Matius 6:4 - Muna Southern Dialect

⁴ Sadhakaamu koemo dopandeꞌaanea bhaindo, maka Amamu mohano tifebuniꞌano nabholosiangkoe.”

Matius 6:4 Iomraidhean Croise

Matius 10:42

Laꞌae fowaꞌaono oe kafohoꞌu mahingga nasekampohoꞌuꞌa kaowu so mie mepandano kaengkohaꞌa ini mbaꞌinomo mie aitu anaguhuku, kotu-kotuꞌu pae namiinaea ponambonoa.”

Matius 6:18

keana dopandeꞌaane mie bhaindo putae poasaomu, ampamo kaowu Amamu tapa tiwohano mandeꞌaane. Maka Amamu mohano tifebuniꞌano nabholosiangkoeꞌomu.”

Matius 6:3

Tamaka ane sumadhakaa, nehabuno suanamu koemo nopandeꞌaanea kemamu.

Matius 6:6

Tamaka ane sumambahea pesua weo bolokumu, onto fointo maka sambahea ne Amamu pata tiwohano. Ane nada naꞌa Amamu mohano tifebuniꞌano nabholosiangkoe.

Lukas 14:14

Ane nada naꞌa hintu kodawua mpuu, kapaꞌamo andoa maitu miina bhe ae-aenondoa so kabhoosino habu metaamu. Habu metaamu naꞌa nabholosiangkoe Lahataꞌala nahumato kawanuꞌando mie banara maiꞌao ne mate.”

Lukas 8:17

Kapaꞌamo kosasawiꞌae tifebuniꞌano damotiumbae, sabhaha rahasia damekantaleaꞌie bhe damolelee ne mie bhahi.

1 Korintus 4:5

Dadiꞌanomo koise paꞌindulu fobhotusiomu, antagiomu nahumato wutono Ompu. Anoa nalumengkasi sabhaha rahasia tifebunino weo kahohondo. Anoamo dua so tumalesaono sabhaha patudhu weo totono lalondo manusia. Ne naꞌamo seemie-seemie naetahima kapudhi so mantasiꞌano maiꞌao ne Lahataꞌala.

Ibrani 4:13

Miina bhe dumadino notifebuni ne matano Lahataꞌala, bhahi-bhahiꞌae kanggetu delembi bhe notiwolengkasi ne wiseno. Ne Anoamo dua dapowiseꞌao wutontoomu ne sabhaha nehabunto.

Yudas 1:24

Fekakalabhia kaitaomu Lahataꞌala kokuasano! Anoa nokokuasa nodhaganikoomu keana titunoomu, keana dua bhe kadengono dhosa, bhe nosangkaꞌao kawulano lalomiu nahumato namowakoomu ne wiseno Wutono kumalabhiano.

Powoha 2:23

Mie mangkafie tetewei amongkoda maka kosasawiꞌae tombudo umati damandeꞌaane putae Idimo tumiisangino kakolalondo bhe fekihindo manusia. Idimo dua so bhoosiangkoomu seemie-seemie naposahataa bhe habumiu.