Powoha 12:7 - Muna Southern Dialect

⁷ Pada aitu nandoomo popahisaꞌa te surugaa. Mikael bhe malaꞌekatino dopopahisa dopoewangi bhe naga amaitu. Naga anaꞌa nopopahisa dosuhue dua bhe malaꞌekatino.

Powoha 12:7 Iomraidhean Croise

Matius 13:41

Anano Manusia natumudu malaꞌekatino damoꞌonu sabhaha mie mekakodhosano manusia bhaindo bhe mie humabu modaino weo Kafopahintaꞌano.

Matius 16:27

Kapaꞌamo namada kaowu Anano Manusia namai weo kakalabhiano Amano dapoangkaꞌaane malaꞌekatino. Wakutuu anaꞌa namaꞌandamo ⸤ kabarakati tawa kahukumu⸥ ne manusia seemie-seemie naposahataa bhe habuno.

Matius 24:31

Duhulele bhalano nakondii. Anano Manusia natumudumo malaꞌekatino dalumimba dahumompunao umati tipilino namaiꞌao ne kofatowalaꞌae alamu, maiꞌao we tompano lani sewetano ampa we sewetano.

Matius 25:41

Pada anaꞌa napugaumo dua ne mie we kemano, ‘Gampiomu maiꞌao ne wiseku ini, hintimiu mie nekangkanaino balaa! Pesuaꞌomu weo efino narakaa tapa mopoopeono ampa suhue dhamani, toka nefontaa-ntaa so Kafeompuꞌando seetani bhe malaꞌekati sabhangkaꞌino.

Matius 26:53

Ingka naembali aetondala ne Amaku naetudu malaꞌekati datumulumi kanau, mahingga nakolabhi naompulu haa tagua.

2 Korintus 12:7

Keana amekalangke diuku hampano powoha mangaliuno naꞌa, defopesua kanau kihi ne uluku, maꞌanano katuduno Kafeompuꞌando seetani mbalimo modee-dee kanau. Patudhuno neanomo pae amekalangke diuku.

Efesus 6:12

Kapaꞌamo intaodiomu miina dapoewangi bhe mbadha tiwohaꞌano, tamaka doewangi sabhaha rohi modai kokuasano te antara. Doewangiomu dua mintahano kuasa, neangkando seetani bhe kuasa mohohondo te dhunia ini; andoa ini saneamo kumuasaino dhamani modai ini.

2 Tesalonika 1:7

Hintimiu kumadee-deeno ampa aini namaꞌangkoomu kalalesa meeneiꞌomu, pedamo dua ne insaodi. Anaꞌa nakumadhadhia ne oleono Ompu Yesus namotiwoha Wutono maiꞌao te surugaa, weo efi ngkalai-lai napoowa-owa bhe malaꞌekatino kokuasano.

Ibrani 2:10

Ingka nopantasimo so Lahataꞌala, Anoamo mokonandoono bhahi-bhahiꞌae somo dua Wutono, nohabu Yesus mbali melengkano kaangkaꞌano kasalamatiꞌa, nofosangkaane kakadee-dee. Pedamo anaꞌa noangka ne Yesus dobhahi manusia nebhasino Lahataꞌala daeala dawu weo kakalabhiano.

2 Petrus 2:4

Ingka endefiꞌini malaꞌekati kodhosano miina dalumapaa ne kahukumuno Lahataꞌala, tamaka noꞌohoda we narakaa. Andoa maitu nofopesuada weo kantie mohohondono, nofekataada ampa nahumato oleo so katibhotusiꞌando.

Yudas 1:9

Mahinggamo Mikael neangkando malaꞌeakati, miina nahumabu peda maitu. Wakutuuno nopotagali bhe Kafeompuꞌando seetani bhahaꞌi laꞌae so malano maeatino anabii Musa, Mikael miina naokadoa namekaꞌaebu Kafeompuꞌando seetani naꞌa. Ampamo kaowu tanopugaumo ambano, “Lahataꞌala so umamahakiko!”

Powoha 12:8

Gahaꞌa o naga dotaloe, sampe anoa bhe malaꞌekatino miinamo daꞌumundaꞌaandaa daeate te surugaa.

Powoha 12:9

Naga bhalano maitu doꞌohoe we simbali! Anoamo itu ule ngkamukula, neano dokonae Kafeompuꞌando seetani tawa Kolakindo rohi modai, mekakolilinono kosedhuniaꞌae. Anoa doꞌohoe we dhunia dopoowa-owa bhe malaꞌekatino sabhangkaꞌino.

Powoha 13:7

Kadadi amaitu dowaꞌane dua kapooli napoewangi bhe umati mongkilo maka natumaloda. Dowaꞌane dua kuasa ne sabhaha sampuꞌa, sabhaha siwulu, sabhaha wamba, bhe sabhaha bansano liwu.

Powoha 20:2

Malaꞌekati amaitu nohakomo naga, o ule ngkamukula, nekonando dua Kafeompuꞌando seetani bhe Kolakino rohi modai, maka nokatapue sehewu taꞌu kaomponano.