Powoha 12:1 - Muna Southern Dialect

¹ Tanotiwohamo tanda bhalano timenteꞌaono te lani: seemie hobhine, pakeano o oleo, o wula we pandano aꞌeno, ne fotuno nefokana songkono omputo nomaiꞌao ne ompulu haa ulu kulipopo.

Powoha 12:1 Iomraidhean Croise

Matius 12:38

Wakutuu aitu dopugaumo seemie hodua pande Kitabi bhe miendo Farisi ne Yesus, “Guru, gao mani taoha mehabu kainsami tanda tapa mentela.”

Matius 24:30

Wakutuu anaꞌa natiwohamo katandaino Anano Manusia te lani bhe sabhaha bansano liwu te dhunia ini daekangkoꞌae bhe daguguhu. Andoa daoha Anano Manusia te olu natiwoha weo kakalabhiano bhe kuasa bhalano.

Markus 13:25

O kulipopo dapondawuti damaiꞌao te lani bhe kosasawiꞌae waweno alamu naohungga.

Lukas 21:11

Neꞌamai-neꞌamai nandumandoo luali bhalano, hopu bhe gaba. Nakumadhadhia dua katikendaꞌa lalo bhe tanda-tanda timoteꞌi te lani.

Lukas 21:25

“Mada kaowu natiwoha tanda-tanda ne wula, ne oleo bhe kulipopo. Ne dhunia ini sabhaha bansano liwu daoteꞌi sepaliꞌa bhe miinamo dakototonolaloa dawiseki guhuntumano bhe ewono teꞌi.

Yohanes 3:29

Kohakuꞌaono loꞌia buꞌou hobhine ingka loꞌia buꞌou moꞌane; tamaka sabhangkano loꞌia buꞌou moꞌane neehe-ehe ne sohihino nofeti-fetingkeda. Nowula mpuu lalono ane nofetingke suahano loꞌia buꞌou moꞌane maitu. ⸤ Peda sabhangkano loꞌia buꞌou naꞌa,⸥ idi ini nowulamo mpuu laloku, nosungkumo kaꞌiaku.

Tula-tulando rasulu 2:19

Aefokonandoo giu timenteꞌaono te wawo, te lani tatu, bhe tanda tapa mentela we panda, we dhunia ini: o hea, o efi bhe gawu mokapa.

Roma 13:14

Fokanaomu Ompu Yesus Kristus ne ulumiu tapedamo pakea buꞌou ⸤ maꞌanano membaliomu peda wutono Kristus⸥ , koe folalesaea mbadhamiu so namangkafiꞌao sabhaha kapoindalono.

Roma 3:22

Kafotahimaꞌano Lahataꞌala peda mie banara naꞌa noangka weo kaparasaea ne Yesus Kristus. Kaangkaꞌa aini notilengka so kosasawindo manusia, hampano manusia miina dapoꞌala-alaa.

2 Korintus 11:2

Nokondua laloku ne hintimiu tapedamo wutono Lahataꞌala. Hintimiu tapedamo seemie kalambe mongkilo, padamo apodhandi amogaakoomu bhe seemie moꞌane, ingka wutono Kristus.

Galatia 3:27

Ingka kosasawimiu padamo dokadiu saranikoomu weo neano Kristus, dadiꞌanomo fokanamoomu Kristus ne ulumiu tapedamo pakea buꞌou ⸤ maꞌanano membaliomu peda wutono Kristus⸥ .

Galatia 4:26

Tamaka hobhine bebasi ⸤ neano Sara⸥ , kaꞌibahatino Yerusalem te surugaa. Anoa ini inantoomu ⸤ hampano miinamo namobhatuaꞌe tubhono agama Yahudi⸥ .

Galatia 6:14

Tamaka o idi akiido naowose bhakeku ne ae maka dua, mpahinomo Ompuntoomu Yesus Kristus mateno te sau salipu nefosibhalakua. Kapaꞌamo mbaꞌinomo mateno Kristus te sau salipu, dhunia ini miinamo bhe fahalaanoa so idi, kao-kaomo nomatemo so idi. Pedamo dua idi ini, kao-kaomo amatemo so dhunia.

Efesus 5:32

Wamba aini nendalo maꞌanano tamaka ampa aitu nentaleamo, maka nepulaoꞌaoku ini o pokaiꞌano Kristus bhe umatino.

Powoha 1:20

Rahasiano kulipopo fitu uluno newohamu kaintahaꞌaku ne suanaku, bhe rahasiano kaengkohaꞌano kantalea bulawa fitu peleno peda aini: kulipopo fitu uluno, maꞌanano o malaꞌekatindo kofitu tombudo umati; kaengkohaꞌano kantalea fitu peleno, maꞌanano wutondomo umati fitu tombuno.”

Powoha 11:19

Tanotilengkamo dua Lambuno Lahataꞌala te surugaa, notiwohamo dua sohongano podhandiꞌa weo Lambuno Lahataꞌala naꞌa. Gahaꞌa wakutuu aitu dua nokobhibhito, nokopisibhela, nokoguntu, nokoluali, bhe nosampu use ngkobhatu nobhie sepaliꞌa.

Powoha 12:3

Tanotiwohamo dua tanda timenteꞌaono sigaoꞌano te lani: seꞌulu naga bhalano nodea lalo moꞌito, fotuno fitu pongke, tanduno ompulu pele, te wawono fotuno nandoo songkono omputo fitu woka.

Powoha 15:1

Pada aitu awohamo dua tanda bhalano timenteꞌaono te lani nobhibhiisa sepaliꞌa: dopipitu malaꞌekati deowa fitu honda balaa kapuliaono, kafetompainomo amahano Lahataꞌala.

Powoha 21:14

Sandino benteno kota amaitu ompulu haa poi kontu bhalano, te wawono notibuhi neando koompulu hoduando rasuluno Anano Dhumba.

Powoha 21:23

Kota amaitu miina naefaraluua wula bhe oleo so mekantaleaꞌe, kapaꞌamo nofekantaleaꞌe kakalabhiano Lahataꞌala, Anano Dhumba nembalimo kantaleano.