Matius 9:11 - Muna Southern Dialect

¹¹ Dowoha peda naꞌa, miendo Farisi dopugaumo ne anaguhuꞌino ambado, “Noafa gahaꞌa gurumiu nohumaa nopombali-mbali bhe mealano sewa bhe mie kodhosa maitu?”

Matius 9:11 Iomraidhean Croise

Matius 11:19

Pada anaꞌa Anano Manusia - Idimo ini - nohato nohumaa nofohoꞌu, ambado mie, ‘Soba ondoomu, mie kumadau-dau bhe pande fohoꞌu, sabhangkando mealaꞌino sewa bhe mie kodhosa.’ Tamaka kakotimbangino Lahataꞌala notipandeꞌao kakotuꞌuno ne hasilino.”

Matius 5:46

Ane moasiꞌaoꞌomu kaowu mie moasiangkoomu, so dua ae Lahataꞌala namonambokoomu? Ingka mahingga mie mesalono sewa dohabu dua peda naꞌa.

Matius 9:10

Pada anaꞌa, tangasano Yesus nohumaa we lambuno Matius, dobhahi mealano sewa sigaoꞌano bhe mie kodhosa domaimo dua. Andoa ini dohumaa dopombali-mbali bhe Yesus bhe anaguhuꞌino.

Markus 2:16

Nandoo dua pande-pande Kitabi maiꞌaono ne kaomundo Farisi. Dowoha kaowu Yesus nopombali bhe mesaloꞌino sewa bhe kodhosaꞌino maitu, dofeenamo ne anaguhuꞌino ambado, “Peda ae gahaꞌa, ingka gurumiu nopombali bhe mie kodhosa maitu?”

Lukas 19:7

Tamaka kosasawindo mie mohano kadhadhia aitu tadokomuntuꞌa ambado, “Ingka nobutu ne lambuno mie kodhosa.”

Lukas 5:30

Miendo Farisi bhe pande-pande Kitabi dokamuntu-muntu ne anaguhuꞌino Yesus ambado, “Noafa gahaꞌa pombali-mbaliꞌaoꞌomu bhe mealaꞌino sewa bhe mie kodhosa maitu?”

Tula-tulando rasulu 11:3

Ambado, “Hintu ini pesua weo lambudo mie suano Yahudi tapa nesuna, pakade humaa pombali-mbali bhe andoa.”

Galatia 2:15

Insaodi ini miendo Yahudi, kapaꞌamo talente tamaiꞌao ne miendo Yahudi. Insaodi ini suano mie kodhosa maiꞌaono ne bansano liwu suano Yahudi.

Ibrani 5:2

Seemie Imamu Bhalano nembali nomalu-malusi mie tapa konipandeꞌaono bhe kolilinono fekihi, kapaꞌamo wutono nonale dua peda mie bhaindo.

2 Yohanes 1:10

Dadiꞌanomo ane bhe mie maino meowano kafoinaꞌu tapa nefoinaꞌuꞌaono Kristus, mie aitu koe tahimaeꞌomu weo lambumiu, koemo dua fendeꞌaaneomua.