Powoha 10:5 - Muna Southern Dialect

⁵ Pada anaꞌa malaꞌekati newohaku neehe-ehe we teꞌi bhe we wite naꞌa notaohaomo limano te lani.

Powoha 10:5 Iomraidhean Croise

Tula-tulando rasulu 14:15

“Alee, noafa habuꞌaoꞌomu giu aitu? Insaodi ini ingka mie melaa, kabeanga dua hintimiu! Kahatoꞌa mani ne ini tamohatoangkoomu Bhihita Metaa so humunsaꞌaoꞌomu giu tapa kofahalaaꞌano ini, neanomo dumolimoomu bhe marasaeamoomu ne Lahataꞌala dumadino. Anoamo mokonandoono o lani, o dhunia, o teꞌi bhe kosasawiꞌae iꞌino.

Tula-tulando rasulu 17:23

Kapaꞌamo kaomponano aliligi kotamiu ini bhe afoti-fotinda nesombaimiu, taꞌawohamo dua medha kontu kaetunuꞌa kapopanga bhe kabuhino. Kabuhino peda aini, ‘So ompu tapa tipandeꞌaono.’ Nesombaimiu ini mahingga miinaꞌo mandeꞌaaneomua, Anoamo itu so nefohatoꞌaoku inia.

Roma 1:20

Mpini pakatifokonandoono dhunia, o manusia dolosangiemo mpuu putae Anoamo kotu-kotuꞌu Lahataꞌala Kaseemie-mieꞌano bhe kuasano miina nakotompaa suhue dhamani. Sifatino Lahataꞌala ini miina natiwohaa, tamaka notipandeꞌaomo ne sabhaha nefokonandoono. Dadiꞌanomo manusia miina dakotingkua damokantibha wutondo.

Ibrani 6:13

Kapaꞌamo wakutuuno Lahataꞌala nopodhandi bhe Abraham, nofemata tetewei nadhumalangie. Nofemata nosambili Wutono, hampano ingka miina bhe lumiuno Lahataꞌala.

Powoha 1:18

Idimo dumadino, padamo amate, tamaka ondo kanau itu, ingka adadimo ampa suhue dhamani. Idimo mintahano kunsino mate bhe dhuniano mate.

Powoha 10:2

Ne limano neinta-intaha kaluluno kitabi mohobu padamo dolengkae. Aꞌeno suanano nofofindae we teꞌi, aꞌeno kemano nofofindae we wite.

Powoha 14:7

Anoa nokei nofekahaa-haaꞌi ambano, “Moteꞌiomu ne Lahataꞌala! Fekakalabhiaꞌomu neano! Kapaꞌamo nohatomo tempono kafobhotusiꞌano. Taohao sombamiu ne Mokonandoono lani bhe dhunia, teꞌi bhe sabhaha matano oe.”

Powoha 16:17

Palusi aitu malaꞌekati kapipituno nosungkamo mangkono te antara. Gahaꞌa tanotifetingkemo suaha nomaiꞌao ne kaengkohaꞌa kumalabhiano weo Boloku Mongkilo, nohaaꞌi sepaliꞌa ambano, “Nopalusimo!”

Powoha 4:11

“Ompu bhe Lahataꞌala mani, Hintu nopantasi tumahima sabhaha kapudhi, kafosibhala bhe kuasa, kapaꞌamo Hintumo mokonandoono sabhaha ndumandooꞌano; kosasawiꞌae maitu donandoo bhe dofokonandooda hampano kapoindalomu.”

Powoha 4:9

Taenomo mahaluku maitu defoampe lagu kapudhi, kafosibhala bhe katumpuno lalo ne Mengkohano te wawono kaengkohaꞌa kumalabhiano, dumadino ampa suhue dhamani naꞌa,