Matius 6:19 - Muna Southern Dialect

¹⁹ “Koise mefoꞌonuomu kahangkaeano dhunia, kapaꞌamo nadumai-daiꞌe faa bhe hase, pakade dapombuhusiane kasoꞌo.

Matius 6:19 Iomraidhean Croise

Matius 19:21

Ambano Yesus, “Ane moindalo nasumangka dadimu, kalamo asopi sabhaha fehebuaꞌamu, olino dawu-dawuandae mie mokae maka suli meꞌawa fehebuaꞌa te surugaa. Mada anaꞌa maimo angkafi kanau.”

Matius 6:20

Tamaka foꞌonuomu kahangkaeano surugaa, kapaꞌamo te surugaa paise nadumai-daiꞌe faa bhe hase pakade pae dua dapombuhusiane kasoꞌo.

Lukas 12:21

Nadamo aitu so netompaloino mie mefoꞌonuno kahangkaea so wutono, tamaka miina nahumangkaea ne pomatano Lahataꞌala.”

Lukas 12:33

Asopieꞌomu fehebuaꞌamiu maka dhoino waꞌandae mie mokae! Mehabuomu kadu-kaduno dhoi so tapa molusaꞌano, maꞌanano kahangkaea te surugaa tapa mowoowolono. Kahangkaea anaꞌa paise nahumatoe kasibu, paise dua naomaaꞌe faa.

Lukas 12:39

Tamaka naetaa mandeꞌaaneomu, ane kolambuno namandeꞌaane hambi seꞌae so hatoꞌano kasoꞌo, teteweimo pae tanakumatahomoa lambuno dalumeloe.

Lukas 18:22

Nofetingke peda naꞌa Yesus nopugaumo ambano, “Tadua sehonda so nedhalangimua, asoe sabhaha fehebuaꞌamu, olino dawu-dawuandae mie mokae maka meꞌawa arataa te surugaa. Mada anaꞌa maimo angkafi kanau!”

Lukas 18:24

Yesus noꞌondoe bhe nopugau ambano, “Kaꞌali maka mie kodhoi damesua weo Kafopahintaꞌano Lahataꞌala.

1 Timotius 6:17

Ne mie hangkaea we dhunia ini mefeꞌulaianda, koise nelangke diundo, koise doposahunaꞌao ne bara pata titangkaꞌaono peda kahangkaea. Tamaka mefeꞌulaianda daposahunaꞌao ne Lahataꞌala, tapa megana-ganano nofowaꞌao sabhaha kafaraluuntoomu so kaetaaꞌano namisintoomu.

Ibrani 13:5

Koise membaliomu bhatuano dhoi, netaamo notumpu lalomiu ne kanandoomiu. Kapaꞌamo Lahataꞌala padamo nokobhoasao, “Paise sepaliꞌa akumatahokoa, paise sepaliꞌa ahumunsakoa.”