3 Malaꞌekati kahoduano nosungkamo mangkono we teꞌi, gahaꞌa oeno teꞌi lasao nembali hea pedamo heando mie mate sampe kosasawindo koinawano weo teꞌi dopuli domate.
Dobhahi mie marasaeano ne pugauno Petrus, maka dokadiuda. Oleo itu umati dotitubhahi, kabhahindo dapetolu hewu.
Ne limano neinta-intaha kaluluno kitabi mohobu padamo dolengkae. Aꞌeno suanano nofofindae we teꞌi, aꞌeno kemano nofofindae we wite.
Andoa dokokuasa daekunsi lani keana nokoꞌuse tangasano dokosuaha peda anabii. Andoa dokokuasa dua ne sabhaha oe dabhaliiꞌe naembali hea, bhe dokokuasa dua daefosampu sabhaha balaa damepeki dhunia ini nafee-fee pakumo ampa kapoindalondo.
Pada anaꞌa awohamo kadadi nolimba maiꞌao weo teꞌi, fotuno fitu pongke, tanduno ompulu pele. Ne tanduno naꞌa nandoo ompulu woka songkono omputo. Te fotuno notibuhi sabhaha nea kafekaꞌaebu ne Lahataꞌala.