Powoha 12:4 - Muna Southern Dialect

⁴ Sekatolu dawuꞌa kulipopo te lani nosohopianda lensino maka noꞌohofida we dhunia. Naga anaꞌa neehe-ehe ne wiseno hobhine so koanano maitu, patudhuno salenteno anano nadumoꞌue.

Powoha 12:4 Iomraidhean Croise

Yohanes 8:44

Amamiu Kafeompuꞌando seetani, sadhia gaomiu mangkafiomu kapoindalono amamiu naꞌa. Anoamo itu mongkono manusia mpini kabhao-bhaono, miina natumai ne kabanara, kapaꞌamo weo totono lalono miina bhe kabanarano. Ane nakopaha, nopantasimo, kahabuaonomo. Anoa itu pande gau-gau, amandomo sabhaha paha.

1 Petrus 5:8

Fewanaki totono lalomiu bhe kodhagaomu, kapaꞌamo kaewamiu, Kafeompuꞌando seetani, nolili peda o singa ngkangau-ngauno neꞌondofi kantolono.

Powoha 12:7

Pada aitu nandoomo popahisaꞌa te surugaa. Mikael bhe malaꞌekatino dopopahisa dopoewangi bhe naga amaitu. Naga anaꞌa nopopahisa dosuhue dua bhe malaꞌekatino.

Powoha 12:9

Naga bhalano maitu doꞌohoe we simbali! Anoamo itu ule ngkamukula, neano dokonae Kafeompuꞌando seetani tawa Kolakindo rohi modai, mekakolilinono kosedhuniaꞌae. Anoa doꞌohoe we dhunia dopoowa-owa bhe malaꞌekatino sabhangkaꞌino.

Powoha 13:2

Kadadi anaꞌa nokatu harimau, tamaka aꞌeno peda aꞌeno beruang, wobhano peda wobhano singa. Naga saꞌituini nowaꞌao kaꞌosano, kaengkohaꞌano bhe kuasano bhalano ne kadadi amaitu.

Powoha 13:4

Andoa dosombai naga anaꞌa hampano anoamo maꞌaono kuasa ne kadadi amaitu. Andoa dosombai dua kadadi amaitu bhe dopugau ambado, “Laꞌae bhahaa pototoꞌano bhe kadadi aini? Laꞌae bhahaa so mondoino poewangiane?”

Powoha 16:13

Taꞌawohamo dua rohi modai dototolu pasaꞌida kahaka dolimba maiꞌao ne wobhano naga, ne wobhano kadadi bhe ne wobhano mpahaana-anabiino.

Powoha 17:18

Hobhine newohamu itu, maꞌanano kota bhalano mahintanginomo sabhaha omputo ne dhunia ini.”

Powoha 20:2

Malaꞌekati amaitu nohakomo naga, o ule ngkamukula, nekonando dua Kafeompuꞌando seetani bhe Kolakino rohi modai, maka nokatapue sehewu taꞌu kaomponano.

Powoha 8:10

Malaꞌekati katotoluno nobusomo dua duhuleleno, tambaꞌomu nomaiꞌao te lani nondawumo seꞌulu kulipopo bhalano hende-hendeꞌano pasae kaꞌula, notabuhiki sekatolu dawuꞌa umele bhe matano oe we dhunia.

Powoha 8:11

Neano kulipopo anaꞌa Kapaꞌi. Sekatolu dawuꞌa oe nopaꞌi sampe dobhahi mie mateno hampano dofohoꞌu oe mopaꞌiꞌano naꞌa.

Powoha 8:12

Pada aitu malaꞌekati kapopaano nobusomo dua duhuleleno, maka notihambi sekatolu dawuꞌa oleo, sekatolu dawuꞌa wula bhe sekatolu dawuꞌa kulipopo sampe sekatolu dawuꞌa tilangano nohohondomo. Dadiꞌanomo sekatolu dawuꞌa ole-oleo miina naentaleaꞌa, sekatolu dawuꞌa kohondoꞌa sedhuluꞌa kahohondono.

Powoha 8:7

Malaꞌekati kabhao-bhaono nobuso duhuleleno maka nosampumo use ngkobhatu, oefi noposalo bhe hea, kosasawiꞌae naꞌa doꞌohoe we dhunia. Sekatolu dawuꞌa dhunia notitawu, pedamo dua itu sekatolu dawuꞌa sabhaha puꞌuno sau nongampu, bhe sabhaha kahoku moꞌuhino nopuli notihampuni.

Powoha 8:8

Pada aitu malaꞌekati kahoduano nobusomo duhuleleno, tanonandoomo dua peda seꞌonu kabhawo bhalano hende-hendeꞌano doꞌohoe we teꞌi, maka sekatolu dawuꞌa teꞌi lasao nembali hea.

Powoha 8:9

Sekatolu dawuꞌa mahaluku dumadino weo teꞌi domate bhe sekatolu dawuꞌa kapala nopuli nohansuru.

Powoha 9:10

Lensindo bhe tifundo pasae waꞌati-atikoho, ne lensindo naꞌa nandoo kuasa so dasumikisaaꞌao manusia nalima wula kaomponano.

Powoha 9:19

Kapaꞌamo kuasando adhaha naꞌa neate ne wobhando bhe ne lensindo, hampano lensindo tapedamo ule kofotuno, fotumo aini fosikisaano.