Matius 5:32 - Muna Southern Dialect

³² Tamaka ambaku Idi, ane seemie moꞌane nohunsa mieno lambuno gahaꞌa mieno lambuno maitu miina namonsule, ingka nehabuanemo dhala so namonsuleꞌao ane hobhine anaꞌa nogaa toha. Laꞌae gumaano bhe hobhine nehunsa, nomonsulemo dua.

Matius 5:32 Iomraidhean Croise

Matius 5:28

Tamaka ambaku Idi, ane seemie moꞌane nowoha hobhine maka lasao gaono napomoodofiane, ingka nomonsuleanemo weo totono lalono.

Lukas 16:18

Sasuka humunsano hobhineno maka nogaa bhe hobhine sigaoꞌano mie aitu nomonsule, bhe sasuka gumaano bhe hobhine nehunsano moꞌaneno, mie aitu nomonsule dua.”

Lukas 9:30

Dotiwohamo dua mie dohodua dopotula-tula bhe Anoa, andoa ini anabii Musa bhe anabii Elia.

Lukas 9:35

Tanotifetingkemo dua suaha nomaiꞌao weo olu naꞌa ambano, “Ainimo Anaku nepiliku, fetingkeeꞌomu.”

Roma 7:3

Tamaka ane moꞌaneno nandoo nodadi, gahaꞌa hobhine aitu nogaa toha bhe moꞌane sigaoꞌano, ingka dokonae nomonsule. Ampamo kaowu ane moꞌaneno nomatemo, hobhine aitu nobebasimo ne tubhono kagaa; mahinggamo nagumaa toha bhe moꞌane sigaoꞌano, miina namonsulea.

1 Korintus 7:4

Seemie hobhine miina nakokuasa ne mbadhano wutono tamaka nokuasaiꞌe moꞌaneno; pedamo dua itu seemie moꞌane miina nakokuasa ne mbadhano wutono tamaka nokuasaiꞌe hobhineno.