Powoha 1:5 - Muna Southern Dialect

⁵ bhe nomaiꞌao dua ne Yesus Kristus, sakusii tiparasaeano, kabhao-bhaono manuno maiꞌao ne mate bhe kokuasano ne sabhaha omputo ne dhunia ini. Yesusmo ini moasi kaitaomu bhe noangka ne tuhuno heano padamo nofolapa kaita maiꞌao ne dhosa.

Powoha 1:5 Iomraidhean Croise

Matius 20:28

Kapaꞌamo wutono Anano Manusia - Idimo ini - nomai pae naefeꞌondofaoa tamaka nafoꞌondofao bhe nafowaꞌao inawano so katolosindo mie bhahi.”

Matius 28:18

Yesus nomaꞌotidamo bhe nopugau ambano, “Sabhaha kuasa te surugaa bhe we dhunia ini nowaꞌa kanaꞌe Amaku.

Yohanes 13:1

Tana seꞌoleo hohaeaꞌano Paska. Yesus nopandeꞌaanemo nohatomo tempono nahumunsa dhunia ini nasumuli te Amano. Anoa noasiꞌao mie mangkafie te dhunia ini, sadaa-daa noasianda ampa we kapuliaono.

Yohanes 13:34

Awaꞌangkoomu pahinta buꞌou: pomoa-moasiꞌaoꞌomu. Tapedamo Idi aoasiangkoomu, nadamo dua anaꞌa hintimiu pomoa-moasiꞌaoꞌomu.

Yohanes 15:9

“Amaku noasi kanau, Idi aoasiangkoomu dua. Meateomu weo kanini kaasiku ini.

Yohanes 18:37

Ambano dua Pilatus, “Gahaꞌa nokotuꞌu hintu ini omputo?” Ambano Yesus, “Ingka ambamu hintu Idi ini omputo. Patudhuno kalenteꞌaku bhe kahatoꞌaku ne dhunia ini, asumakusiiꞌao kabanara. Sasuka mie tumaino ne kabanara, nametingke suahaku.”

Yohanes 3:11

Amohatoko, kotu-kotuꞌu insaodi tapugauꞌao kaowu nepandeꞌao mani, bhe tasakusiiꞌao kaowu newoha mani, tamaka hintimiu miina tumahimaeꞌomua.

Yohanes 3:16

Hampano kabhalano kanini kaasino Lahataꞌala ne dhunia ini, sampe nofowaꞌaomo Anano Kaenseemie, neanomo sasuka marasaeano ne Anoa pae nabinasaa, tamaka naeꞌawa dadi suhue dhamani.

Yohanes 3:32

Anoa nosakusiiꞌao newohano bhe nefetingkeno tamaka bhe naseemie miina bhe tumahimano bhihitano nefosampeno.

Tula-tulando rasulu 20:28

Dadiꞌanomo dhagani wutomiu, dhaganieꞌomu umati marasaeano, peda dhagano dhumba noꞌondofao kadadi kakaneano. Kapaꞌamo hintimiumo nesangkeno Rohino Lahataꞌala membaliomu neangka so dhumaganino umatino Lahataꞌala. Umati andoa ini fehebuaꞌano Lahataꞌala, notolosianda heano Anano.

Tula-tulando rasulu 26:23

Bhihita anaꞌa peda ini: Mesias, Omputo Fosalamatino maitu, tetewei naenamisi kakadee-dee maka Anoamo so maꞌindulu manuno maiꞌao ne mate, pakade Anoamo dua so meowano tilanga fosalamatino, naetaa ne miendo Yahudi, naetaa ne bansano liwu sigaoꞌano.”

Roma 3:25

Lahataꞌala padamo nofotantue putae Yesus nembali kapopanga mosalino amahano Lahataꞌala, noangka ne tuhuno heano. Kapometaa naꞌa datumahimae ane damarasaea ne Yesus. Aini nohabue Lahataꞌala so notiwohaꞌao kaꞌadhilino, kapaꞌamo padamo nosabahakie sabhaha dhosando manusia endefiꞌini, patamo katihukumuꞌando.

Roma 8:37

Mahinggamo peda anaꞌa, weo sabhaha kasabha maitu intaodiomu deꞌawaomu kafotalo mangaliuno, noangka ne Anoa moasi kaita.

1 Korintus 6:11

Ingka seemie hodua ne hintimiu dohabu dua peda anaꞌa endefiꞌini, tamaka ampa aitu padamo dofekanggelaꞌikoomu, padamo dofekangkilokoomu, padamo dua dopometaaꞌangkoomu bhe Lahataꞌala, noangka ne Ompu Yesus Kristus bhe Rohino Lahataꞌalantoomu.

Galatia 2:20

Tamaka ampa aitu adadimo. Ampamo kaowu suanomo dadiku wutokua, tamaka Kristus dumadino we laloku ini. Dadi nedambaꞌaoku ini, ingka o dadi weo kaparasaea ne Anano Lahataꞌala. Anoa noasi kanaumo sampe nofotawakala wutono dopongkoe so idi.

Efesus 2:4

Tamaka kapontalabhi-labhino maka rahamatino Lahataꞌala! Hampano kabhalano kanini kaasino ne intaodiomu,

Efesus 5:2

Dadimiu tabeano nakumabhintie kanini kaasi, peda wutono Kristus nofomoasiꞌao. Nofotawakalamo Wutono so intaodiomu sampe dopongkoe. Anoa nembali kapopanga mowondu nefoampe ne Lahataꞌala, mekaꞌianomo lalono Lahataꞌala.

