Matius 5:46 - Muna Southern Dialect

⁴⁶ Ane moasiꞌaoꞌomu kaowu mie moasiangkoomu, so dua ae Lahataꞌala namonambokoomu? Ingka mahingga mie mesalono sewa dohabu dua peda naꞌa.

Matius 5:46 Iomraidhean Croise

Matius 11:19

Pada anaꞌa Anano Manusia - Idimo ini - nohato nohumaa nofohoꞌu, ambado mie, ‘Soba ondoomu, mie kumadau-dau bhe pande fohoꞌu, sabhangkando mealaꞌino sewa bhe mie kodhosa.’ Tamaka kakotimbangino Lahataꞌala notipandeꞌao kakotuꞌuno ne hasilino.”

Matius 18:17

Ane nandoo dua nokiido natumahimae, fohatoandae umati. Ane umati pae dua nametingkeda, abhieꞌomu mie aitu mie tapa mandeꞌaono Lahataꞌala tawa mie kodhosano peda mesalo-salono sewa.

Matius 5:47

Ane pofendeꞌaoꞌomu kaowu bhe bhahitieꞌimiu, o ae poꞌalaꞌano bhe habundo mie bhaimiu? Ingka mahingga mie pata mandeꞌaono Lahataꞌala dohabu dua peda naꞌa.

Matius 6:1

“Tandaiꞌeomu, koise angkafiomu tubhono agamamiu mefewohaomu kaowu ne mie bhahi. Ane peda naꞌa Amamu te surugaa pae namaꞌangkoomu ponambo.

Markus 2:15

Wakutuuno nohumaa se lambuno Lewi, dobhahi dua mie mesalono sewa bhe mie kodhosa dopombali-mbali bhe Yesus bhe anaguhuꞌino, kapaꞌamo dobhahi mangkafie.

Markus 2:16

Nandoo dua pande-pande Kitabi maiꞌaono ne kaomundo Farisi. Dowoha kaowu Yesus nopombali bhe mesaloꞌino sewa bhe kodhosaꞌino maitu, dofeenamo ne anaguhuꞌino ambado, “Peda ae gahaꞌa, ingka gurumiu nopombali bhe mie kodhosa maitu?”

Lukas 15:1

Dobhahi mealaꞌino sewa bhe mie kodhosa sadhia domai ne Yesus dofetingke kafoinaꞌuno.

Lukas 18:13

Tamaka mealano sewa naꞌa neehe-ehe se mokodoꞌoꞌano, bhe miina naokadoa natumotohana. Anoa tanotofa-tofa mbadhano kaꞌosano sosono bhe nopugau, ‘O Lahataꞌala, mobhela kanau lalo, idi mie kodhosano ini.’

Lukas 19:2

Ne itu nandoo seemie neangkando mealaꞌino sewa, nohangkaea sepaliꞌa. Neano Zakeus.

Lukas 19:7

Tamaka kosasawindo mie mohano kadhadhia aitu tadokomuntuꞌa ambado, “Ingka nobutu ne lambuno mie kodhosa.”

Lukas 3:12

Nandoo dua mealaꞌino sewa mai defekadiu bhe dofeena ambado, “Guru, insaodi ini taeafaꞌimo?”

Lukas 5:29

Palusi anaꞌa Lewi nehabumo hame bhalano se lambuno mbali Yesus. Dobhahi mealaꞌino sewa bhe mie sigaoꞌano dohumaa dopombali-mbali bhe Yesus.

Lukas 5:30

Miendo Farisi bhe pande-pande Kitabi dokamuntu-muntu ne anaguhuꞌino Yesus ambado, “Noafa gahaꞌa pombali-mbaliꞌaoꞌomu bhe mealaꞌino sewa bhe mie kodhosa maitu?”

Lukas 7:29

Kosasawindo mie metingkeno pugauno naꞌa, notilentumo dua mealaꞌino sewa, doꞌuumbetimo patudhuno Lahataꞌala, hampano padamo doowa wutondo nokadiuda Yohanes.

Lukas 7:34

Pada anaꞌa Anano Manusia - Idimo ini - nohato nohumaa nofohoꞌu, ambamiu, ‘Soba ondoomu, mie kumadau-dau bhe pande fohoꞌu, sabhangkando mealaꞌino sewa bhe mie kodhosa.’