Powoha 16:8 - Muna Southern Dialect

⁸ Malaꞌekati kapopaano nosungkamo mangkono te wawono oleo, maka o oleo dowaꞌane kapooli natumunu manusia sampe daodada.

Powoha 16:8 Iomraidhean Croise

Matius 13:6

Tamaka hato nopana oleo, tumbuno noleleumo maka nomate mbaꞌinomo pahakano miina nakumamaa.

Lukas 21:25

“Mada kaowu natiwoha tanda-tanda ne wula, ne oleo bhe kulipopo. Ne dhunia ini sabhaha bansano liwu daoteꞌi sepaliꞌa bhe miinamo dakototonolaloa dawiseki guhuntumano bhe ewono teꞌi.

Tula-tulando rasulu 2:20

Oleo naembali doloma mposo, o wula nameda hea. Aini nakumadhadhia paeꞌo nahumato oleono Ompu, oleo bhalano, oleo kumalabhiaꞌano.

Powoha 14:18

Gahaꞌa nomaimo toha seemie malaꞌekati sigaoꞌano, nomaiꞌao we medha kaetunuꞌa dupa. Anoa nokuasai efi. Malaꞌekati aini nokei nofekahaa-haaꞌi ne malaꞌekati meintahano kapulu mohokoꞌano saꞌituini ambano, “Fowawe kapulu kokanggaimu mohokoꞌano itu, timpuda bhakeno angguru we dhunia, kapaꞌamo dotaꞌamo.”

Powoha 6:12

Wakutuuno Anano Dhumba nolengka kafuluti kanomo iseno, taꞌawohamo nokadhadhiamo luali bhalano, oleo noꞌiꞌito pedamo kadu kaꞌito, o wula nodedea pedamo hea.

Powoha 7:16

Andoa paemo daoꞌahoa, paemo nakekele wuꞌundo, paemo nakumantibhada kasodono oleo.

Powoha 8:12

Pada aitu malaꞌekati kapopaano nobusomo dua duhuleleno, maka notihambi sekatolu dawuꞌa oleo, sekatolu dawuꞌa wula bhe sekatolu dawuꞌa kulipopo sampe sekatolu dawuꞌa tilangano nohohondomo. Dadiꞌanomo sekatolu dawuꞌa ole-oleo miina naentaleaꞌa, sekatolu dawuꞌa kohondoꞌa sedhuluꞌa kahohondono.

Powoha 9:2

Fointono olano mate naꞌa nolengkae, lasao nobhombola gawu pasae nomaiꞌao ne kaehampuꞌa bhalano, sampe oleo bhe kosekaꞌewaꞌae lani nohohondo hampano gawu maiꞌaono weo ola anaꞌa.