Powoha 1:1 - Muna Southern Dialect

¹ Kitabi aini nokowambaꞌao kafohatono Yesus Kristus nopulaoꞌao so kumadhadhiaꞌano namada kaowu. Kafohato aini nowaꞌane Lahataꞌala namotiwohae ne palima-limaꞌino Lahataꞌala o ae so tetewei kumadhadhiaꞌano mehimba. Kristus netudu malaꞌekatino ne Yohanes, o palima-limano, namosampeane sabhaha kadhadhia anaꞌa.

Powoha 1:1 Iomraidhean Croise

Yohanes 12:49

Kapaꞌamo wambaku ini miina namaiꞌao ne Wutokua, tamaka nomaiꞌao ne Amaku. Amaku tumudu kanau, Anoamo mahintangi kanau bhe nofohato kanau o ae so nepugauꞌaoku bhe so nefosampeku.

Yohanes 15:15

Miinamo akumonakoomu bhatua, kapaꞌamo seemie bhatua miina namandeꞌaane nehabuno kafeompuꞌano. Tamaka akonakoomu sabhangka, hampano padamo afohatoangkoeꞌomu sabhaha nefetingkeku ne Amaku.

Yohanes 17:8

Kapaꞌamo sabhaha wamba kawaꞌaomu ne Idi padamo afosampeandae bhe dotahimae. Aitu kotu-kotuꞌu dopandeꞌaanemo Idi ini amaiꞌao ne Hintu, doparasaeamo dua Hintumo tumudu kanau.

Yohanes 3:32

Anoa nosakusiiꞌao newohano bhe nefetingkeno tamaka bhe naseemie miina bhe tumahimano bhihitano nefosampeno.

Yohanes 8:26

Nandoo nobhahi so nepugauꞌaoku, nobhahi dua kaꞌalamiu so nebhotusiku, tamaka Tumudu kanau nobanara. Ampa nefetingkeku ne Anoa, anaꞌamo nefohatoꞌaoku ne dhunia.”

Roma 16:25

Notifekakalabhia mpuu Lahataꞌala! Anoamo kokuasano namekatangka kaparasaeamiu, naposahataa bhe Bhihita Metaa nefoleleku, bhihitano Yesus Kristus. Bhihita anaꞌa ingka o bhihitano patudhuno Lahataꞌala tifebuniꞌano ntini moꞌo-moꞌonono taꞌu.

Galatia 1:12

Kapaꞌamo Bhihita aini miina atumahimae ne manusia, suano dua manusia moguhu kanaꞌe, tamaka iꞌino Bhihita Metaa ini atahimae ne wutono Yesus Kristus. Anoamo motiumba kanaꞌe.

Efesus 3:3

Lahataꞌala nofekantaleaꞌi kanaꞌe rahasiano patudhuno, ingka padamo abuhiangkoeꞌomu, mahinggamo seendai kaowu.

Titus 1:1

Titus anaku, suha aini nomaiꞌao ne idi Paulus, palima-limano Lahataꞌala bhe rasuluno Yesus Kristus. Idi ini dopili bhe dotudu kanau amekamatangka kaparasaeando mie nepilino Lahataꞌala, bhe tetewei dua atumulumida dalumosangi kafoinaꞌu banara posahataano bhe kafoinaꞌuno agamantoomu.

Powoha 1:19

Dadiꞌanomo buhie newohamu ini, naetaa kumadhadhiaꞌano aitu naetaa so kumadhadhiaꞌano mada kaowu.

Powoha 1:9

Idi, Yohanes o bhahitiemiu; peda hintimiu aenamisi dua kasabha, aeala dua dawu weo Kafopahintaꞌano Lahataꞌala bhe akosabaha dua apotaami aantagi kahatoꞌano Yesus. Idi doꞌoho kanau ne liwutono Patmos, hampano aefolele bhoasaono Lahataꞌala bhe kafohatono Yesus.

