Powoha 15:3 - Muna Southern Dialect

³ Andoa delagu-laguꞌao laguno Musa palima-limano Lahataꞌala bhe laguno Anano Dhumba. Ambado, “Hintu Ompu Lahataꞌala Fofoliuno Kuasa! Nobhala bhe notimenteꞌao mpuu angkaꞌano limamu. Noꞌadhili bhe nobanara mpuu sabhaha habumu. Hintu Omputo sabhaha bansano liwu!

Powoha 15:3 Iomraidhean Croise

Yohanes 1:17

Tubhono agama Yahudi dotahimaeꞌomu ne anabii Musa, tamaka kanini kaasi bhe kabanara notiwoha ne Yesus Kristus.

1 Timotius 1:17

Nopantasi mpuu damosibhala bhe damudhi Lahataꞌala, kapaꞌamo Anoamo tapa metompaloino mate, Anoamo Omputo suhue dhamani, Anoamo tapa tiwohano, Anoamo Kaseemie-mieꞌano. Damosibhalae ampa suhue dhamani. Amin.

Ibrani 3:5

Anabii Musa daanumo notuhu lalono peda seemie palima-lima weo polambuno Lahataꞌala, pugauno bhe kahadhaano nofosusuꞌao so nekobhoasaꞌaono Ompu mada kaowu.

Powoha 1:8

“Idi ini Alfa bhe Omega ⸤ maꞌanano kabhao-bhaono bhe kafetompaino⸥ ”, pedamo anaꞌa bhoasaono Ompu Lahataꞌala, ndumandoono, toka ndumandoono bhe so humatono, Fofoliuno Kuasa.

Powoha 11:17

Ambado, “Taefoampe katumpuno lalo ne Hintu Ompu Lahataꞌala Fofoliuno Kuasa, ndumandoono bhe toka ndumandoono, hampano Hintu pakeemo kuasamu bhalano, metandakimo pahinta peda Omputo.

Powoha 14:3

Andoa delagu-laguꞌao lagu buꞌou ne wiseno kaengkohaꞌa kumalabhiano bhe ne wisendo mahaluku fato uluno bhe ne wiseno kamu-kamungkulaꞌi. Bhe naseemie miina bhe membalino poguhuꞌaono lagundo, mpahinomo mie moꞌono fato fulu fato hewuno titolosino maiꞌao we dhunia.

Powoha 14:8

Notuluemo dua malaꞌekati kahoduano nopugau ambano, “Nosansamo, nosansamo Babel kota bhalano maitu, mekalolanuno sabhaha bansano liwu hampano nofefohoꞌutianda angguruno nafusuu modai pokawite-wite.”

Powoha 17:14

Andoa dapopahisa bhe Anano Dhumba, tamaka Anano Dhumba natumaloda hampano Anoa Kafeompuꞌandomo sabhaha kafeompuꞌa bhe Omputo sabhaha omputo. Anano Dhumba naꞌa daposabhangkaane mie nesaliꞌino, nepilino bhe tiparasaeano.”

Powoha 19:16

Ne dhubano bhe ne faꞌano notibuhi nea peda aini, Omputo sabhaha omputo, Kafeompuꞌandomo sabhaha kafeompuꞌa.

Powoha 19:2

Kapaꞌamo nobanara bhe noꞌadhili kahukumuno, Anoa padamo nohukumu karambole bhalano, dumai-daino dhunia hampano dadi pokawite-witeno. Lahataꞌala padamo nobhoosianda heando palima-limano ne karambole amaitu.”

Powoha 4:8

Mahaluku fato uluno maitu sanea kopanino nomo pani seꞌulu, panindo samata-mata weta we lalo bhe we simbali. Ole-oleono koho-kohondoꞌano miina bhe kafeontoa delagu, “Nongkilo, nongkilo, nongkilo mpuu Ompu Lahataꞌala Fofoliuno Kuasa, toka ndumandoono, ndumandoono bhe so humatono.”