Powoha 1:6 - Muna Southern Dialect

⁶ Anoamo humabu kaita mbali bansano liwundo omputo bhe imamu meompuno ne Lahataꞌala Amano. Somo Anoa kakalabhia bhe kuasa suhue dhamani. Amin.

Powoha 1:6 Iomraidhean Croise

Matius 6:13

Koise folapasa kainsami weo kasoba, tamaka dhagani kainsami ne kuasa modai. [Kapaꞌamo Hintumo mahintano, kokuasano bhe kumalabhiano ampa suhue dhamani. Amin.]’

Yohanes 5:23

neanomo sabhaha mie damosibhala Anano napototo bhe Amano. Sasuka tapa mosibhalano Anano, anoa miina dua namosibhala Amano tumuduno Anano.

Roma 11:36

Kapaꞌamo bhahi-bhahiꞌae nomaiꞌao ne Anoa, nonandoo hampano Anoa, bhe nasumuli dua ne Anoa. Notifosibhala mpuu Lahataꞌala ampa suhue dhamani! Amin.

Roma 15:6

Ane nada naꞌa, ingka sekakolalomoomu membaliomu sesuaha mefoampeomu kapudhi ne Lahataꞌala, Amano Ompuntoomu Yesus Kristus.

Filipi 2:11

Kosasawindo naꞌa daꞌumakui putae Yesus Kristus maitu o Ompu, somo kakalabhiano Lahataꞌala Amantoomu.

1 Timotius 6:16

Anoamo Kaseemie-mieꞌano tapa nekuasaino mate, neate weo tilanga tapa tiꞌowatiꞌano. Bhe naseemie manusia miina bhe mohaea, daanumo pae bhe kapooli damohaea. Ne Anoamo kafosibhala bhe kuasa suhue dhamani! Amin.

Ibrani 13:21

Sio-siomo Lahataꞌala kamaiꞌaoꞌano katohopono dadi, namosangkaangkoomu sabhaha metaaꞌano so dhumalangiꞌaoꞌomu kapoindalono. Sio-siomo dua weo dadintoomu Lahataꞌala naehabu podiu mekaꞌiano lalono, namangka ne Yesus Kristus. Notifekakalabhia Kristus ampa suhue dhamani. Amin.

1 Petrus 4:11

Ane seemie neowa kafoinaꞌu, naetaa napugau kanggetumo wambano wutono Lahataꞌala. Ane seemie nofoꞌondofao, naetaa namake kaꞌosa newaꞌaono Lahataꞌala, neanomo ne sabhaha nehabumiu Lahataꞌala damekakalabhiaꞌe namangka ne Yesus Kristus. Ingka Anoamo kokalabhiano bhe kokuasano ampa suhue dhamani. Amin.

1 Petrus 5:11

Anoamo kokuasano suhue dhamani! Amin.

2 Petrus 3:18

Naetaa mpuu modhuluomu kabhala bhe kamatangkamiu weo kanini kaasino Yesus Kristus, Ompu bhe Fosalamatino, bhe nasedhuluꞌa dua mandeꞌaaneomu. Nopantasi mpuu damosibhalae haꞌoleo ini ampa suhue dhamani! Amin.

Yudas 1:25

Anoamo Kaseemie-mieꞌano, Mosalamati kaitaomu noangka ne Yesus Kristus Ompuntoomu. Somo Anoa sabhaha kakalabhia, kafosibhala, kaꞌosa bhe kuasa notanda wawono, aitu bhe ampa suhue dhamani. Amin.

Powoha 1:9

Idi, Yohanes o bhahitiemiu; peda hintimiu aenamisi dua kasabha, aeala dua dawu weo Kafopahintaꞌano Lahataꞌala bhe akosabaha dua apotaami aantagi kahatoꞌano Yesus. Idi doꞌoho kanau ne liwutono Patmos, hampano aefolele bhoasaono Lahataꞌala bhe kafohatono Yesus.

Powoha 20:6

Dokodawua bhe dongkilo mpuu meꞌawano kadawu ne kawanuꞌando mie mate kabhao-bhaono naꞌa. O mate kahaa pakuno paemo nakokuasa ne andoa, tamaka daembali imamuno Lahataꞌala bhe Kristus, bhe damahinta nada omputo nasehewu taꞌu kaomponano.

Powoha 4:11

“Ompu bhe Lahataꞌala mani, Hintu nopantasi tumahima sabhaha kapudhi, kafosibhala bhe kuasa, kapaꞌamo Hintumo mokonandoono sabhaha ndumandooꞌano; kosasawiꞌae maitu donandoo bhe dofokonandooda hampano kapoindalomu.”

Powoha 5:10

Hintu padamo habuda mbali bansano liwundo omputo bhe imamu meompuno ne Lahataꞌalantoomu, maka damahinta nada omputo te dhunia.”