Powoha 18:24 - Muna Southern Dialect

²⁴ Ne kotamo ini kapotuhuꞌano heando ana-anabii, umati mongkilo bhe sabhaha mie nepongko ne dhunia ini.

Powoha 18:24 Iomraidhean Croise

Matius 23:27

Balaamoomu, pande-pande Kitabi bhe miendo Farisi, mie mehaaꞌulano! Kapaꞌamo hintimiu itu tapedamo kobuhu neꞌefii, we simbali nokesa wohaꞌano, gahaꞌaitumo we lalo sanea buku bhe sabhaha giu mohaku sigaoꞌano.

Matius 23:35

Pedamo anaꞌa tumongkuomu dhosano limbano heando mie nepongko tapa kokaꞌala, notanda ne Habel ampa ne Zakaria anano Berekya. Habel ini mie banara; Zakaria pongkoeꞌomu ne kadeteno Lambuno Lahataꞌala, ne olotano boloku mongkilo bhe medha kaefoampeꞌa.

Tula-tulando rasulu 7:52

Anabii laꞌae bhahaa tapa nefodee-deendo awuaꞌimiu? Bhahaa tadua dopongkomo mie katudu mefoleleno bhihita so kahatoꞌano Mie Metaano Lalo. Anoa naꞌa padamo pokanagauaneomu bhe pongkoeꞌomu.

1 Tesalonika 2:15

Andoamo naꞌa mongkono Ompu Yesus bhe ana-anabii, modee-deenomo dua insaodi. Podiundo maitu miina naoꞌiaꞌane Lahataꞌala, pakade dopomodai bhe sabhaha mie.

Powoha 11:7

Damalusi kaowu damodhala takando dembali sakusii, o kadadi maiꞌaono weo olano mate tapa kotompano napopahisa bhe andoa, natumaloda maka namongkoda.

Powoha 16:6

Kapaꞌamo andoamo maitu motuhuno heando umati mongkilono bhe ana-anabii. Aitu fefohoꞌutianda hea, daanumo nopantasimo so andoa.”

Powoha 17:6

Awohamo dua hobhine amaitu nololanuꞌao heando umati mongkilo bhe mie mateꞌaono kaparasaeando ne Yesus nesakusiiꞌaondo. Awoha hobhine amaitu taꞌapokamente-mentemo.

Powoha 19:2

Kapaꞌamo nobanara bhe noꞌadhili kahukumuno, Anoa padamo nohukumu karambole bhalano, dumai-daino dhunia hampano dadi pokawite-witeno. Lahataꞌala padamo nobhoosianda heando palima-limano ne karambole amaitu.”