Matius 9:13 - Muna Southern Dialect

¹³ Dadiꞌanomo kalamoomu, maꞌanakiomu wambano Kitabi aini, ⸤ Ambano Lahataꞌala⸥ ‘Kapoindaloku dopomobhela-bhelaꞌao lalo, suano kapopanga’, kapaꞌamo kahatoꞌaku miina aeꞌondofi mie mongkilo, tamaka mie kodhosa.”

Matius 9:13 Iomraidhean Croise

Matius 12:3

Tamaka Yesus tanotobhoosi ambano, “Miinaꞌo basaeꞌomua gahaꞌa nehabuno omputo Daud wakutuuno wutono bhe mangkafie doꞌahomo?

Matius 12:5

Bhahaa miina dua basaeꞌomua weo Kitabino Musa, ne oleono Sabat imamu kumahadhaano weo Lambuno Lahataꞌala ingka dekangkalaꞌi tubhono Sabat, tamaka miina dua dakokaꞌalaa?

Matius 12:7

Notibuhi weo Kitabi, ‘Kapoindaloku dopomobhela-bhelaꞌao lalo, suano kapopangaa.’ Ane kotu-kotuꞌu lumosangieꞌomu maꞌanano wamba aini, tetewei pae mefoꞌalaomu mie tapa kokaꞌala.

Matius 19:4

Ambano Yesus, “Miinaꞌo basaeꞌomua gahaꞌa putae mpini kabhao-bhaono Lahataꞌala mokonandoono manusia, nofokonandooda o hobhine bhe moꞌane?

Matius 21:42

Ambano Yesus, “Miinaꞌo basaeꞌomua gahaꞌa tibuhino weo Kitabino anabii peda aini, ‘Kontu neꞌohondo mefelambuno, gahaꞌa nembalimo sandi bhalano. Kapedaꞌano naꞌa hampano kuasano Ompu, wohaꞌano giu timenteꞌaono.’

Matius 3:2

ambano, “Fetompaꞌao dhosamiu, doliomu ne Lahataꞌala, kapaꞌamo Kafopahintaꞌano Lahataꞌala nomaꞌomo.”

Matius 3:8

Dadiꞌanomo fotiwohaeꞌomu ne podiumiu, ingka gahaꞌa fetompaanemoomu dhosamiu.

Matius 4:17

Notandamo ne naꞌa Yesus nofolelemo, “Fetompaaneomu dhosamiu, doliomu ne Lahataꞌala, kapaꞌamo Kafopahintaꞌano Lahataꞌala nomaꞌomo!”

Markus 12:26

Ane kawanuꞌando mie mate, ingka notibuhi weo Kitabino anabii Musa; miinaꞌo basaeꞌomua gahaꞌa? Ne itu notibuhi Lahataꞌala nopugau ne Musa nomaiꞌao ne sau kokihi humendeꞌano. Ambano, ‘Idimo ini Lahataꞌalano Abraham, Lahataꞌalano Ishak bhe Lahataꞌalano Yakub.’

Markus 12:33

Nokotuꞌu dua, daoasiane sampuu-mpuuno lalo, sampuu-mpuuno fekihi bhe sampuu-mpuuno kaꞌosa, pakade daoasianda mie bhainto peda kaasi ne wutonto. Naetaa damangkafi pahinta aini bhe daeowa sabhaha kapopanga nekantunu bhahaꞌi nesumbele so Lahataꞌala.”

Markus 2:17

Yesus nofetingkeda, maka nopugau ne andoa ambano, “Mie metaano namisi miina naefaraluu foagono, mpahinomo mie mosaki. Pedamo dua Idi, hatoku ini miina aeꞌondofi mie mongkilono, tamaka aeꞌondofi mie kodhosano.”

Lukas 10:26

Yesus notobhoosimo ambano, “O ae tibuhiꞌano weo Kitabino Musa? O ae nebasamu weo Kitabi naꞌa?”

Lukas 19:10

Kapaꞌamo Anano Manusia - Idimo ini - nomai naꞌumondofi bhe namosalamati mie kolilinono totono lalo.”

Lukas 24:47

Nandoo dua notibuhi: weo neano Omputo Fosalamatino daefolele bhihita ne sabhaha bansano liwu putae dametompaꞌao dhosando maka Lahataꞌala naꞌumamponida. Bhihita anaꞌa damolelee natumanda we Yerusalem.

Lukas 5:31

Tamaka Yesus tanotobhoosida ambano, “Suano mie metaano namisi mefaraluuno foagono, mpahinomo mie mosaki.

Lukas 5:32

Hatoku ini miina aeꞌondofi mie mongkilo, tamaka mie kodhosa neanomo dametompaꞌaomo podiu modaindo.”

Yohanes 10:34

Ambano Yesus, “Ingka notibuhi weo Kitabino Musa nefintahakimiu, ‘⸤ Nokobhoasaomo Lahataꞌala ne miendo Yahudi⸥ , ‘Hintimiu itu kalaha-lahataꞌala.’ ’

Tula-tulando rasulu 11:18

Dofetingke peda maitu miinamo dakodiua, tadopudhimo kakalabhiano Lahataꞌala. Ambado, “Ingka gahaꞌa mie suano Yahudi nowaꞌanda dua kadawu Lahataꞌala dametompaꞌao dhosando so dadumadiꞌao suhue dhamani!”

Tula-tulando rasulu 2:38

Ambano Petrus, “Fetompaaneomu dhosamiu maka mefekadiuꞌomu seemie-seemie weo neano Yesus Kristus, so natiꞌamponiꞌao dhosamiu. Mada aitu damaꞌangkoomu kawaꞌaono Rohino Lahataꞌala.

Tula-tulando rasulu 20:21

Namiendo Yahudi namiendo liwu sigaoꞌano sadhia afodhagada, bhahaꞌi kaowu dametompaꞌao dhosando, dadumoli ne Lahataꞌala bhe damarasaea ne Ompu Yesus Kristus.

Tula-tulando rasulu 3:19

Dadiꞌanomo dolimoomu ne Lahataꞌala, fetompaanemoomu dhosamiu, neanomo dhosamiu namekanggelaꞌiemo.

Tula-tulando rasulu 5:31

Anoamo nesangkeno Lahataꞌala bhe nowaꞌanemo kuasa mbali Neangka bhe Omputo Fosalamatino, neanomo miendo Israel dametompaꞌao diundo modaino, so notiꞌamponiꞌao dhosando.

2 Petrus 3:9

Ompu miina naepoluntu-luntua namekakoꞌula dhandino, mahingga nandoo mie kofekihino peda naꞌa. Tamaka nosabahakikoomu, kapaꞌamo nokiido bhe so binasano, gaono kosasawindo manusia dametompaꞌao dhosando bhe dadumoli ne Anoa.