Kolose 1:18

Anoamo mefotuꞌaono mbadha, maꞌanano umati marasaeano. Anoamo kabhao-bhaono manuno maiꞌao ne mate, neanomo nofewawomo ne bhahi-bhahiꞌae ndumandoono.

1 Timotius 6:13

Aitu, ne wiseno Lahataꞌala maꞌaono dadi ne sabhaha ndumandoono, ne wiseno dua Kristus Yesus mada sumakusiiꞌaono kabanara ne Pontius Pilatus, aefeꞌulaiangko:

1 Timotius 6:15

Kahatoꞌano naꞌa nakoꞌula ne tempo toka nefotantuno wutono Lahataꞌala. Anoamo Kaseemie-mieꞌano kokuasano, foliuno kakalabhia, kolakindomo sabhaha kolaki, kafeompuꞌandomo sabhaha kafeompuꞌa.

Ibrani 10:29

Ane peda anaꞌa, nada amai bhahaa kolauno mie minda-mindaꞌino Anano Lahataꞌala, mabhino heano podhandiꞌa o giu mohaku tapa kofahalaano? Gahaꞌaitumo hampano tuhuno heano naꞌa dhosano nonggelamo. Pakade nofekandidiki dua Rohino Lahataꞌala fowaꞌaono rahamati. Ingka kahukumu so neꞌawano mie medano naꞌa sedhuluꞌa kabhieno!

Ibrani 9:14

bhemo toha heano Kristus! Weo kuasano Rohino Lahataꞌala dumadino suhue dhamani, Kristus nofoampe Wutono mbali kapopanga pata kodengono ne Lahataꞌala. Dadiꞌanomo heano tetewei namekangkilo totono lalontoomu maiꞌao ne sabhaha podiu meowano mate, neanomo naembali dameompuomu ne Lahataꞌala dumadino.

1 Petrus 1:19

tamaka fofoliuꞌano kaꞌali, tuhuno heano wutono Kristus. Anoa nembalimo peda dhumba nesumbele tapa kodengo bhe tapa kosakino.

1 Yohanes 1:7

Tamaka ane dodadiomu ne mentaleaꞌano peda Anoa dumadino weo tilanga, ingka doseꞌisemoomu bhe mie bhaintoomu, maka heano Yesus, Anano Lahataꞌala, nofekanggela kaitaomu maiꞌao ne sabhaha dhosa.

1 Yohanes 4:10

Suano intaodiomu maꞌinduluno moasiꞌaono Lahataꞌala, tamaka Anoa fomoasiꞌaono sampe notudu Anano nembali kapopanga pometaaꞌaono manusia bhe Lahataꞌala, mosalinomo dhosantoomu. Ainiꞌaemo kanini kaasi sakotuꞌuno.

Powoha 11:15

Pada aitu malaꞌekati kapipituno nobusomo duhuleleno maka notifetingkemo suaha-suaha mohaaꞌi sepaliꞌa weo surugaa, ambado, “Kuasa kafopahintaꞌano dhunia nointahaemo Ompuntoomu bhe Mesias Omputo Fosalamatino, Anoa namahinta nada omputo ampa suhue dhamani.”

Powoha 11:3

Kaowu Idi amokuasamo dahodua sakusiiku dakosuaha nada anabii bhe daepake kadu ⸤ tandano kaguguhu⸥ nasehewu haa moꞌono nomo fulu oleo kaomponano.”

Powoha 17:14

Andoa dapopahisa bhe Anano Dhumba, tamaka Anano Dhumba natumaloda hampano Anoa Kafeompuꞌandomo sabhaha kafeompuꞌa bhe Omputo sabhaha omputo. Anano Dhumba naꞌa daposabhangkaane mie nesaliꞌino, nepilino bhe tiparasaeano.”

Powoha 19:11

Pada aitu awohamo surugaa notilengka, maka nandoo seꞌulu adhaha kapute. Mie sumawikie dokonae “Mie Tiparasaeano bhe Banarano”. Anoa noꞌadhili nofobhotusi bhe nopopahisa.

Powoha 19:16

Ne dhubano bhe ne faꞌano notibuhi nea peda aini, Omputo sabhaha omputo, Kafeompuꞌandomo sabhaha kafeompuꞌa.

Powoha 2:13

Apandeꞌaane ne amai kaeateꞌamu, ingka we kota kafopahintaꞌano Kafeompuꞌando seetani. Tamaka hintimiu sadaa-daa fintahakiomu kaparasaeamiu ne Idi, miina sumowoomua, mahinggamo we dhamanino Antipas sakusiiku tiparasaeano nepongkondo ne wisemiu, we kaeateꞌano Kafeompuꞌando seetani itu.

Powoha 3:14

“Buhie dua so malaꞌekatino umati we Laodikia: pedamo aini kaowili maiꞌaono ne koneaꞌano Amin, sakusii tiparasaeano bhe banarano, kamaiꞌaoꞌano sabhaha nefokonandoono Lahataꞌala.

Powoha 7:14

Ambaku, “Waompu, ingka hintumo mandeꞌaane!” Maka nopugau toha ambano, “Andoa ini mie lumimbano maiꞌao ne tempono kasabha bhalano, dhubando padamo dotofae ampa nopute weo heano Anano Dhumba.