Powoha 18:18 - Muna Southern Dialect

¹⁸ Damoha gawuno efi humampunino kota anaꞌa dakumeimo ambado, “Kota ae dua bhahaa pototoꞌano kabhala bhe kota aini?”

Powoha 18:18 Iomraidhean Croise

Powoha 13:4

Andoa dosombai naga anaꞌa hampano anoamo maꞌaono kuasa ne kadadi amaitu. Andoa dosombai dua kadadi amaitu bhe dopugau ambado, “Laꞌae bhahaa pototoꞌano bhe kadadi aini? Laꞌae bhahaa so mondoino poewangiane?”

Powoha 14:11

Gawuno efi sumikisaada naꞌa nakumatowo-towo kansuhu ampa suhue dhamani. Mentae mohondo pae bhe katiehea dasumikisaada, hampano dosombamo ne kadadi amaitu bhe patungno bhe dotahima katandano neano.”

Powoha 16:19

Kota bhalano maitu nobhongka nofetoludawue, kotando sabhaha bansano liwu nopuli nosansa. Lahataꞌala nofeꞌulaimo Babel kota bhalano maitu, maka nowaꞌane nofohoꞌu angguru ne kampohoꞌuꞌano, kaꞌibahatino kapontalabhi-labhino amahano Lahataꞌala.

Powoha 18:16

Andoa dapugau ambado, “Balaamo, balaamo hintu kota bhalano mepakeno kai kapute moꞌalusu, kai wungo bhe kai kadea lalo moꞌito, nelegasiꞌao bulawa, kontu moinda bhe muntia,