Matius 9:35 - Muna Southern Dialect

³⁵ Pedamo aitu, Yesus noliligi kota bhe liwu ne itu, nofofoinaꞌu weo lambu kasambaheaꞌa bhe nefolele Bhihita Metaano Kafopahintaꞌano Lahataꞌala, poowa nefekasali sabhaha saki bhe kadaino namisi.

Matius 9:35 Iomraidhean Croise

Matius 10:1

Yesus nebhasi anaguhuꞌino doompulu hodua maka nowaꞌanda kuasa daefolimba seetani, daefekasali sabhaha saki bhe kadaino namisi.

Matius 11:1

Nopalusi nofohato anaguhuꞌino ompulu hoduano naꞌa, Yesus nohunsamo liwu aitu maka nokala nofofoinaꞌu bhe nefolele Bhihita Metaa ne liwu-liwu momaꞌoꞌano ne itu.

Matius 11:5

Kabunto suli dofowoha, mie kalu dekala-kala, kokuli modaino donggela, kapongke dofofetingke, mie mate suli dodadi bhe mie ngkumaasi-asi defebhihitaianda Bhihita Metaa.

Markus 1:14

Notitohongku kaowu Yohanes, Yesus nokalamo we Galilea. Nefolele Bhihita Metaa maiꞌaono ne Lahataꞌala.

Markus 6:56

Ne amai maka dua kakalaꞌano, ne kota, ne liwu bhalano bhahaꞌi ne liwu mohobu, sadhia deowaꞌiane mie mosaki. Mie mosakino maitu tadofondoledamo we kadeteno daoa maka desalo dadumingkue, mahingga wiwino dhubano kaowu. Kosasawindo dumingkuno Yesus lasao doꞌosa.

Lukas 13:22

Weo kala-kalano nohope we Yerusalem, Yesus nopontaala-alaꞌao kota bhe liwu poowa nofofoinaꞌu.

Tula-tulando rasulu 10:38

Pandeꞌaanemoomu dua Lahataꞌala nopili Yesus miendo Nasaret maitu maka nowaꞌane Rohino bhe kuasa. Anoa nolili nehabu metaaꞌano, nefekaꞌosa sabhaha mie nekuasaino Kafeompuꞌando seetani, mbaꞌinomo Lahataꞌala nopobhaiane.

Tula-tulando rasulu 2:22

Miendo Israel, fetingkeeꞌomu pugauku ini. Nepulaoꞌaoku naꞌa Yesus miendo Nasaret, seemie nesangkeno Lahataꞌala. Nosangkee Lahataꞌala ini notiwoha ne kuasa, giu timenteꞌaono bhe tanda tapa mentela nehabuno Lahataꞌala ne wunta-wuntamiu noangka ne limano Yesus ini. Kosasawiꞌae ini ingka pandeꞌaanemoomu.