Matius 9:37 - Muna Southern Dialect

³⁷ Nopugaumo Yesus ne anaguhuꞌino ambano, “Pehapi so netobhe nobhahi, tamaka kumahadhaano dendai.

Matius 9:37 Iomraidhean Croise

Matius 20:1

“Kafopahintaꞌano Lahataꞌala tapedamo seemie kafeompuꞌa, nandoo samentaeno nokalamo neꞌondofi so kumahadhaano te kaampono angguruno.

Matius 28:19

Dadiꞌanomo kalaomu, owadaomu sabhaha bansano liwu daembali anaguhuꞌiku. Kadiudaomu, weo neano Ama bhe Ana bhe Rohino Lahataꞌala.

Matius 9:38

Dadiꞌanomo mesaloomu ne kokaampono naꞌa, naetudu mie dakumala datumobhe.”

Markus 16:15

Pada aitu Yesus nofohatodamo ambano, “Kalaomu ne amai liwu ne dhunia ini maka foleleomu Bhihita Metaa ne kosasawindo manusia!

Lukas 10:2

Nopugaumo ambano, “Pehapi so netobhe daanumo nobhahi, tamaka kumahadhaano dendai. Dadiꞌanomo mesaloomu ne kokaampono naꞌa, naetudu mie dakumala datumobhe.

Lukas 24:47

Nandoo dua notibuhi: weo neano Omputo Fosalamatino daefolele bhihita ne sabhaha bansano liwu putae dametompaꞌao dhosando maka Lahataꞌala naꞌumamponida. Bhihita anaꞌa damolelee natumanda we Yerusalem.

Tula-tulando rasulu 16:9

Nohondo oleo Paulus nokopowohamo. Weo powohano nandoo seemie maiꞌaono we Makedonia neehe-ehe ne itu bhe nesalo ne anoa ambano, “Limbamo we sewetano ini, tulumi kainsami.”

Tula-tulando rasulu 18:10

O idi apobhaiangko kansuhu, pae bhe so dumingkukoa tawa modee-deekoa hampano dobhahi umatiku weo kota aini.”

1 Korintus 3:9

Kapaꞌamo insaodi ini taposabha-sabhangka weo kahadhaa so Lahataꞌala, hintimiu itu tapedamo kaampono Lahataꞌala, tapedamo dua lambu so Lahataꞌala.

2 Korintus 6:1

Peda mie kumahadhaano bhe Lahataꞌala, taesalo mpuu koise fosia-siaꞌeomua rahamatino Lahataꞌala toka netahimamiu.

Kolose 4:11

Kapakatuno dua salam maiꞌao ne Yesus nekonando dua Yustus. Kabhahindo miendo Yahudi marasaeano ne Ompu Yesus, ampamo andoa totoluno pobhai kanau takahadhaa so Kafopahintaꞌano Lahataꞌala. Andoa ini dolawesi mpuu laloku.

1 Timotius 5:17

Neangkando umati kumahadhaa metaano, nopantasi naetahima kafosibhala bhe ponambo metaa, mangke-mangkemo andoa umuleino lalondo defosampe bhoasaono Ompu bhe dofofoinaꞌu.

Yakobus 5:4

Fetingkeomu itu fedeendo mie kumahadhaano te kaampomiu; kafedeeꞌando ingka miina maꞌandaomu ponambodo. Katondalando mie mehompuangkoomu pehapi naꞌa nofetingkeemo dua Ompu Kokuasano ne alamu bhalano ini.