Powoha 14:4 - Muna Southern Dialect

⁴ Andoa ini mie pata pokadengoꞌaono wutondo bhe hobhine, dongkilo peda kalambe. Ne amai maka kahopeꞌano Anano Dhumba, sadhia doangkafie. Andoa ini notolosida maiꞌao ne manusia daembali kapopanga kabhao-bhaono so Lahataꞌala bhe so Anano Dhumba maitu.

Powoha 14:4 Iomraidhean Croise

Matius 19:12

Nandoo mie tapa membaliꞌano dogaa, mbaꞌinomo dolente ingka pedamo naꞌa. Nandoo dua, mbaꞌinomo dohabue mie bhaindo. Nandoo dua dopoindalo wutondo miina dagumaaꞌa mbaꞌinomo Kafopahintaꞌano Lahataꞌala. Laꞌae so moolino lumosangino pugauku ini, naetaa nalumosangie!”

Matius 25:1

“Nahumato wakutuu anaꞌa, Kafopahintaꞌano Lahataꞌala tapedamo doompulu kalambe, deala bhe kantaleando maka dokala dosumpui loꞌia buꞌou.

Matius 8:19

Nomaimo seemie pande Kitabi, ambano, “Guru, amangkafiko ne amai maka dua so kakalaꞌamu.”

Yohanes 10:27

Dhumbaku dotandaiꞌe suahaku, Idi apandeꞌaanda, andoa doangkafi kanau.

Yohanes 12:26

Laꞌae so umondofa kanau, tetewei namangkafi kanau. Ne amai kahatoꞌaku, ne ituꞌaemo dua so kahatoꞌano anoa. Laꞌae so umondofa kanau namosibhalae Amaku.

Yohanes 13:37

Ambano Simon Petrus, “Waompu, noafa so tapa kaembaliꞌano amangkafiko aitu? Idi aꞌunda amateangko.”

Yohanes 8:12

Nopugaumo dua Yesus ne mie bhahi ambano, “Idimo ini tilangano dhunia, sasuka mangkafi kanau paise naekala-kala weo kahohondo, tamaka naeꞌawa tilanga meowano dadi.”

Tula-tulando rasulu 20:28

Dadiꞌanomo dhagani wutomiu, dhaganieꞌomu umati marasaeano, peda dhagano dhumba noꞌondofao kadadi kakaneano. Kapaꞌamo hintimiumo nesangkeno Rohino Lahataꞌala membaliomu neangka so dhumaganino umatino Lahataꞌala. Umati andoa ini fehebuaꞌano Lahataꞌala, notolosianda heano Anano.

1 Korintus 16:15

Bhahitieꞌiku, tasehonda dua kamesaloku. Ingka pandeꞌaaneomu Stefanus bhe polambuno; andoamo mie kabhao-bhaono marasaeano we Akaya, dokahadhaa sampuu-mpuuno lalondo doꞌondofao umati marasaeano sigaoꞌano.

1 Korintus 6:20

Kapaꞌamo hintimiu itu padamo doꞌolikoomu, olimiu padamo dotanduaꞌane. Dadiꞌanomo pakeomu mbadhamiu so kakalabhiano Lahataꞌala.

1 Korintus 7:28

Tamaka ane gumaa, pae kodhosaa. Pedamo dua ane seemie kalambe nagumaa pae nakodhosaa. Ampamo kaowu mie gumaano nabhahi naeꞌawa kasabhano dhunia, sakotuꞌuno gaoku lumapaomu ne kasabha anaꞌa.

2 Korintus 11:2

Nokondua laloku ne hintimiu tapedamo wutono Lahataꞌala. Hintimiu tapedamo seemie kalambe mongkilo, padamo apodhandi amogaakoomu bhe seemie moꞌane, ingka wutono Kristus.

