Powoha 14:11 - Muna Southern Dialect

¹¹ Gawuno efi sumikisaada naꞌa nakumatowo-towo kansuhu ampa suhue dhamani. Mentae mohondo pae bhe katiehea dasumikisaada, hampano dosombamo ne kadadi amaitu bhe patungno bhe dotahima katandano neano.”

Powoha 14:11 Iomraidhean Croise

Matius 11:28

Maiꞌomu ne idi, hintimiu mowuleno bhe kowowoꞌo mobhieno, maka amaꞌangkoomu kalalesano lalo.

Matius 25:41

Pada anaꞌa napugaumo dua ne mie we kemano, ‘Gampiomu maiꞌao ne wiseku ini, hintimiu mie nekangkanaino balaa! Pesuaꞌomu weo efino narakaa tapa mopoopeono ampa suhue dhamani, toka nefontaa-ntaa so Kafeompuꞌando seetani bhe malaꞌekati sabhangkaꞌino.

Matius 25:46

Andoa ini damesua weo kakadee-dee suhue dhamani, tamaka mie banara daeꞌawa dadi suhue dhamani.”

Ibrani 1:8

Tamaka ne Anano maitu, Lahataꞌala nokobhoasao ambano, “Hintu Lahataꞌala, kafopahintaꞌamu nadumaa-daaꞌe suhue dhamani, noꞌadhili mpuu kuasamu.

Powoha 11:15

Pada aitu malaꞌekati kapipituno nobusomo duhuleleno maka notifetingkemo suaha-suaha mohaaꞌi sepaliꞌa weo surugaa, ambado, “Kuasa kafopahintaꞌano dhunia nointahaemo Ompuntoomu bhe Mesias Omputo Fosalamatino, Anoa namahinta nada omputo ampa suhue dhamani.”

Powoha 13:12

Kadadi anaꞌa nopake kosasawiꞌae kuasano kadadi kabhao-bhaono saꞌituini maka nodhalangie ne wiseno. Kosekaꞌewaꞌae dhunia bhe mie meateno we dhunia nofosuhuda dasumombai kadadi kabhao-bhaono kokabhela modato meowano mate naꞌa, tamaka noꞌuhimo.

Powoha 13:15

Anoa dowaꞌane dua kalalesa naefopesua inawa ne patung nehabundo amaitu, sampe patungno kadadi anaꞌa nopande nopugau bhe nofotudu sabhaha mie mongaheno sumombaiꞌe damongkoda.

Powoha 13:17

Bhe naseemie miina bhe membalino poꞌoli poasono, mpahinomo andoa mepakeno katandano, mepakeno neano kadadi amaitu tawa mepakeno kaꞌeapi komaꞌanaꞌaono neano.

Powoha 14:9

Noangkafie dua malaꞌekati katotoluno bhe nopugau nofekahaa-haaꞌi ambano, “Sasuka sumombaino kadadi amaitu bhe patungno, bhe tumahimano katandano ne kondaꞌino tawa ne limano,

Powoha 18:18

Damoha gawuno efi humampunino kota anaꞌa dakumeimo ambado, “Kota ae dua bhahaa pototoꞌano kabhala bhe kota aini?”

Powoha 18:9

Sabhaha omputo ne dhunia mada pokawite-witeno bhe menamisino dadi pontalabhi-labhi bhe anoa, daoꞌae bhe daekangkoꞌae ane daoha kaowu gawuno efi humampunino ⸤ kota amaitu⸥ .

Powoha 19:3

Dofendua toha delagu ambado, “Haleluya! Gawuno efi humampunino kota amaitu nobhombola kansuhu ampa suhue dhamani.”

Powoha 20:10

Kafeompuꞌando seetani mekakolilinoda daꞌumohoe weo efi ngkowaleha ne kantobha bhalano. Ne itumo dua katiꞌohoꞌando kadadi bhe mie mpahaana-anabiino, maka dasumikisaada mentae mohondo ampa suhue dhamani.

Powoha 22:5

Ne itu paemo bhe kohondoꞌa, paemo dua daefaraluu kantalea bhe tilangano oleo, kapaꞌamo Ompu Lahataꞌala somo mekantaleada. Andoa damahinta nada omputo ampa suhue dhamani.

Powoha 7:12

Dopugau ambado, “Amin! Sabhaha kapudhi, kakalabhia, kapande, katumpuno lalo, kafosibhala, kuasa bhe kaꞌosa so Lahataꞌalantoomu ampa suhue dhamani. Amin!”