Matius 7:23 - Muna Southern Dialect

²³ Ne naꞌamo dua amohatoda mentalea-mentalea, ‘Ingka miina sepaliꞌa amandeꞌaangkoomua! Gampiomu ne wiseku ini, hintimiu humabu modaino.’ ”

Matius 7:23 Iomraidhean Croise

Matius 25:12

Tamaka loꞌia buꞌou naꞌa tanopugau ambano, ‘Amohatokoomu, kotu-kotuꞌu miina amandeꞌaangkoomua.’

Matius 25:41

Pada anaꞌa napugaumo dua ne mie we kemano, ‘Gampiomu maiꞌao ne wiseku ini, hintimiu mie nekangkanaino balaa! Pesuaꞌomu weo efino narakaa tapa mopoopeono ampa suhue dhamani, toka nefontaa-ntaa so Kafeompuꞌando seetani bhe malaꞌekati sabhangkaꞌino.

Lukas 13:25

Nahumato kaowu kolambuno namehemo maka naꞌumonto fointono, hintimiu tameehe-ehemoomu we simbali, mekate-katengkiomu fointo bhe pugauꞌomu, ‘Waompu, lengka kainsami fointo!’ Tamaka anoa tanamugau ambano, ‘Miina amandeꞌaangkoomua maiꞌaoꞌomu ne amai.’

Lukas 13:27

Tamaka anoa tanamugau ambano, ‘Miina amandeꞌaangkoomu maiꞌaoꞌomu ne amai, gampiomu ne wiseku ini hintimiu humabu modaino!’

Yohanes 10:14

Idimo ini dhagano dhumba metaano lalo. Dhumbaku apandeꞌaanda, andoa dopandeꞌa kanau dua.

2 Timotius 2:19

Ampamo kaowu sandi bhalano nefongkohano Lahataꞌala nomatangka. Te wawono notibuhi bhoasao peda aini, “Ompu nopandeꞌaanda ndo laꞌae fehebuaꞌano”, pakade dua, “Sasuka sumambilino neano Ompu tabeano nahumunsa podiu modaino.”

Powoha 22:15

Tamaka sabhaha daꞌu, kowuhakeno, mie pokawite-witeno, mie fopongkono, mesombaino barahala bhe mie moindalono paha bhe kopahano, kosasawindo naꞌa daeate-ate we simbalino kota.