Efesus 1:14

Rohino Lahataꞌala ini kafekantoono dhandino Lahataꞌala putae tetewei namada kaowu daꞌumawae kosasawiꞌae nedhandiꞌaono. Aini nofekatangka dua kaparasaeantoomu, ingka intaodiomu fehebuaꞌano Lahataꞌala ini, kotu-kotuꞌu dabebasi ⸤ maiꞌao ne kuasano dhosa⸥ . Pudhi kaitaomu Lahataꞌala hampano kakalabhiano!

Efesus 5:27

Kahabuꞌano peda amaitu, neanomo namowa umatino te wiseno Wutono ⸤ peda loꞌia buꞌou hobhine⸥ , naombena ulano, pae nakotindu-tindua, pae nakongkuhu-ngkuhua tawa kadengo sigaoꞌano, tamaka umati daongkilo bhe pae dakodengo-dengoa.

1 Timotius 4:3

Andoa deꞌeleꞌao mie dagumaa bhe ambado nandoo oti so pata membaliꞌano daomaaꞌe. Gahaꞌaitumo oti amaitu nofokonandooꞌe Lahataꞌala so daomaa mie marasaeano ne Kristus bhe toka mandeꞌaono kabanara, poangka damoampe katumpuno lalondo.

Ibrani 12:23

Hintimiu mai meangkafiomu hompuꞌa mohame, hompuꞌando umati sanea anaꞌi titiisano Lahataꞌala, toka tibuhino nea te surugaa. Hintimiu mai fewiseomu ne Lahataꞌala, bhitahakino kosasawindo manusia. Hintimiu powiseomu bhe rohindo mie banara toka mosangkano dadi.

Yakobus 1:18

Noangkafi kapoindalono Wutono, Lahataꞌala nofowaꞌao dadi buꞌou dembaliomu anaꞌino, hampano ⸤ dofetingke bhe doparasaeaꞌomu⸥ bhoasaono kabanara. Patudhuno neanomo daembaliomu titiisa ne olotando sabhaha nefokonandoono Lahataꞌala.

1 Petrus 2:9

Tamaka hintimiu bansano liwu tipilino, imamu meompuno ne Omputo, bansano liwu mongkilono, umati fehebuaꞌano wutono Lahataꞌala. Lahataꞌala nopilikoomu bhe nobhasikoomu maiꞌao weo kahohondo pesuaꞌomu weo kantalea kumalabhiano, neanomo moleleeꞌomu sabhaha habuno timenteꞌaono.

Powoha 17:14

Andoa dapopahisa bhe Anano Dhumba, tamaka Anano Dhumba natumaloda hampano Anoa Kafeompuꞌandomo sabhaha kafeompuꞌa bhe Omputo sabhaha omputo. Anano Dhumba naꞌa daposabhangkaane mie nesaliꞌino, nepilino bhe tiparasaeano.”

Powoha 21:22

Lambu mongkilo weo kota amaitu miina aohaea, hampano Ompu Lahataꞌala Fofoliuno Kuasa bhe Anano Dhumba maitu, andoamo lambu mongkilono.

Powoha 21:23

Kota amaitu miina naefaraluua wula bhe oleo so mekantaleaꞌe, kapaꞌamo nofekantaleaꞌe kakalabhiano Lahataꞌala, Anano Dhumba nembalimo kantaleano.

Powoha 3:4

Tamaka we Sardis itu nandoo seemie hodua tapa pokahakuꞌaono pakeano; andoa ini daekala-kala dapoowa bhe Idi daepake pakea kapute, hampano andoa ini dopantasimo nada maitu.

Powoha 5:9

Andoa delaguꞌao lagu buꞌou ambado, “Hintu nopantasi tahima kaluluno kitabi aitu bhe lumengka kafulutino, hampano Hintu padamo dosumbeleko, heamu padamo metolosiane manusia maiꞌao ne sabhaha sampuꞌa, sabhaha wamba, sabhaha siwulu bhe sabhaha bansano liwu so Lahataꞌala.