Powoha 11:19 - Muna Southern Dialect

¹⁹ Tanotilengkamo dua Lambuno Lahataꞌala te surugaa, notiwohamo dua sohongano podhandiꞌa weo Lambuno Lahataꞌala naꞌa. Gahaꞌa wakutuu aitu dua nokobhibhito, nokopisibhela, nokoguntu, nokoluali, bhe nosampu use ngkobhatu nobhie sepaliꞌa.

Powoha 11:19 Iomraidhean Croise

Powoha 11:13

Wakutuu aitu dua tambaꞌomo nandoo luali bhalano, sekaompulu dawuꞌa kota nosansamo. Dofitu hewu mateno mbaꞌinomo luali anaꞌa; mie sigaoꞌano doteꞌi sepaliꞌa sampe dofekakalabhia Lahataꞌala te surugaa.

Powoha 11:15

Pada aitu malaꞌekati kapipituno nobusomo duhuleleno maka notifetingkemo suaha-suaha mohaaꞌi sepaliꞌa weo surugaa, ambado, “Kuasa kafopahintaꞌano dhunia nointahaemo Ompuntoomu bhe Mesias Omputo Fosalamatino, Anoa namahinta nada omputo ampa suhue dhamani.”

Powoha 12:1

Tanotiwohamo tanda bhalano timenteꞌaono te lani: seemie hobhine, pakeano o oleo, o wula we pandano aꞌeno, ne fotuno nefokana songkono omputo nomaiꞌao ne ompulu haa ulu kulipopo.

Powoha 16:1

Afetingkemo dua suaha mohaaꞌi nomaiꞌao weo Boloku Mongkilo nopugau ne malaꞌekati pipituno naꞌa ambano, “Kalaomu maka sungkaeꞌomu kofitu wokaꞌae mangkono amahano Lahataꞌala itu we dhunia!”

Powoha 16:18

Tanokosilakamo dua bhibhito, pisibhela bhe guntu, tanonandoomo dua lualino wite mobhibhiisano. Luali medando anaꞌa miinaꞌo sepaliꞌa nakumadhadhia mpini pakanandoono manusia ne dhunia. Pedamo naꞌa kabhibhiisano luali amaitu.

Powoha 16:21

Nondawumo use ngkobhatu nomaiꞌao te lani notabuhiki manusia; use ngkobhatu naꞌa pedaꞌidamo kontu sepoi-sepoi kabhieno napelima fulu kilo. Manusia dobhatataꞌiao Lahataꞌala hampano balaano use ngkobhatu amaitu notolau kabhibhiisano.

Powoha 19:11

Pada aitu awohamo surugaa notilengka, maka nandoo seꞌulu adhaha kapute. Mie sumawikie dokonae “Mie Tiparasaeano bhe Banarano”. Anoa noꞌadhili nofobhotusi bhe nopopahisa.

Powoha 4:1

Palusi anaꞌa akopowohamo toha. Nandoo fointo te surugaa notilengka. Suaha nefetingkeku kabhao-bhaono, mugauno ne idi pasae ndiino duhulele bhalano, nopugaumo toha ambano, “Foni te ini, amosusuangko so tetewei kumadhadhiaꞌano mada kaowu.”

Powoha 4:5

Nomaiꞌao ne kaengkohaꞌa kumalabhiano naꞌa nokosilakamo bhibhito, pisibhela bhe guntu. Ne wiseno kaengkohaꞌa naꞌa nandoo fitu pele kaꞌula bhalano hende-hendeꞌano, andoamo maitu kofitu bansaꞌae Rohino Lahataꞌala.

Powoha 7:15

Dadiꞌanomo deehe-ehemo ne wiseno kaengkohaꞌa kumalabhiano Lahataꞌala bhe dofeompu ne Anoa mentae mohondo weo Lambuno Lahataꞌala. Mengkohano te kaengkohaꞌa kumalabhiano naꞌa napobhaianda bhe nakumaolumida.

Powoha 8:5

Pada aitu malaꞌekati naꞌa noalamo kaenteiꞌano dupa, nofosingiꞌiane efi maiꞌao ne medha kaetunuꞌa dupa naꞌa maka noꞌohoe we dhunia. Lasao nokonduuha guntu, nokopisibhela, nokobhibhito noangkafie lualino wite.

Powoha 8:7

Malaꞌekati kabhao-bhaono nobuso duhuleleno maka nosampumo use ngkobhatu, oefi noposalo bhe hea, kosasawiꞌae naꞌa doꞌohoe we dhunia. Sekatolu dawuꞌa dhunia notitawu, pedamo dua itu sekatolu dawuꞌa sabhaha puꞌuno sau nongampu, bhe sabhaha kahoku moꞌuhino nopuli notihampuni.