Matius 5:7 - Muna Southern Dialect

⁷ Dokodawua mpuu mobhelano lalo ne manusia bhaindo, kapaꞌamo Lahataꞌala naobhelaanda dua lalo.

Matius 5:7 Iomraidhean Croise

Markus 11:25

Tamaka taenomo sumambahea, ane nokohobu-hobu totono lalomu ne mie bhaimu, maꞌafuane kadeki, neanomo Amamu te surugaa naꞌumamponiko dua.

Lukas 6:35

Tamaka hintimiu, moasianda kaewamu, habu metaa ne andoa. Fofoada tamaka koe posahunaꞌao sumuli umawae, maka meꞌawa ponambo bhahi. Hintimiu membaliomu anaꞌino Lahataꞌala foliuno kuasa, kapaꞌamo Lahataꞌala netaa dua lalono ne mie tapa mepandeꞌaono katumpuno lalo bhe mie modai.

Roma 11:30

Endefiꞌini hintimiu meguuliomu ne Lahataꞌala, tamaka ampa aitu tahimamoomu rahamatino Lahataꞌala, hampano kameguulindo miendo Yahudi.

1 Korintus 7:25

Aitu apugau dua so kalambeꞌi. Daanumo so andoa ini miina bhe pahinta netahimaku maiꞌao ne Ompu. Ampamo kaowu taꞌamolimbaangkoomu dua fekihiku peda seemie tiparasaeano hampano rahamatino Ompu.

2 Korintus 4:1

Insaodi tatahima taka kaꞌondofao aini hampano kabhelano lalono Lahataꞌala, patamo kaotembeꞌano lalo mani.

Efesus 4:32

Tamaka tabeano naetaa lalomiu seemieno bhe seemieno, pomobhe-mobhelaꞌao lalo, pomaꞌa-maꞌafuꞌaoꞌomu peda wutono Lahataꞌala noꞌamponikoomu noangka ne Kristus.

Kolose 3:12

Hintimiu umatino Lahataꞌala timoasiꞌaono, padamo nopilikoomu mbali fehebuaꞌano mongkilono. Dadiꞌanomo fotiwohaeꞌomu kabhelano lalo bhe kataano lalomiu ne mie bhaimu, fekapandae diumu, fekamalu lalomu bhe kosabaha.

1 Timotius 1:13

Gahaꞌaitumo endefiꞌini idi ini mie mekaꞌaebuno Lahataꞌala, mie fofodee-deeno, o mie kaꞌosa lalo. Tamaka Lahataꞌala nobhela kanau lalo, kapaꞌamo wakutuuno ahabu kosasawiꞌae naꞌa miinaꞌo amarasaeaꞌa, dadiꞌanomo miina amandeꞌaane nehabukua.

1 Timotius 1:16

Tamaka hampanomo anaꞌa Lahataꞌala nobhela kanau lalo neanomo Kristus Yesus namotiwohae ne mie bhaindo kabhalano sabahano ne idi, mie kodhosa ini. Dadiꞌanomo idi ini aembalimo sandahando mie so marasaeano ne Anoa mada kaowu maka daeꞌawa dua dadi suhue dhamani.

Ibrani 4:16

Dadiꞌanomo ⸤ weo sambaheantoomu⸥ fekakado kaitaomu damaꞌotiomu kaengkohaꞌano Lahataꞌala kumalabhiano fowaꞌaono rahamati, neanomo daeꞌawa rahamati bhe daetahima kabarakati sampe natumulumi kaita ne wakutuuno dofaraluuꞌe.

Ibrani 6:10

Lahataꞌala suano Lahataꞌala tapa umadhilinoa. Ingka pae naolimpuꞌaanea sabhaha kahadhaa bhe kanini kaasimiu ne Anoa nefotiwohamiu wakutuuno ondofaoꞌomu umati marasaeano endefiꞌini taꞌampamo aitu.

Yakobus 2:13

Weo kabhitahakino, Lahataꞌala paise naobhela lalono ne mie tapa mobhelano lalo ne mie bhaino. Tamaka mobhelano lalono ne mie bhaino, pae natihukumua, o kahukumu notaloe kabhelano lalo.

Yakobus 3:17

Tamaka o mie meꞌawano kakotimbangi maiꞌaono te wawo nomoinda totono lalono, noasiane pometaa, nomalu lalono bhe neangka. Anoa nobhela lalono ne mie bhaino, sadhia nehabu metaaꞌano, ane bhe posala maꞌanano miina naeꞌawi seweta, miina dua namehaaꞌula.

1 Petrus 2:10

Endefiꞌini hintimiu suano umatino Lahataꞌala, ampa aitu membalimoomu umatino. Endefiꞌini miina namasiangkoomu Lahataꞌala, ampa aitu nobhelaangkomoomu lalo.