Powoha 1:10 - Muna Southern Dialect

¹⁰ Ne oleono Ompu nokabhinti kanau Rohino Lahataꞌala maka nomaiꞌao we kundoku afetingke suaha nondii sepaliꞌa tapedamo duhulele bhalano.

Powoha 1:10 Iomraidhean Croise

Matius 22:43

Ambano Yesus, “Ane peda naꞌa noafa gahaꞌa Daud weo kuasano Rohino Lahataꞌala, nokona Omputo Fosalamatino maitu Ompuno? Ingka nopugau peda aini,

Yohanes 20:19

Nohondo kaowu oleo ne oleono Ahadhi naꞌa, anaguhuꞌino dopohompu-hompumo ne seꞌonu lambu. Fointono padae dokunsie hampano doteꞌi miendo Yahudi. Gahaꞌa tanosihatoꞌamo Yesus neehe-ehe ne wunta-wuntando bhe nopugau ambano, “Katohopono dadi so hintimiu!”

Yohanes 20:26

Nopalusi alu oleo anaguhuꞌino Yesus dopohompu-hompumo toha ne lambu anaꞌa, wakutuu anaꞌa bhe Tomas dua. Fointo dopadae dokunsie. Gahaꞌa tanosihatoꞌamo Yesus neehe-ehe ne wunta-wuntando bhe nopugau ambano, “Katohopono dadi so hintimiu!”

Tula-tulando rasulu 20:7

Ne alono Ahadhi tapohompu-hompumo tapoharoa. Paulus nopuga-pugaumo bhe bhahitieꞌi ne itu hampano patudhuno namentae nakumalamo toha. Puga-pugauno maitu tanofewuntaꞌi alo.

1 Korintus 12:3

Dadiꞌanomo naetaa amohatokoomu putae o manusia neatono Rohino Lahataꞌala paise bhe kapoolia nabhatataꞌiao Yesus. Pedamo dua aitu miina bhe manusia so pugauno putae Yesus maitu o Ompu ane pae namatoe Rohino Lahataꞌala.

1 Korintus 16:2

Seꞌo-seꞌoleono Ahadhi, seemie-seemie naegaati dhoi seendai, naposahataa bhe hasilino. Dhoi anaꞌa hunsaeꞌomu, neanomo humato amai tokamo natifoꞌonu.

Powoha 17:3

Pada anaꞌa nokabhinti kanaumo Rohino Lahataꞌala maka nowowoꞌo kanau we pandaso bhalano. Ne itu awohamo seemie hobhine nengkoha-ngkoha te wawono seꞌulu kadadi, waranaano o kadea lalo moꞌito. Uluno kadadi anaꞌa noponoꞌao nea mekaꞌaebuno Lahataꞌala; fotuno fitu pongke, tanduno ompulu pele.

Powoha 21:10

Pada anaꞌa nokabhinti kanau Rohino Lahataꞌala maka malaꞌekati maitu noowa kanau te wawono kabhawo bhalano bhe melangkeno. Ne itu nofotiwoha kanaumo kota mongkilo, kotano Yerusalem, sumampuꞌano maiꞌao te surugaa, maiꞌaono ne Lahataꞌala.