Korintus 8:7

Hintimiu hangkaeamoomu weo kaparasaea, hangkaeamoomu weo folimbaꞌano fekihi bhe kapande, hangkaeamoomu dua weo kakampuu-mpuu so potulu-tulumiꞌa, hangkaeamoomu weo kanini kaasi ne insaodi. Naetaa mpuu ane humangkaeaꞌomu dua weo kahadhaano kanini kaasi ini.

Efesus 5:15

Dadiꞌanomo ondofaane fekataa-taaꞌe dadimiu. Koe dadi ngkabhohe-bhoheomu, tamaka dadiomu peda mie mande.

Efesus 5:33

Mahinggamo nada amai, hintimiu moꞌane seemie-seemie tetewei moasiane hobhinemu nameda kaasimu ne wutomu; hintimiu hobhine fosibhalaeꞌomu moꞌanemiu.

Filipi 3:3

Gahaꞌaitumo sakotuꞌuno intaodiomu ini metahimano kasuna mpuu. Maꞌanano intaodiomu ini nofoato Rohino Lahataꞌala dosombaomu ne Anoa, nowose bhakentoomu hampano nehabuno Kristus Yesus. Pakade miina daposahunaꞌaoꞌomu ne kaengkohaꞌano kamanusia bhe habu metaantoomu.

1 Tesalonika 5:15

Posiꞌondoomu, habu modai koise dobhoosiane dua habu modai, tamaka sadhia uleiꞌomu lalomiu habu metaaꞌomu, sapada-pada hintimiu bhe ne sabhaha mie.

Ibrani 1:14

Ingka o malaꞌekati maitu saneamo rohi meompuno ne Lahataꞌala, andoamo dua netuduno Lahataꞌala daꞌumondofao manusia so metahimano kasalamati.

Ibrani 12:25

Dadiꞌanomo posiꞌondoomu, koe sampe mokiido metingkeomu kobhoasaono itu. Ane mie tapa metingkeno meowano bhihitano Lahataꞌala ne dhunia, miina damooli dalumapaa ne kahukumu, bhemo toha intaodiomu metingkeno kobhoasaono maiꞌaono te surugaa. Ane dokiido dametingkeeꞌomu, ingka tetewei paise dalumapaomu ne kahukumu.

1 Yohanes 5:10

Dadiꞌanomo sasuka marasaeano ne Anano Lahataꞌala, miinamo nopoibhahaane putae kasakusii amaitu nokotuꞌu. Tamaka mie tapa marasaeano ne Lahataꞌala kabeanga nokonamo Lahataꞌala nokopaha, mbaꞌinomo miina namarasaea kasakusiino Lahataꞌala so Anano.

1 Yohanes 5:21

Anaꞌiku, posiꞌondoomu ne sabhaha barahala!

Powoha 1:1

Kitabi aini nokowambaꞌao kafohatono Yesus Kristus nopulaoꞌao so kumadhadhiaꞌano namada kaowu. Kafohato aini nowaꞌane Lahataꞌala namotiwohae ne palima-limaꞌino Lahataꞌala o ae so tetewei kumadhadhiaꞌano mehimba. Kristus netudu malaꞌekatino ne Yohanes, o palima-limano, namosampeane sabhaha kadhadhia anaꞌa.

Powoha 1:9

Idi, Yohanes o bhahitiemiu; peda hintimiu aenamisi dua kasabha, aeala dua dawu weo Kafopahintaꞌano Lahataꞌala bhe akosabaha dua apotaami aantagi kahatoꞌano Yesus. Idi doꞌoho kanau ne liwutono Patmos, hampano aefolele bhoasaono Lahataꞌala bhe kafohatono Yesus.

Powoha 12:11

Anoa dotaloane heano Anano Dhumba bhe pugau nesakusiiꞌaondo. Andoa miina daooloanea inawando, dohelasi domate.

Powoha 12:17

Naga anaꞌa noꞌamaha ne hobhine amaitu lasao nokala nopopahisa noewangi sampuꞌano sigaoꞌano, mie mangkafino pahintano Lahataꞌala bhe mintahakino kafohatono Yesus.

Powoha 14:7

Anoa nokei nofekahaa-haaꞌi ambano, “Moteꞌiomu ne Lahataꞌala! Fekakalabhiaꞌomu neano! Kapaꞌamo nohatomo tempono kafobhotusiꞌano. Taohao sombamiu ne Mokonandoono lani bhe dhunia, teꞌi bhe sabhaha matano oe.”

Powoha 15:4

Laꞌae bhahaa so tapa moteꞌino ne Hintu Ompu? Laꞌae bhahaa so tapa mekakalabhiano neamu? Kapaꞌamo Hintumo kaowu mongkilono. Sabhaha bansano liwu damai datumaohao sombado ne Hintu, kapaꞌamo kabhotusimu umadhilino dowohaemo sabhaha mie.”

Powoha 19:9

Pada aitu nopugaumo ⸤ malaꞌekati naꞌa⸥ ne idi, “Buhie nada ini: dokodawua mpuu mie tibhasino ne kagaano Anano Dhumba.” Ambano dua, “Wamba aini nokotuꞌu, sanea bhoasaono Lahataꞌala.”

Powoha 4:10

maka kamungkula haa fulu popaano naꞌa dosudhu defodapa ne wiseno Mengkohano te kaengkohaꞌa kumalabhiano maitu. Andoa dotaohao sombado ne Anoa dumadino ampa suhue dhamani naꞌa poowa dohunsa songko bulawando ne wiseno bhe dopugau ambado,