Powoha 17:1

Pada anaꞌa nomaimo seemie maiꞌao ne malaꞌekati pipituno meowano fitu woka mangko maitu bhe nopugau ne idi ambano, “Mai se ini, amotiwohaangko kahukumu so karambole tiende-endeno mengkohano ne tombuno koꞌoeꞌano.

Powoha 19:10

Idi lasao aefodapa ne aꞌeno ataohao sombaku tamaka tanopugau ambano, “Koise nada itua! Idi ini palima-lima dua nopototo bhe hintu bhe bhahitieꞌimu marasaeano mintahakino kafohatono Yesus. Taohao sombamu ne Lahataꞌala, kapaꞌamo o Rohi mekabhintino mie sampe dokosuaha peda anabii, nomaiꞌao ne kafohatono Yesus.”

Powoha 19:9

Pada aitu nopugaumo ⸤ malaꞌekati naꞌa⸥ ne idi, “Buhie nada ini: dokodawua mpuu mie tibhasino ne kagaano Anano Dhumba.” Ambano dua, “Wamba aini nokotuꞌu, sanea bhoasaono Lahataꞌala.”

Powoha 21:2

Awohamo dua kota mongkilo, Yerusalem buꞌou, nosampu nomaiꞌao te surugaa, nomaiꞌao ne Lahataꞌala. Kota amaitu padamo dolegasie pasae loꞌia buꞌou hobhine napoꞌawaꞌao moꞌaneno.

Powoha 21:9

Nomaimo seemie malaꞌekati nomaiꞌao ne malaꞌekati pipituno maitu. Malaꞌekati andoa ini meintahanomo mangko fitu wokano moponoꞌaono fitu honda balaa kafetompaino. Anoa nopugau ne idi ambano, “Mai se ini, amotiwohaangko loꞌia buꞌou, hobhineno Anano Dhumba.”

Powoha 22:1

Pada anaꞌa malaꞌekati amaitu nofosusu kanaumo umeleno oe meowano dadi. Umele maitu nomoinda tapedamo kristal, nomawa nomaiꞌao ne kaengkohaꞌano kumalabhiano Lahataꞌala bhe Anano Dhumba,

Powoha 22:16

Idi Yesus, padamo atudu malaꞌekatiku ne hintimiu namohatoangkoomu kaowili aini so tombu-tombudo umati marasaeano. Idi ini tunasi bhalano omputo Daud, Kowine mentaleano.”

Powoha 22:6

Pada anaꞌa nopugaumo malaꞌekati amaitu ambano, “Sabhaha bhoasao aini notiparasaea bhe nobanara. Ompu Lahataꞌala maꞌaono Rohino ne ana-anabii, notudumo malaꞌekatino namotiwoha ne palima-limaꞌino o ae tetewei so kumadhadhiaꞌano mehimba.”

Powoha 22:8

Idi, Yohanes, metingkeno bhe mohano kosasawiꞌae ini. Pada afetingke bhe awohae kosasawiꞌae ini, aefodapa ne aꞌeno ataohao sombaku ne malaꞌekati mada motiwoha kanau kosasawiꞌae maitu.

Powoha 22:9

Tamaka anoa tanopugau ambano, “Koise nada itua! Idi ini palima-lima dua, nopototo bhe hintu bhe bhahitieꞌimu membalino ana-anabii bhe kosasawindo mie mangkafino sabhaha wambano kitabi aini. Taohao sombamu ne Lahataꞌala!”

Powoha 4:1

Palusi anaꞌa akopowohamo toha. Nandoo fointo te surugaa notilengka. Suaha nefetingkeku kabhao-bhaono, mugauno ne idi pasae ndiino duhulele bhalano, nopugaumo toha ambano, “Foni te ini, amosusuangko so tetewei kumadhadhiaꞌano mada kaowu.”

Powoha 5:7

Pada anaꞌa nodhulumo Anano Dhumba maitu maka notahima kaluluno kitabi aitu maiꞌao ne suanano Mengkohano ne kaengkohaꞌa kumalabhiano.