Matius 6:25 - Muna Southern Dialect

²⁵ “Dadiꞌanomo amohatokoomu, koise nomihi lalomiu ne kadadiꞌamiu, momaaꞌomu ae tawa mohoꞌuomu ae. Koise dua nomihi lalomiu ne mbadhamiu bhahaꞌi mepakeomu ae. Ingka noliuꞌe dadi ini bhe oti, noliuꞌe dua mbadha bhe pakea.

Matius 6:25 Iomraidhean Croise

Matius 10:19

Ane damowakoomu ne fobhitahakino, koe nekenda-kenda handamiu nada amai tawa o ae so pugaumiu. Kapaꞌamo so pugaumiu itu damaꞌangkoeꞌomu wakutuu aitu dua.

Matius 13:22

Wine mondawuꞌano weo kahoku kokihi, maꞌanano mie metingkeno bhoasaono Lahataꞌala, tamaka nobhahi dofekihi so kadadiꞌando bhe nobhohe-bhoheꞌida kahangkaeano dhunia. Kosasawiꞌae naꞌa nopesua weo totono lalondo noꞌontiꞌi bhoasaono Lahataꞌala sampe miina nakohasilia.

Matius 6:31

Dadiꞌanomo koe nomihi lalomiu bhe pugauꞌomu, ‘Daomaa ae?’, ‘daohoꞌu ae?’ tawa ‘daepake ae?’

Matius 6:34

Dadiꞌanomo koe nomihiane lalomiu oleo naewine, kapaꞌamo oleo naewine bhe kasabhano dua wutono. Seꞌoleo-seꞌoleo bhe kasabhano wutono, koemo dotubha-tubhahiea.”

Markus 13:11

Ane dahumakokoomu maka damowakoomu ne fobhitahakino, koe nekenda-kenda handamiua bhahaꞌi mugauꞌomu ae! Tapugaumoomu ampa kafohatoꞌaomiu wakutuu anaꞌa; hampano suano hintimiu so mugauno, tamaka Rohino Lahataꞌala.

Markus 4:19

Tamaka nobhahi dofekihi so kadadiꞌando, nobhohe-bhoheꞌida dua kahangkaeano dhunia, pakade nobhahi kapoindalondo sigaoꞌano. Kosasawiꞌae maitu nopesua weo totono lalondo, noꞌontiꞌi bhoasaono Lahataꞌala, sampe miina nakohasilia.

Lukas 12:11

Ane daowakoomu weo lambu kasambaheaꞌa dabhitahakikoomu, ne wisendo pamarinta tawa ne wisendo kabhala, koemo nekenda-kenda handamiu bhahaꞌi nada amai potunduꞌao wutomiu tawa pugauꞌaoꞌomu ae.

Lukas 8:14

Mondawuꞌano weo kahoku kokihi maꞌanano mie metingkeno bhoasaono Lahataꞌala tamaka nobhahi dofekihi so kadadiꞌando, so kahangkaeando bhe so kambakano namisindo. Kosasawiꞌae naꞌa nopesua weo totono lalondo maka noꞌontiꞌi bhoasaono Lahataꞌala sampe miina nakohasilia.

Roma 8:32

Sanginomo Anano wutono ingka miina naooloanea noowae dopongkoe so kasalamatiꞌantoomu, bhemo toha bhahi-bhahiꞌae sigaoꞌano, bhahaa pae nafowaꞌanea?

1 Korintus 7:32

Gaoku mpuu pae bhe kamihino lalo weo dadimiu. Moꞌane tapa gumaano nofisiꞌonu fekihino so Ompu, gaono namekaꞌia lalono Ompu.

Filipi 4:6

Koe nokamihi-mihi lalomiu ne ae maka dua. Tamaka sadhia foampeomu kamesalomiu ne Lahataꞌala weo sambahea bhe neatimiu. Kafaraluumiu naꞌa fohatoaneomu Lahataꞌala weo katumpuno lalomiu.

2 Timotius 2:4

Seemie tantara tangasano nodhalangi takano, ingka miina natiteeꞌanea kahadhaano sigaoꞌano, kapaꞌamo patudhuno namekaꞌia lalono neangkano.

1 Petrus 5:7

Fopulie sabhaha kasabhamu ne Lahataꞌala, kapaꞌamo Anoamo umondofaono dadimu.