Powoha 17:14 - Muna Southern Dialect

¹⁴ Andoa dapopahisa bhe Anano Dhumba, tamaka Anano Dhumba natumaloda hampano Anoa Kafeompuꞌandomo sabhaha kafeompuꞌa bhe Omputo sabhaha omputo. Anano Dhumba naꞌa daposabhangkaane mie nesaliꞌino, nepilino bhe tiparasaeano.”

Powoha 17:14 Iomraidhean Croise

Matius 22:14

Kapaꞌamo nobhahi tibhasino tamaka seendai kaowu tipilino.’ ”

Matius 25:40

Omputo anaꞌa natumobhoosi ambano, ‘Amohatokoomu, kotu-kotuꞌu sabhaha nehabumiu ne bhahitieku foliuno kandidiki ini, ingka nopototomo habueꞌomu ne Idi.’

Matius 28:18

Yesus nomaꞌotidamo bhe nopugau ambano, “Sabhaha kuasa te surugaa bhe we dhunia ini nowaꞌa kanaꞌe Amaku.

Yohanes 15:16

Suano hintimiu mili kanau, tamaka o Idi milikoomu. Idimo tumudukoomu kumalaomu so nobhahiꞌao bhakemiu bhe sadaa-daa kantarano, neanomo o ae maka dua so nesalomiu ne Amaku weo neaku namaꞌangkoeꞌomu.

Roma 1:6

Nepulaoꞌaoku sabhaha bansano liwu, ingka nopesuamo dua hintimiu ⸤ miendo Roma⸥ . Hintimiu nobhasikomoomu Lahataꞌala seꞌiseomu bhe Yesus Kristus.

Roma 8:30

Mie toka nepilino Lahataꞌala mpini kabhao-bhaono, andoamo dua nebhasino. Mie toka nebhasino maitu andoamo dua netahimano peda mie banara. Mie toka netahimano peda mie banara maitu, andoamo dua ⸤ so⸥ metahimano kakalabhiano Lahataꞌala.

Roma 8:37

Mahinggamo peda anaꞌa, weo sabhaha kasabha maitu intaodiomu deꞌawaomu kafotalo mangaliuno, noangka ne Anoa moasi kaita.

1 Korintus 15:24

Pada aitu nahumatomo kafetompaino dhamani. Namada namobinasa sabhaha kafopahintaꞌa, mintahano kuasa bhe kosodano, Kristus namosipuli kafopahintaꞌano ne wutono Lahataꞌala Amano.

1 Timotius 6:15

Kahatoꞌano naꞌa nakoꞌula ne tempo toka nefotantuno wutono Lahataꞌala. Anoamo Kaseemie-mieꞌano kokuasano, foliuno kakalabhia, kolakindomo sabhaha kolaki, kafeompuꞌandomo sabhaha kafeompuꞌa.

2 Timotius 2:4

Seemie tantara tangasano nodhalangi takano, ingka miina natiteeꞌanea kahadhaano sigaoꞌano, kapaꞌamo patudhuno namekaꞌia lalono neangkano.

1 Petrus 2:9

Tamaka hintimiu bansano liwu tipilino, imamu meompuno ne Omputo, bansano liwu mongkilono, umati fehebuaꞌano wutono Lahataꞌala. Lahataꞌala nopilikoomu bhe nobhasikoomu maiꞌao weo kahohondo pesuaꞌomu weo kantalea kumalabhiano, neanomo moleleeꞌomu sabhaha habuno timenteꞌaono.

Powoha 1:5

bhe nomaiꞌao dua ne Yesus Kristus, sakusii tiparasaeano, kabhao-bhaono manuno maiꞌao ne mate bhe kokuasano ne sabhaha omputo ne dhunia ini. Yesusmo ini moasi kaitaomu bhe noangka ne tuhuno heano padamo nofolapa kaita maiꞌao ne dhosa.

Powoha 11:7

Damalusi kaowu damodhala takando dembali sakusii, o kadadi maiꞌaono weo olano mate tapa kotompano napopahisa bhe andoa, natumaloda maka namongkoda.

Powoha 16:14

Andoamo maitu rohindo seetani mehabuno sabhaha tanda tapa mentela. Kototolundo dokalamo dofohompu sabhaha omputo ne dhunia so dapopahisaꞌao nahumato oleo bhalano, oleonomo Lahataꞌala Fofoliuno Kuasa.

Powoha 2:10

Koise moteꞌia ne kakadee-dee so neꞌawamiu! Tandaiꞌe, Kafeompuꞌando seetani naꞌumohofi seemie hodua ne olotamiu itu weo katohongku patudhuno nasumobakoomu, maka meꞌawaomu kasabha naompuluꞌa. Fintahakieꞌomu mpuu kaparasaeamiu mahingga mewisekiomu mate, maka amaꞌangkoomu dadi suhue dhamani mbali kawaꞌaondo fotalono.

Powoha 2:13

Apandeꞌaane ne amai kaeateꞌamu, ingka we kota kafopahintaꞌano Kafeompuꞌando seetani. Tamaka hintimiu sadaa-daa fintahakiomu kaparasaeamiu ne Idi, miina sumowoomua, mahinggamo we dhamanino Antipas sakusiiku tiparasaeano nepongkondo ne wisemiu, we kaeateꞌano Kafeompuꞌando seetani itu.

Powoha 3:21

Sasuka fotalono amongkohae te kaengkohaꞌaku kumalabhiano ⸤ so damahintaꞌao⸥ dapoowa bhe Idi, pedamo dua Idi padamo afotalo maka aengkoha apoowa-owa bhe Amaku te kaengkohaꞌano kumalabhiano.