Powoha 15:7 - Muna Southern Dialect

⁷ Seꞌulu mahaluku maiꞌaono ne mahaluku popaano naꞌa nowaꞌao malaꞌekati pipituno maitu fitu woka mangko bulawa noponoꞌao amahano Lahataꞌala dumadino ampa suhue dhamani.

Powoha 15:7 Iomraidhean Croise

1 Tesalonika 1:9

Mie andoa maitu detula-tulaꞌaomo kataano tahima kainsamiomu ⸤ pakamai mani⸥ te liwumiu, detula-tulaꞌaomo dua putae kukundoemoomu barahala nesombaimiu maka doliomu ne Lahataꞌala banarano dumadino, feompumoomu ne Anoa.

Powoha 1:18

Idimo dumadino, padamo amate, tamaka ondo kanau itu, ingka adadimo ampa suhue dhamani. Idimo mintahano kunsino mate bhe dhuniano mate.

Powoha 10:6

Anoa notunda nosambili Dumadino suhue dhamani, mokonandoono lani bhe sabhaha iꞌino, mokonandoono dhunia bhe sabhaha iꞌino, mokonandoono dua teꞌi bhe sabhaha iꞌino, ambano, “Paemo damodhuluea tempono.

Powoha 14:10

anoa maitu naohoꞌu angguru, maꞌanano naenamisi kahukumuno Lahataꞌala. Angguru aitu dofontaa-ntaaꞌe weo kampohoꞌuꞌano amahano Lahataꞌala, miina nakosalo-saloa ⸤ daa-daaꞌe kaꞌosano⸥ . Mie medando anaꞌa dasumikisaaꞌane efi bhe waleha ne wisendo malaꞌekati mongkilono bhe ne wiseno Anano Dhumba.

Powoha 15:1

Pada aitu awohamo dua tanda bhalano timenteꞌaono te lani nobhibhiisa sepaliꞌa: dopipitu malaꞌekati deowa fitu honda balaa kapuliaono, kafetompainomo amahano Lahataꞌala.

Powoha 16:2

Nokalamo malaꞌekati kabhao-bhaono nosungka mangkono we dhunia maka kosasawindo mie mepakeno katandano kadadi saꞌituini bhe sumombaino patungno, notumbuida kawisu modai mokompeahaꞌino.

Powoha 17:1

Pada anaꞌa nomaimo seemie maiꞌao ne malaꞌekati pipituno meowano fitu woka mangko maitu bhe nopugau ne idi ambano, “Mai se ini, amotiwohaangko kahukumu so karambole tiende-endeno mengkohano ne tombuno koꞌoeꞌano.

Powoha 21:9

Nomaimo seemie malaꞌekati nomaiꞌao ne malaꞌekati pipituno maitu. Malaꞌekati andoa ini meintahanomo mangko fitu wokano moponoꞌaono fitu honda balaa kafetompaino. Anoa nopugau ne idi ambano, “Mai se ini, amotiwohaangko loꞌia buꞌou, hobhineno Anano Dhumba.”

Powoha 4:10

maka kamungkula haa fulu popaano naꞌa dosudhu defodapa ne wiseno Mengkohano te kaengkohaꞌa kumalabhiano maitu. Andoa dotaohao sombado ne Anoa dumadino ampa suhue dhamani naꞌa poowa dohunsa songko bulawando ne wiseno bhe dopugau ambado,

Powoha 5:8

Sanotahima kaluluno kitabi amaitu, mahaluku fato uluno bhe kamungkula haa fulu popaano maitu dolongko dotaohao sombado ne wiseno Anano Dhumba naꞌa. Andoa sanea meintahano kusapi bhe mangko bulawa noponoꞌao dupa; aituꞌaemo sambaheando umati mongkilono.