Matius 6:27 - Muna Southern Dialect

²⁷ Laꞌae bhahaa ne olotamiu itu hampano kamihino lalono namooli namodhulu dadino naseendai kaowu?

Matius 6:27 Iomraidhean Croise

Matius 5:36

Koise dua podhandi bhe femata sambili fotumu, kapaꞌamo miina bhe kuasamu mekapute tawa mekaꞌito wuluno fotumu mahingga nasetangke.

Matius 6:25

“Dadiꞌanomo amohatokoomu, koise nomihi lalomiu ne kadadiꞌamiu, momaaꞌomu ae tawa mohoꞌuomu ae. Koise dua nomihi lalomiu ne mbadhamiu bhahaꞌi mepakeomu ae. Ingka noliuꞌe dadi ini bhe oti, noliuꞌe dua mbadha bhe pakea.

Matius 6:28

Noafa nomihiꞌao lalomiu bhahaꞌi mepakeomu ae? Soba ondoomu kamba-kamba we pada; miina dakumahadhaa, miina dua damoohu.

Matius 6:31

Dadiꞌanomo koe nomihi lalomiu bhe pugauꞌomu, ‘Daomaa ae?’, ‘daohoꞌu ae?’ tawa ‘daepake ae?’

Matius 6:34

Dadiꞌanomo koe nomihiane lalomiu oleo naewine, kapaꞌamo oleo naewine bhe kasabhano dua wutono. Seꞌoleo-seꞌoleo bhe kasabhano wutono, koemo dotubha-tubhahiea.”

Lukas 10:41

Tamaka Ompu tanotobhoosimo ambano, “Marta, Marta, hintu ini nomihi lalomu bhe fekasabha wutomu ne sabhaha giu.

Lukas 12:11

Ane daowakoomu weo lambu kasambaheaꞌa dabhitahakikoomu, ne wisendo pamarinta tawa ne wisendo kabhala, koemo nekenda-kenda handamiu bhahaꞌi nada amai potunduꞌao wutomiu tawa pugauꞌaoꞌomu ae.

Lukas 12:22

Yesus nopugaumo ne anaguhuꞌino ambano, “Dadiꞌanomo amohatokoomu, koise nomihi lalomiu ne kadadiꞌamiu bhahaꞌi momaaꞌomu ae, koise dua nomihi lalomiu ne mbadhamiu bhahaꞌi mepakeomu ae.

1 Korintus 12:18

Tamaka Lahataꞌala padamo noꞌatoroe kaeateꞌando, sehonda-sehonda katoka bhe takano weo mbadha peda kapoindalono Wutono.

Filipi 4:6

Koe nokamihi-mihi lalomiu ne ae maka dua. Tamaka sadhia foampeomu kamesalomiu ne Lahataꞌala weo sambahea bhe neatimiu. Kafaraluumiu naꞌa fohatoaneomu Lahataꞌala weo katumpuno lalomiu.

1 Petrus 5:7

Fopulie sabhaha kasabhamu ne Lahataꞌala, kapaꞌamo Anoamo umondofaono dadimu.