Powoha 16:17 - Muna Southern Dialect

¹⁷ Palusi aitu malaꞌekati kapipituno nosungkamo mangkono te antara. Gahaꞌa tanotifetingkemo suaha nomaiꞌao ne kaengkohaꞌa kumalabhiano weo Boloku Mongkilo, nohaaꞌi sepaliꞌa ambano, “Nopalusimo!”

Powoha 16:17 Iomraidhean Croise

Yohanes 19:30

Pada nofenami angguru mokolo naꞌa, Yesus nopugaumo ambano, “Notokamo!” Pada anaꞌa nofolongkomo fotuno maka nofotawakala inawano, nobhotumo.

Efesus 2:2

Wakutuu anaꞌa dadimiu noangkafi kaneano dhunia ini, maꞌanano meangkaomu ne Kafeompuꞌando kuasa modai te antara. Anoamo maitu rohi kumuasaino totono lalondo mie pata meangkano ne Lahataꞌala taꞌampamo aitu.

Efesus 6:12

Kapaꞌamo intaodiomu miina dapoewangi bhe mbadha tiwohaꞌano, tamaka doewangi sabhaha rohi modai kokuasano te antara. Doewangiomu dua mintahano kuasa, neangkando seetani bhe kuasa mohohondo te dhunia ini; andoa ini saneamo kumuasaino dhamani modai ini.

Powoha 11:15

Pada aitu malaꞌekati kapipituno nobusomo duhuleleno maka notifetingkemo suaha-suaha mohaaꞌi sepaliꞌa weo surugaa, ambado, “Kuasa kafopahintaꞌano dhunia nointahaemo Ompuntoomu bhe Mesias Omputo Fosalamatino, Anoa namahinta nada omputo ampa suhue dhamani.”

Powoha 11:19

Tanotilengkamo dua Lambuno Lahataꞌala te surugaa, notiwohamo dua sohongano podhandiꞌa weo Lambuno Lahataꞌala naꞌa. Gahaꞌa wakutuu aitu dua nokobhibhito, nokopisibhela, nokoguntu, nokoluali, bhe nosampu use ngkobhatu nobhie sepaliꞌa.

Powoha 14:15

Nolimbamo seemie malaꞌekati sigaoꞌano nomaiꞌao weo Lambuno Lahataꞌala nokei nofekahaa-haaꞌi ne Mengkoha-ngkohano te olu ngkapute naꞌa ambano, “Fowawemo kapulu kokanggaimu itu, tobheemo, nohatomo tempono tobheꞌa, kapaꞌamo so netobhe we dhunia nokunimo.”

Powoha 14:17

Nolimbamo dua seemie malaꞌekati sigaoꞌano maiꞌao weo Lambuno Lahataꞌala te surugaa, neintaha dua semata kapulu kokanggai mohokoꞌano.

Powoha 16:1

Afetingkemo dua suaha mohaaꞌi nomaiꞌao weo Boloku Mongkilo nopugau ne malaꞌekati pipituno naꞌa ambano, “Kalaomu maka sungkaeꞌomu kofitu wokaꞌae mangkono amahano Lahataꞌala itu we dhunia!”

Powoha 21:6

Nopugaumo dua ne idi, “Nopalusimo. Idimo ini Alfa bhe Omega, kabhao-bhaono bhe kafetompaino. Mie mokekeleno wuꞌu amefohoꞌutida maiꞌao ne matano oe meowano dadi, pae nakoꞌolia.